AYUB 34:11 - Allah Wene Fano Wene Hupla Inane

¹¹ Aren he it afuni nen inobabut hilingitarek lombok inoba hilingfisigik, nen it inebe hilingik aplerogo hilingfisigik,” ikherek.

AYUB 34:11 Referans Kwoze

WAHYU 22:12

A'nogo yaganetemo, at Yesus nen yaganeti logolik: ”Ero inom, erembul inom, anatma re, omanggum eroba nen pikhit hobuk wurep oba netok mondok logogin mene nen, afuni inebe lombok inobabut hilingitarek mene higithogoat onggo wogisageluk waluk weak-weak wesigin o.

MATIUS 16:27

An abat ta'lasi wagagi a'nogo re, hobuk neisena fogeratu mondok welagaikharek andi hagat hilingla'luk, it malaikat Allah pogoroba nen yonggo pelakfisa wagarek mene omanogo ninom wesimbik, andi sambul he, afuni mondogat inobabut lombok hilingitarek mene higithogoat onggo wogisa wesigin o.

YEREMIA 32:19

Haren hilingisigin iluk wenggelogo fikhi lagen mene andoma re elok mondogat, nen Haren hilingiti lagen mene andoma re mondok elalin mene hilingiti lagen. Afuni nen hilingiri'lagwi mene Hat heilenggen mondogat isaluk it hilingiri'lagwi mene higithogo Haren unggum wogisikhi lagen.

MAZMUR 62:12

Pire henagan oba hakhogo At Allah nen ugunem holhi mene re yi'nogo, omame ero andi re we At Tuhan oba nek werek,

1 PETRUS 1:17

At Allah obabut he, afuni inagap oba nek eilenggen isaluk, ekhe elokhoma fisigik, ekhe ambotma fisigik, ikherek lego. We, inobabut hilingitarek lombok higithogoat wene inoba figik, kotik, ikherek andi nen, hiren he, ”Allah nineisena,” iluk ayonggo fikhi logolik, kweangma yoma elama faget hinebe ap pok hak logolik, at ebe hinailorogo hilingiti logoino o.

AMSAL 24:12

Telinabigiluk haren yi'nogo ino.” Wene andi an nen hilingisuageluk werek fuk!” iluk igin. Oba nen he At Allah nen hat hoba eilenggen logolik, Aren hat wenggelhen mene andi re higithogo lebetheagain. Nen Arenat it hilingisugun onggo wene inoba fagainat.

AMSAL 1:31

Hit hinobabut a'nogo hilingiti lagep andiba inom, weak mene hilingisuogoluk hinendawimo ebeti lagep andiba inom, hinobabut oba weak mene hinoba asigin andi.

AYUB 33:26

Nen, aren samban ugunem he, At Allah nen endawiraterek, at agaiyek oba Allah fogeratunem he, At Allah nen at ebe hilingik mene a'nogo mondogat fanot fikhi logogin.

AYUB 34:25

Iren hilingitarek mene At mondok elure'ma re, Aren sebel fisageluk inom weagerinabigiluk inom andoma re o hubanggo hilinginaferek.

AMSAL 12:14

Afuni inebe lombok it hilingitarek mene ambisangma onggo higithogo nek helagarek, nen inebe lombok inenggi yabu hilingituba nek onggo higithogo wogisagarek.

YESAYA 59:18

Aren aselei mene omanogo iren hilingitarek mene andoma higithogo unggum wogisagain. Nen, inunggulenu mene i alonggen kwe yatkwe welagaikharek mene ogore Aren unggum wogisagain mene andiba nen wulibugun mene ekhe werek lek.

1 SAMUEL 26:23

We Tuhan nenat ap higithogo hilingitarek mene inom, it furogo hilingitarek mene inom fanot fisikhi logogin, yogondak yi sambul Tuhan nen hat neisena hebe an hamingmingengge nenggimo fikheba nen he, an hamingmingengge nen neisena raja hebe Tuhan nen wenagaisogo menhobagaikhe mene hoba weak mene ekhe hilingisigin lek iluk anggigi o.

YEREMIA 17:10

An Tuhan nen he afuni inendawinggenma peneti lagi, nen inendawinggenma wenggelharek mene obabut palhi lagi. Afuni inebe lombok he inobabut hilingitu lombok An nen ambisangma hilingfisikhi lagi, nen it hilingitu higithogo An nen ogo a'nogo hilingfisikhi lagi aro,” iluk ikhe.

YEHEZKIEL 18:13

Aren angge ap amu mene inoba hobuk to'mongge inom wo'nesubagaigen iluk wogisikherek. Ap a'nogo hilingiterek mene andi re eluk logou hak nogo? Lego! Aren he mondok weak inabit mene andoma hilingitunem he at andi re wa'lasigin o. At ebe wa'lasigin andi re onggwarek aweak hilingiti laga mene omanogo onggo wa'lasigin.