AYUB 34:10 - Allah Wene Fano Wene Hupla Inane

¹⁰ Yago, ap hinendawi wenggelek mene omanogo hinesanggo holino! At Allah Omame Mondok Hokho mene andi re weak hilingisu hak nogo a? Mondok lego.

AYUB 34:10 Referans Kwoze

ROMA 9:14

Halok he, niren he, ninggi'nogo ugun. At Allah obabut weak hilingitikhe ugun nogo? Mondok lego. Allah obabut he, higit.

ULANGAN 32:4

Nineisena Tuhan, omamerogo hinebikhit agarek mene, Aren yi mene ti mene, katokhogo nek hilingiterek, mondok higithogo nek hilingiterek, Nineisena Allah obabut he, obokhogo herakninobagaikherek lek, weak ekhe hilingiterek legat, at fano nek hilingiterek, eberogo mene nek hilingiterek.

AYUB 8:3

At Allah Omame Mondok Hokho mene andi re wene higithogo hilingitarek wene andi inom eberogo hilingitarek wene andi inom he kwanirogo hilingite mene ekhe weregen a?

2 TAWARIKH 19:7

Nit nineisena Tuhan Allah andi nen he, aben henarogo hilingitik, fena fikhit enek ebikhit agik, inenggi a'makwe heligik, hilingitarek mene andi re, mondok abit anggikherek enggere, hiren Tuhan oba hinailorogo logolik hinendawinggen wenggelogo nek hilingitu nogo,” iluk yagaisasikhe.

YAKOBUS 1:13

At Allah re weak mene nen endawimo kagalu lek hak. Nen, aren ogo re, afuni ekhe weak hilingisuageluk inendawimo kagalherek legat andi nen he, hit ekhe hinendawimo nen he, ”An weak hilingisuageluk Allah nenat nendawimo kagali'logo,” iluk anggogoin elo'lego.

KEJADIAN 18:25

Haren afuni weak hilingita mene andi wene inoba fembik inoati logolik afuni weak hilingiti'lek mene andi inomat inoasigin andi nen he, afuni weak hilingiti'lek mene andi, it weak hilingita mene inom inoatun o. Haren kweangma mene inom, pogoroba mene mondogat wene inoba figik kotik egendek andi weak ugun nogo? Higit hogoat egendek andi,” iluk yagatikhe.

MAZMUR 92:15

E endam agayoba nen enggen itu mondok logolik, engga mondok mulirogo ket fano welagarek a'nogo higit, hilingik logogun.

AYUB 36:23

At lagainkwe re yi iluk ap sa hagen u hak nogo? Athe Hat weak hilingitenma o, iluk ap sa hagen At Tuhan oba hikhibet ha hak nogo?

AMSAL 6:32

Oba nen he, ap ekhe nen it ekhe inagagwi mene inom pailak hilingite halok at andi ebe kembu nen hilingisiginmo, onggwaregen weagerogo fakhagain andi!

AYUB 37:23

Nit nineisena Allah andi re eberogo omame hokho mene were'ma re, niren At horokhogo asi la re elo'lek. Aren he higithogo nek hilingitik, katokhogo nek hilingitik, hilingiterek. Aren afuni enggin-fenggin inoba fuluk sebelinarek welagarek mondok lek.

YEREMIA 12:1

Tuhan neisena, an nen nawene helaluk hat hoba wesumo nen he Hat hamu nek he eberogo mene welagen iluk weinam asu hagaro. Oba nen he an nen hat hoba wene heirogo hilingitarek mene andi faget heinok wokhikhi lagiat: ”Nenahalok ap ina'mage weak hilingitarek mene andi inenggi werek logolik fano werek nogo? Ninggi'nogo nen ap higithogo hilingitarek lek mene nen hilingitunem ambisangma higit enek agarek nogo?

AMSAL 15:32

Ap ekhe komo wene holu abit anggikherek mene halok he onggwarek ebe ogal fakhikherek legat, ap komo wene andi fanorogo holherek mene halok he hebelek mene agarek.

AYUB 34:34

It ap inungguloak kagalek mene nen ogo, nen it inobabut hebelek mene nen ogore, an nen ikhi lagi mene yi faget he eberogo ikhi lagen iluk u hak. Nen, iren holhaluk ikhi logolik he,

AYUB 34:12

At Allah Omame Mondok Hokho mene andi re weak hilingiterek lek, Aren he afuni mondogat inawene katukhogo palinaferek.

2 SAMUEL 22:31

At Allah nen hilingiterek mene andi re endebengge iluk ogo ekhe taganet lagarek lek, Tuhan nen abok wene wa'nisasikhe mene andi re eberogo anggikhi logogun fano. Afuni At a'ma hina'lasi kwagarek mene re sing itarek hak ferinarek werego.

MAZMUR 145:17

At Tuhan andi re Aren hilingiterek mene andoma mondok katokhogo nek hilingiterek, Aren yi'nogo ti'nogo hilingiterek mene andomaba re endawi hundik mondok welagarek.

ZEFANYA 3:5

Oba nen he At Tuhan ebe o kota andiba werek. Aren he mondok fano mene nek hilingiri'lago, nen, weak mene ekhe hilingiri'lago lek. O hubet hundik-handik he Aren againafuri inoba higithogo nek hilingfisili'lago. Oba nen he, it afuni o kota andiba higithogo hilingitu aple inonggot mene re inenggali higi'lek weak mene nek hilingitu welagaikharek andi.