AYUB 33:6 - Allah Wene Fano Wene Hupla Inane

⁶ At Allah nen he nit ninebe pirenet kweang tangge meneba elalninafikhemo re, hat inom an inom nemberek higitsek welago.

AYUB 33:6 Referans Kwoze

AYUB 4:19

It pogoroba mene ogore, a'nogo hilingitare'ma isikherek andi. Andi nen he, At Allah nen ap kweang abu'nengge meneba elalogo fisikhe mene omare kweang age mene hilingi'mo re eluk-eluk engge alperel isikherek hakhogo alperel inabu hak!

2 KORINTUS 5:20

Nit he, Kristus nenat, ninayonggo fesikhesik lakninobagai wagaikhemo wagagusik he, Allah nen wene yagahisa hak, komothinafi lago andi. A'nogo komothinafi logolik, ”At Allah nen hobuk hinambotkwe lambukhogo hinobagauwagen he, at hinom lambulinio,” iluk Kristus enu hombuk palogo ninane liokhogo yagahisikhi lago.

2 KORINTUS 5:1

Afuni inawi wurik meisalagunem hobuk ket wutarek hak, nit ninagap kweangma elama faget welago yi, wa'lagu halok he, pogoroba ninebe ninetok mondok logogun mene afuni nen fanorogo hilingiti'lek Allah nen hilingisogo ninobagagin mene werego, iluk futfikhi lago.

AYUB 31:35

An nane ikhi lagi andi, afuni ekhe inesanggo holugun mene inebe logoilebe. An nen mondogat igi andi eberogoat igi, iluk Allah enu hombuk palogo igi o. Neisena Allah Omame Hokho mene a'nogo nen nane onggo uago Ap ekhe wene noba fili'lago mene andi nen, wene andi an neilenggen hoagaluk mondogat lisu paluago.

AYUB 20:22

At angge hokhorogo aga logolik enggi werek agu sambul aremnogo re ou-pou engge inom, enggin-fenggin mene inom hokhorogo oba asi waga.

AYUB 13:12

Hiren komo wene ikhi lagep mene andoma re wul age mondok weak mene omanogo hangge hilingik, nen hiren hinonggwarek hinili helikhi lagep mene andoma re kweang tangge mene hilingik engge misigam halokhogo lagarek hakhogo hilingik.

AYUB 10:9

An nebe kweang tangge meneba elalogo nobagasigin a'nogo wenggel han! A'nogo hilingisogo nobagasigindik meneat he, yogondak Haren an nekhengge kweang aling higit asuageluk hilingnafi lagen a?

KELUARAN 4:16

Aren he, hat henuba it afuni ineilhanem yagaisoago. Hat he, Allah higit a'luk, At igin mene at yagatu kwelek aren hebelogo afuni yagaisikhi logouwago.

KEJADIAN 30:2

A'nogo yagatikhemo, at Yakub en he, he Rahel wenagati logolik mel yagatikhe: ”An nebe yi Allah fugo. Arenat hat heak takhanogeluk hilinghabi'lago o,” iluk yagatikhemo,

KEJADIAN 3:19

Nen, hat hebe kweang mene fanorogo hilingisogo elalhafi andi nen, kweangma yi mene ti mene awi fulelhi logouwageluk yabu likhak yugulogo, set kwil-kwalhogo hilingiti logombik, hebe wa'lasimbik hambotkwe kweang asigin o,” iluk yagatikhe.

KEJADIAN 2:7

Tuhan Allah nen kweang endebat mene ekhe enggim wanhikhesik, ap misigat ekhe pugunhogo hilingitikhesik he, set inebe inelugerinaferek mene eleage ambisang elekwe furogo kwelakfesikhe. A'nogo kwelakfesikhemo, ap a'nogo arat eluk agaikhe.

AYUB 13:3

Oba nen he, an nen At Mondok Omame Hokho mene a'nogoba nane ikhi lagi. An he At eilhanem andem an nawene hilingik mene andi nalong palagain iluk hilingiti lagi.

2 KORINTUS 4:7

Nit wene yi'nogo yagaisilik nugunem, afuni ineilenggen nisikhi logolik, inendawimo nen he, ”It inomame lek. We, at Allah omame hokho higi,” iluk enegat futfikhi logouwageluk, iwak kweang mene hilingisogo hinatarek hak, fano mene andi nit sebelek mene ninendawimo ninobagaikhemo werego.