AYUB 32:7 - Allah Wene Fano Wene Hupla Inane

⁷ Wene elonggoma hinago mene re inaluendegen enek yagaisagarek hilingi'mo re, An nendawimo nen he hiren hinane ilep anggikhi lagi.

AYUB 32:7 Referans Kwoze

AMSAL 16:31

Ap higithogo hilingitarek mene andi re we endawi hundigen wogotarek oba eluk uanhogo welagarek, inesi helel wiliferek andi onggore makota habul habalengge mene helogoin.

AYUB 12:12

Aben ikhi logolik he, inendawinggen kagalek mene inom, fanorogo ebetarek mene inom andi re ap inebe umur uanhogo hilingik mene inoba werek iluk agarek lek nogo?

IBRANI 5:12

Hit he, Allah ane attagat wanhigipmo re, hiren it afuni ekhe yagaisa elok meneat he, elo'lek andi nen, wene attak yagaisagarek mene andi, it afuni ekhe nen inoba yagahisogoin o. It yenggerugwi sumburu haro mene nogoin elo'legen, inagaisa ineilak enek nunggu welagaikharek andi hak, hit he, wene wurik mene yagaisogoin elo'legen he, wene attak yagaisagarek andi mene nek yagaisikhi logogun hinobabut hisikhi lagi o.

2 TAWARIKH 10:6

It a'nogo pugulhu kwelek he it ap hokho inap attak at eisena Salomo wene komo wene yagati logouwageluk welagaukwa mene omanogo yagaisikhi logolik he, ”Ap andoma inoba an nen onggo ninggi'nogo yagaisigi aplerek?” iluk isikhesik he, ”An noba ninggi'nogo hilingisin iluk yaganesugun?” iluk heinok wogisasikhe.

AYUB 15:10

Nit ninendawi kagauksek mene andi re ap mondok yaman agaikhasik inesi helel wulifa mene nen ninoba faga o, it ap andoma re hat heisena oan ta'lagi'lek werek kwelek it tak welagaukwa inap.

AYUB 32:9

Ap inendawinggen hebelek mene hilinglagaikharek andi re, it inebe mondok yaman asi lagaikharek andiba re fuk, athe ineluk uanhogo welagaikharek andiba re fugat.

MAZMUR 119:100

An he wene haren tekhogo isigin mene andoma fisogo logolik welagimo re, it ap inaluendegen inelu mene re we sebelek hak hilingik kwelek, an enek he mondok omamerogo futfikhi lagi.