AYUB 3:21 - Allah Wene Fano Wene Hupla Inane

²¹ It afuni ariginik mene re, ineluk logolik inangge onggo hokho mene helikhi logou inabit hangge. We, wa'lasugun mene nek he, inamolo meneat he, weak-weak wa'lagi'legat welagaikharek andi.

AYUB 3:21 Referans Kwoze

WAHYU 9:6

A'nogo hilinginafunem ouen likwano ikhi logolik, ”Ninebe katokhogo wa'la'lo e,” iluk wa'lasuogeluk inonggwaregen yi walhigik ti walhigik ugun mene re, inebe lebekhogo wa'lasugun lek, iluk isikhemo andi nen he, wa'lagi'lek heinet enek watu mondok logogun o.

AMSAL 2:4

Andi mene faget he emas heratarek higit heratik, nen inangge onggo hokho mene were'ma mu'luk lagaikharek higit murok lagik, ikhi logoino.

YUNUS 4:8

A'nogo hilinglagaikhemo, ohealek hubet mo arat lagai wagaikhemo Allah nen, sogoi aganhan weak mene o mo lagai wagarek higiren funha wesuagaluk hilingitikhemo re, funha wagaikhe. A'nogo funha wagaikhemo mo aigen Yunus ungguloak hutethasikhemo re, eilfuruk feigeluk isikhe. A'nogo hilingitikhemo re, aren he, ”Nebe neluk logogin nabiro. Wa'lasigin namolo o,” iluk isikhe.

YUNUS 4:3

Yogondak he Tuhan neisena, an nebe wa'la'le anggikhi lagi o. Neluk werek aple re nabiro,” iluk yagatikhe.

1RAJA-RAJA 19:4

eisok oba o leimo afuni le'ma andoma ohealek huberen pikhit lagaikhe-lagaikhe o arat hu'mokwe agaikhemo, e enggi talek hokho mene ekhe eroma omanogo kamo i lagaikhesik welagaikhe. Andoma hu'lagaikhesik logolik he, nebe wa'lasigin namolo, iluk endawimo anggasikhesik, eisena Tuhan mel yagatikhe: ”Tuhan neisena. An nebe neluk logogin mondok elo'lego. We, an nebe fano ekhe welagi'lek. Nombalak weak welagaukwa andi hanggeat welagi andi nen he, an neluk wo'nabin o, neisena,” iluk yagatikhe.

BILANGAN 11:15

Haren, an noba a'nogo nek hilingnafi logou fugo, hendawit nabin. An noba enggin-fenggin hilingnafi lagen andi, noba selek asuageluk, nebe hendawit nabimbik weak-weagat noasumo fano o,” iluk wenagetikhe.

AYUB 3:22

It he, inebe wa'la'luk lagaikhare'ma andoma arat laluk inendawimo hai mondok hakhagarek andi.

YEREMIA 8:3

Andiba re it ap inunggulenu inanini mondok weak mene ari ineluk werek mene re An nen yikwe tikwe telfol isasigimo welagaikharek mene andoma nen he ineluk werek mene faget inabitsek logolik, wa'lagaikharek mene faget enek he inendawirogo logogun. Iluk An Tuhan Nomame Mondok Hokho mene a'nogo nen nane mondogat igi o,” ikhe isikhe.

AYUB 6:8

An samban ikhi lagi mene andoma nenahalok Allah esanggo holi'lago lek? An nane kweti lagi mene andoma nenahalok fut nobagali'lago lek?

AYUB 6:9

We At Allah nen enek an noba weak-beakhogo nobagauwak, we Aren enek wenggelhambik an nebe pinggi noasuak.

AYUB 7:15

Andiba re an noba ou-pou hugu mondok welagirek mene andi herakfuluk he, nalonggop perelogo wa'la'le iluk anggikhi lagi.

AYUB 11:20

Oba nen he ap weak hilingitu mene re, it faget leberinabu mene ekhe werek le'ma re, inendawi suk-sakhogo logolik kwelakhiikhi logogun. It he we weak-weak wa'la'lo ago iluk we misik andi faget enek nenangot hikhi logolik logogun,” iluk isikhe.

PENGKHOTBAH 4:2

Andi nen he it afuni wa'lagaikha mene andi re fano hak oba nen, it afuni ineluk werek mene re elo'lek hak were'ma higirik he an na'makwe hetperikhe.