AYUB 3:14 - Allah Wene Fano Wene Hupla Inane

¹⁴ O endamat andoma it ap inogogwi raja-raja omanogo inom, it inogogwi kaindek fenakwe omanogo i nomen inawi meisalek mene legeisogo fanorogo wuti lagaukwa omanogo hak,

AYUB 3:14 Referans Kwoze

AYUB 15:28

At ebere o kota mondok meisak langgukhogo hilingik kwe omanogo, o afuni inebe lekwe foluk kwe omanogo logolik hilingiri'lago agun. O kota andoma re hobuk afuni nen pin kwikhi logolik meisalogo herak fogoin, iluk abok palogo fesikhemo werek awi omanogo.

YEHEZKIEL 26:20

Andi nen An nen hat hanggweangma ap wa'la'luk lagaikharek oba omanogo lakhobagaumo lambik it ap o andemen wa'lagaukwa mene omanogo hinom mangosi lagain. An nen hat hanggweangma ap wa'lagaukwa mene inanggele'ma andoma lakhobagaumo logogin. Andiba re hat hanggweang oba it ekhe logogun lek, nen hat faget ogore afuni ineluk werek mene inanggele'ma nen ekhe wurep wokhiikhi logogun legat.

YESAYA 58:12

Kota endam mene mondogat meisalogo pikhe mene andi re hiren ubule ket mene warogo amboloba nekhengge wusugun. Hit faget he, ”Inunggulenu leget pa'leget nekhengge wanhik, o molulukhogo pikhe mene omanogo halogo wutik, hilingita inabo,” iluk ikhi logogun o isikhe.

YESAYA 5:8

Hiren afuni inawi wurik mene omanogo onggo paligik, it ineabu omanogo hit akhouwogeluk mikhak kwigik, hilingiti lagep mene andoma re, alomat lakhouwogeluk welagep! Horok eil misik wela'luk afuni amu mene were'ma inobalik legasi lagunem o kweang andiba re hit hinamu nek logogun.

PENGKHOTBAH 8:8

Ap misik ekhe nen wa'lagu mene faget oanma iluk senfigik, higilogo fei lagik u lek hak, Andi re afuni mondogaren inebe lombok hogoin enek hilingi'mo re, We ineranen wene agarek oba inom henarogo wene agarek oba inom, wa'lagaikharek mene andiba nen ogalogo la lek hak.

MAZMUR 89:48

An nebe horogat wa'lasuhak welagi andi noba ebesin o, Nit afuni ninebere, we, elama faget welagoresigen wa'lagorek mene elalninafigin andi.

MAZMUR 49:14

Afuni inonggwarek inomameba himbirik welagaikharek mene nen, an nen ugunem enek he fano iluk anggagarek mene andi re, a'nogoat wa'laikharek.

AYUB 30:23

Haren it afuni ineluk werek mene wa'laluk lagaikharek oba mondogat kaboget fisikhi lagen oba andoma, wo'narek laga lagen mene andi re an mondok nelu o.

AYUB 12:17

Aren he, ap inoname werek mene inom, pemerintah ba yabu inungguloak kagalogo hilingitarek mene omanogo inom henogo wanhik, nen it inogogwi melalinafarek mene omanogo afuni nen endo yaginafarek mene hilingfisigik ikherek.

1RAJA-RAJA 11:43

A'nogo ferinarek welagaikhesik, hobuk ebe eisugwi inoba lagaikhemo at Daud awi kota andoma salhukwa. A'nogo salhukwama, amlogo Rehabeam eisena obulu'mo ebe raja menlagaikhe.

1RAJA-RAJA 2:10

A'nogo yagatikhesik, at Daud ebe eisenalak inoba lagaikhemo, ebe warek onggwarek aiba kota andomaat salhukwa.

AYUB 12:18

Aren he it a'nogo ineabu sebel fisigik, it inebe hele warinafik ikherek,

YESAYA 14:18

It raja-raja attak inunggulenu lombok ferinarek welagaukwasik wa'lagaukwa mene omanogo inebe mondogat he inobalik lombok inawi fanorogo wurogo wengik werek,

YESAYA 22:16

”Honggwaregen anggikhi logolik hat hebe yi re sa anggikhi lagen? Haren ero kiba honggwarek salhabugun oba faget helep elema andoma anggwe folelik kwikhi lagen nogo?