AYUB 3:13 - Allah Wene Fano Wene Hupla Inane

¹³ Andem sambul an nebe wa'la'lesik lelema nen he, nabolok lek logolik set walikhi logouwem agwi,

AYUB 3:13 Referans Kwoze

PENGKHOTBAH 9:10

Afuni inebe wa'la'luk lagaikharek oba andoma re yabu hilingitik, menenei ebetik, yi wene ti wene inelu agik, inendawinggen kagalek mene hilinglagik agarek le'ma andomaat hit logoin andi nen he, hineluk logolik yi yabu ti yabu hinomamerogo hilingiti logoino.

AYUB 21:23

Ap ekhe eluk logolik, oba ou legengge fanorogo logolik he, endawimo mondok agaiyekhogo oba siserogo wa'laga. Nen at ebere omame mondok werek kwelek oba nen he, heinet wati'lek agaiyekhogo mondok wa'laga.

AYUB 21:13

Iren he linggene hundik-hundik omanogo inagaiyek hikhi logolik enek welagaikharesigen legasi lagunem he, it inebe ogore enggin-fenggin inoba legengge wa'lari'lagwiat.

AYUB 19:27

It ekhe nen hambik yaganesugun lek. Meneat he, we, an nonggwarek neilenggen tomok hagain o. Nen an ninom he At andi re enggawe mondok fano mene o.

AYUB 17:13

We afuni wa'laluk lagaikharek oba andoma nek eberek mondok welagimo re, we o mum se'ma andoma laluk nogokhi logogin.

AYUB 10:22

O hik weak hilingi'mo mondok nong-hongsekma andoma re, o selek werek oba nen he selek a'nogo mum hangge hilingi'mo andoma lagain,” iluk ikhi laga.

AYUB 7:21

An naweak Haren honggorabethogo fou re elo'legen a? Nen weak hilingiti mene sagalogo legat fisa re elo'legen a? We eil misik wela'luk ap wa'lagu mene sal fisagarek oba omanogo wengik logogiluk welagimo re, Haren an hera'nabigin oba nen he, an longgo pising umo re hera'nabigin lego,” iluk isikhe.

AYUB 3:12

An nagaisa nen agoumo felikhogo wo'nafikhesik, eilak hunafikhe andi ninggi'nogoluk nogo?

AYUB 10:21

Eil misik wela'luk he an nebe mondogat lagainmo re, nekhengge nambotkwe lagokhogo wesigin lek, o kweangma mondok mum hikhak se'ma andoma lagain.

AYUB 14:20

Haren inebe mondok-mondok mabenet fisaluk, inelokhe munenogo inebe lani iluk lakfisegendek.

AYUB 16:22

Tahun an nebe neluk logogin oba re hokhorogo werek legenggere, we eil misik taba an nebe mondogat lambik he hobuk nambotkwe wesigin lek.

AYUB 19:25

Oba nen he an telnabigin mene o pogoroba eluk werek mene andi re an nelu o. Hobuk wurep oba an lebe'neagaluk menlasigin werego.

AYUB 21:26

Oba nen he ap wa'lagu mene salinabi lagaikharek oba omanogo re inebe pirenet engge wengik were'ma re, musu inom, imbalo inom, mayeng inom, soborenggen inom en heim eti laga.

AYUB 24:19

Meiso es mene o hibi nen terenghogo lek agarek hak, it afuni weak hilingitarek mene andi re wa'lagu mene a'nogo helugunem he a'nogo lek ari'lagwi.

AYUB 24:20

At onggwarek agaisa nen ogore mondogat onggot agaba nen he, imbalo nen he at agap palhigik nunggu werek. At enu re afuni nen ogo ekhe ebet hogoin lek, At he afuni nen e mugusogo lakfagarek higit alomat lakhikhe anggikhi logogun.

AYUB 26:5

A'nogo isikhemo at Bildad en onggo ikhi logolik he, ”It ap wa'la'luk lagaikharek oba andoma werek mene omanogo re inoak leigeri'lagwi. I inom, i kweang ambuema werek engge omanogo inom ogore aleik wari'lagwiat.

AYUB 26:6

At Allah eilhanem he it afuni wa'laluk lagaikharek oba andoma re kwe hurik werek. Inebe leget fisikherek oba andoma ogo re kwe yagarek legat.

AYUB 34:22

O mum se'maba nen ogore, it afuni weak hilingitarek mene re hina'lasu lek hak?

YEHEZKIEL 32:27

It salinafa re ap pahlawan inogogwi kabelek mene inasikhe fing-fang afuni wa'la'luk lagaikharek oba pugu sambul legeisogo fisikhi logolik salinafukwa higit legeisogo fisikhi logolik salinafa lek. Ap inogogwi kabelek mene pahlawan andoma re inenggarok inunggul a'ma legeisogo, nen, inandok peigengge re inami'mo felikhogo salinafa. It inebe ineluk logolik oba re ap inogogwi kabelek mene pahlawan inambong sise inap were'ma afuni mondogaren inailorinafi lagaukwa inap.