AYUB 29:3 - Allah Wene Fano Wene Hupla Inane

³ Aren he an lebetnafik, an o mumsekwe lagunem Aren selegetnafik, hilingiti laga.

AYUB 29:3 Referans Kwoze

MAZMUR 18:28

Afuni inendawi sebelfakhaluk hilingitarek mene inoba re Haren inagap telogo fisikhi lagen, oba nen he, afuni inonggwaregen legetfakhugu mene halok he, Haren sebelogo fisikhi lagen.

YOHANES 8:12

Hobuk he, at Yesus nen it afuni omanogo wene ekhe mel yagaisasikhe: ”Afuni selegerinafirek andi re, an aro. Ap sa nen an nombo'ne nikhi logogin halok he, an nebe selek mene logolik inelugerinafirek mene a'nogoat wo'nabigin andi nen he, at andi o mum oba nikhi logogin lego,” iluk ikhi lagaikhemo,

AYUB 18:6

Awi sabu sale'ma esage ibilik mene a'nogo re nagul-nagul kwikhi logogin, lampu oak ombak-bakhogo werek mene a'nogore ekhe inom selegabeti logogin lek.

EFESUS 5:8

Hit attak he, o mum oba welagagip meneat he, yogondak Tuhan againafuri mene agepsik, o selek oba welagep andi nen he, hinobabut o selek oba logolik hilingiti logogun meneat higithogo hilingiti logoino o.

YOHANES 12:46

Nen, it afuni inendawinggen an noba himbiret fogoin mene halok mondogat he, o mum oba logoinogo iluk, selegerinabigeluk an nebe selegerinafirek mene kweangma yoma pi wagagi o.

AYUB 22:28

Haren hilingiti logogin mene andoma re ambisangma fano nek agunem hikhi logogin, nen hat heluk oba re selegen liathafi logogin.

AYUB 11:17

Hat hebe heluk logogin huli andoma re mo asinandi a'nogo endep hak werek kwelek, mondok alonghogo hilingik logogin, nen yogondak hat hebe heluk welagen oba o hubanggo hak hikhi lagen mene andem he mo hubet asinandi kwelabi wagunem andem higit hilingik logogin.

AMSAL 24:20

It inobabut a'nogo hilingitarek mene andoma re it inerembul oba inom, ineluk hobuk logogun mene inom ekhe logogun mondok lek.

MAZMUR 84:11

Nineisena Tuhan Allah, hawe a'ma fetninarek welagendek mene, nit hagainafuri ninebe hendawi nen, fano mene wo'nisigik, agaugwet ninafik, hilingninafi lagen. It afuni weak hilingiti'lek tegelek logolik hoba we'luk, fano mene kino yagahetunem, ”Wokhisagain nabit,” ikhi lagen lek. O ekhe amumo yoma, ninenggi seribu oba logogun andi weak mene re, ninenggi misik oba Hat hawi wuri'mo andoma logogun andi nek he esin mondogo. It afuni weak hilingitarek mene, inaiba welagi'lek, neisena Allah hawi wuri'mo, kweba kagalek logogun andi mondok esin andi nen he, an nen wenakhigi andi o.

EFESUS 5:14

A'nogo selek oba fugunem enegat a'luk he, selek agarek andi nen he, mel agarek andi: ”Hat nogo ikhi lagen andi, hebe menlame o. Nen, warek hangge welagen andi, helugame o. At Kristus nen selegethabigino,” iluk agarek andi.

YESAYA 2:4

Aren a'nogo yanggulinafi logolik afuni inunggulenu lombok inawene lombok ayo wurogo pilingisigik, nen afuni andi mene inawene inoba were'ma pilingisogo leget fisigik, ikhi logogin. A'nogo hilingitunem he karok weim yafarek mene andi re yabu kiam oba tagalharek mene hangge hilinglagik, nen sige posiemanggen mene andi re pisok engga palhu mene hangge hilinglagik igin o. A'nogo hilinglasumo re afuni inunggulenu lombogen he weim yabuogeluk sali laluk sinelogo inoasi kwigik, weim yi'nogo yafarek iluk milil-melalhogo yanggulinafik, ekhe ikhi logogun mondok lek.

AMSAL 13:9

Afuni higithogo hilingitarek mene inobabut he, esage ibili'mo selek welagarek andi higit werek, nen inobabut weak mene andi re, esage naguli'mo mum welagarek andi hangge werek.

MAZMUR 27:1

At Tuhan andi re an liatnafik, telnafik ikherek mene hilingi'mo re. An nen nailotirek mene ekhe werek lego. Tuhan he an nalong palogo himbirengge higit fetnarek were'ma re, an he nendawimo youk igi'lek hampukhogo logogin.

MAZMUR 23:4

An nebe tonggwe mum hikhaksekwe lagain halok ogore, Haren fetnarek mondok logolik, ap wam domba halherek mene nen, anggo ebe wasinogoluk, arigeba ebe telherek andi hak, telnafi lagen andi nen he, nailo lekhogo logogin.

AMSAL 20:20

Ap ekhe eisena agaisa homan fisikherek mene andi re eluk longgo igin, andi re o hubanggo esage nagul fugunem o hup kiruak teng ikherek andi hak hilinglasigin.

MAZMUR 4:6

Tuhan faget fano mene nek wogosi we'luk, hinendawinggen At oba tibet fuluk logoni.

AYUB 21:17

Ap weak hilingitarek mene inaesage nagul agarek mene ekhe werek nogo a? Nen enggin-fenggin it inoba asi wagarek mene ekhe werek nogo a? At Allah nen obaharo it inoba fikhesik, it unggum wogisikhe mene ekhe werek nogo a?

MAZMUR 18:29

Tuhan Allah neisena, Haren he an naesage wial nobagakhi lagen, An noba mondok mum were'ma Harenat seleget nobagakhi lagen.

MAZMUR 112:4

Afuni nen higithogo nek hilingitik, katokhogo nek hilingitik, inendawi hundik welagik, inelagaik mene fanot fisigik hilingisugun oba re, mum mene anggele'ma nen selegerinafi logogin.