AYUB 27:16 - Allah Wene Fano Wene Hupla Inane

¹⁶ Aben angge perak andoma kabok-kabok engge kabogerik lagagik, asu sap-sabengge kabogetik, hilingiti logogin andi re fano,

AYUB 27:16 Referans Kwoze

ZAKHARIA 9:3

It Tirus inaben he, inonggwarek faget o nendawi hambuk faget leget haning leget esi a'le ninghogo wanhik, emas, perak inom he we onggo sebelegengge hakhogo ilingage bene inom, fesi ebekhe kwe welagarek mene andoma bene inom andogorogo fakhaga mene were'ma higi.

MATIUS 6:19

A'nogo yagaisasikhesik he, ekhe mel yagaisasikhe: ”Afuni nen yi mene ti mene kweangma yoma andogorogo fugunem he, elugengge nen palhik, kulumage figik, ap ineil masi weak mene nen yogot wani kwigik, hilingitare'ma yoma re, yi mene ti mene andi andogorogo fogoin lego.

YAKOBUS 5:2

Hinagarek yi mene ti mene hokhorogo andi fili agik, hinasu hokhorogoat andoma elugengge nen ninggik,

HABAKUK 2:6

Oba nen he, it inawe a'ma fisili'lagwi mene andi nen, it inomame werek mene omanogo inane asegen wogisigik, inenggali watik, ikhi logolik he, ”Hat hangge lek oba nen kabogerikhi lagenma re homan ugu logoin o! Ki huli nen weak-weak nenggi werek asigin iluk ap hat hoba palegengge werek mene omanogo nombalegengge wo'ne'ni iluk hane ninghogo yagaisugu logogin nogo?” iluk agarek andi.

AYUB 22:24

Hat hangge emas eil mondok wurik fano mene andi re hugisano, i ebe yenggelek lek meneba mali'ma pelak fisano o.

1RAJA-RAJA 10:27

At Salomo nen afuni Israel mene ferinarek logolik, yi mene ti mene kigilhi lagaikhe andiba, o Yerusalem andoma, perak andi re, we, helep hangge hokhorogo hilinglagik, nen e wombi hangge enu cemara Libanon mene andi, e weagayo mene tom oba welagarek mene hangge, mondok hokhorogo sik-pik igik, isikhe.

AYUB 3:15

athe ap raja inamlogomi nen inailoba perak inom, emas inom, mondok pete tunghogo hilingfuluk werek andoma hakhogo nabolok lek nogokhi logolik logouwem.

AYUB 15:29

Ap andi angge yi mene ti mene mondogat tukhogo werek mene omanogo re komakwe laga heat ferekhogo legasigin, at angge werek mene andoma re mondogat lek asumo re ekhe inom logogin lek.

AYUB 20:10

Attak aren afuni inenggi lek mene inangge hinakhikhe mene omanogo re, it at againafuri nen obali'mo wogisogoin.

AYUB 27:15

Agaila'lak ineluk logogun mene omanogo re ou en wathigik logoin, nen it inagagwi sogwe omanogo nen he it inobaget le asugun mondok lek.

AYUB 27:17

oba nen he su inom perak inom andi re it ap higithogo nek hilingitarek mene inangge asigin.

AMSAL 13:22

Afuni inobabut fano hilingitarek mene andi re inalolegengge andoma iren taginabugun mene eiserakhambik logogun. Oba nen he, it ap weak hilingitarek mene inangge andoma re afuni inendawinggen fano higithogo logolik hilingitarek mene inobaget kabogetarek.

PENGKHOTBAH 2:26

Allah nen he ap At endawimo fano mene hilingiterek mene a'nogo hebelagaikharek mene inom, elu agarek mene inom, inagaiyek agarek mene inom, wogisikherek. Oba nen he ap weak hilingitarek mene re ineabu wokfuluk inangge ambisangma nen kabokhogo re ap Allah endawimo fano aple hilingitarek mene inoba wogisoageluk hilingfisikherek. Arigini'mo re mondogat andoma re we alomarogo sogoi murok lagaikharek hak hilingik.

ZEFANYA 1:11

Yago, hit afuni o sili a'ma fikhit welagep mene oma. A'nogo hilingitunem hinesanggo holhaluk he ap yi mene ti mene onggo palhik, hunitik agarek mene inom, nen ap uang we elama faget wogisagarek mene inom, mondogat inoasumo wa'lasugun enggere le aga logolik heinet wati logoni o!

ESTER 8:1

A'nogo hilingitukwasik linggene a'nogo sambul he raja Ahasyweros nen afuni Yahudi mene inaselei hokho mene hun Haman a'nogo angge yi mene ti mene omanogo mondogat ratu Ester wogetikhe. Nen at Ester en raja oba yagati logolik he, ”Mordekhai andi re an nerei, neisena agoren tago mene,” iluk yagatikhemo re, aremnogoba nen he at Mordekhai re, kwi wesuageluk woleti lek kwelek ogore raja were'ma elok kwikhi logouwageluk yagatukwa.