AYUB 27:11 - Allah Wene Fano Wene Hupla Inane

¹¹ An nen he hit hinoba At Allah omame mondok hokho werek mene a'nogo yagahisigik, At Lego Mondok werek mene a'nogo nen hilingisigin iluk wenggelhe mene a'nogo hineluet hinobagagik, igin.

AYUB 27:11 Referans Kwoze

YESAYA 8:11

Tuhan ane omamerogo an noba ikhi logolik he, afuni inunggulenu andi mene nen inobabut hilingiri'lagwi andi hak, an nen ogo it inobabut waganogo hilingiti hanogoluk nendawimo eberek logouwageluk,

MAZMUR 71:17

Neisena Allah, an nebe sougeba nen engge Harenat yanggulnafi lagen, yogondak huli nen enggere Haren yi mene ti mene hokhorogo walhogo fesiginmo mondok nik polanhogo hilingik mene andi faget hundik-handik tindelhu welagirego.

AYUB 6:10

A'nogo hilingnobagagin halok enek he, an nendawimo nen he andi re koninaferek higit hilingnobagaikhe iluk nagaiyegen mulugeti logogin. Allah mondok horek mene a'nogo awene melalek he an mondogat fut figirik he hologo nek hilingitu welagi.

KISAH PARA RASUL 20:20

A'nogo hilingiti logolik he, wene hit yagahisagain mene kamo igi'lek afuni andogorek were'ma yagahisigik, hinawilokwe lombok yagahisigik, ikhi lagi a'nogo hineluaro.

ULANGAN 4:5

An nen, wene nineisena Tuhan Allah nen, yi'nogo hilingi'no, iluk, komorogo yaganisasikhe hagat mondogat yagahisigi o. Hiren he, o kugun oba andoma sebeli kwimbik logolik, wene andi mondogat hologo hilingiti logoino.

AYUB 27:10

Ebe eberogo mene re aren inagaiyek agarek mene a'nogo Allah nen wo'nelebe e, iluk endawinggen eberek logolik, aren samban Allah ba ninghogo ikhi logogin halok fano.

AYUB 27:12

Oba nen he hit hinebe mondogat hineilenggen lombok hasigip enek. Meneat he nenahalok hiren komo wene ero lek mene nek ikhi lagep?” iluk isikhe.

AYUB 11:7

Haren he At Allah endawimo hinago mene inom, Aren wenggelherek mene inom andoma re hendawimo wanumo re eloga? Athe, At Allah omame mondok hokho werek mene a'nogo haren fut foumo re eloga?