AYUB 24:18 - Allah Wene Fano Wene Hupla Inane

¹⁸ A'nogo isikhemo at Zofar en ikhi logolik he, ”Ap weak hilingiri'lagwi mene halok he i fu waga logolik woginapluk lagarek, it inanggweang he At Allah nen homan fikherek. At eabu anggur yabumo omanogo re yogondak afuni yabu ekhe hilingitu le'ma re inarek mondok lek.

AYUB 24:18 Referans Kwoze

MALEAKHI 2:2

Hit hinobabut hilingituba An esinet nobagaluk foget nobagakhi logoni o. Nen, hiren An nane holfigi'legengge hilingiti lagep halok he, An nen homan hinobagagin. Hiren yi mene ti mene aren wo'nisili'lago mene iluk helikhi lagep mene andoma re, An nen agaumhogo re homan ugu mene nek hilingisogo fagain o. Hiren he, An nen nawene melalek yagahisigi mene a'nogo sagalogo fuluk hilingitunem he, ibi-eberogo nen yi mene ti mene mondok fano mene andoma re, mondogat homan ikfigimo werego.

YESAYA 23:10

Ap kapal oba yabu hilingitarek inap omanogo re inebe mondogat lek enggere, hit ap Spanyol hinap yi re, hineabu helikhi logobagaigen he hela wilipni o.

AMSAL 3:33

Ap weak hilingitarek mene inaiba re Tuhan nen homan ikfisikherek, oba nen, ap At oba lombokhogo welagaikharek mene inaiba re fanot fisikherek.

MAZMUR 69:22

Sumburu wo'neti logolik, inebe inoaterek mene inom noagaluk wo'neri'lagwi. I nele were'ma, i arik mene hinagaisogo noagaluk wo'neri'lagwiat.

MAZMUR 58:7

Allah neisena, it inaik andoma langgorisan o, Tuhan neisena, mene singa ket souge mene aik tum hak mene andoma langgorisan.

AYUB 22:16

Athe inebe wa'lagaikharek oba oan asi wagi'lek werek kwelek weak-weak woginaferek, nen i fu wagu mene nen sebelinabi we'luk woginapluk lagarek.

AYUB 9:26

Perahu i ambolebene kulunghogo lagarek hak, nebe neluk welagi mene yi re a'nogoat lili'lago, nen sue kuri nen paik herakfuluk sebeligin iluk toin pikherek hak hilingiri'lago.

AYUB 5:3

Ap kembu mene ekhe yi'nogo were'ma hasigi. Ap andi ebere omame mondok hokho agun welaga, oba nen he, aremnogoat an nen at ebe welagaba aremnogo homan potfisigimo re,

AYUB 22:11

O mondogat hubagunem he, hat heilenggen ha re elo'lek. Nen hat hebe re i fu hokho mene nen sebelhabi weri'lago.

AYUB 24:6

It ekhe ineabu mene omanogo re iren anggolo-anggolo heligik, it kweang hilingiri'lagwi mene inagayo anggur enggen omanogo kabogetik, hilingiri'lagwi.

AYUB 24:11

E zaitun enggen oba nen he amusu keralhik, nen anggur enggen oba nen he i nunggu mene keralhik, hilingiri'lagwi, oba nen he it inebe i nele nen endawimo age mondogat lagagu kwelek a'nogo hilingiri'lagwi.

AYUB 27:20

I fu founalogo sebeli wagarek hak inailo mene oba asi weri'lago. Sogoi o hubanggo waga logolik he funhogo lisogo waluk lagarek.