AYUB 21:26 - Allah Wene Fano Wene Hupla Inane

²⁶ Oba nen he ap wa'lagu mene salinabi lagaikharek oba omanogo re inebe pirenet engge wengik were'ma re, musu inom, imbalo inom, mayeng inom, soborenggen inom en heim eti laga.

AYUB 21:26 Referans Kwoze

YESAYA 14:11

Attak hat hebe re pinggong kecapi ba fogethafi lagaikhaba nen he, yogondak hat he hamu nek kweangma afuni wa'lagaikharek oba pegendik welagen. Nen hat hebe nogoguba re soborenggen oba tandamhogo nogogu welagik, nen imbalo re haselimut hakhogo salogo welagik, ikhi logoin o,” iluk yagasugun.

PENGKHOTBAH 9:2

Eberogo nenat, ap mondogat inobabut he misigat asugun: Ap higithogo hilingiterek mene andi ogo, ap kwanirogo hilingitarek mene andi ogo, ap obabut fano mene ogo ap obabut weak mene ogo, ap pugunsek mene ogo, ap emerek mene ogo, ap obaget fikherek mene ogo, ap obaget fikherek lek mene ogo mondogat he higirenek. Ap weak hilingiterek mene inom weak hilingiterek lek mene inom, nen ap ane hombuk palherek mene inom ane hombuk palherek lek mene inom emberek he higirenek.

AYUB 20:11

At ebe agap eluk logolik oba re along palonghogo werek oba nen he, we horok yogondak ya at ebe kweang age mene asigiluk werek.

MAZMUR 49:14

Afuni inonggwarek inomameba himbirik welagaikharek mene nen, an nen ugunem enek he fano iluk anggagarek mene andi re, a'nogoat wa'laikharek.

AYUB 24:20

At onggwarek agaisa nen ogore mondogat onggot agaba nen he, imbalo nen he at agap palhigik nunggu werek. At enu re afuni nen ogo ekhe ebet hogoin lek, At he afuni nen e mugusogo lakfagarek higit alomat lakhikhe anggikhi logogun.

AYUB 19:26

An nagap arat weaget nobagagin meneat he, hobuk wurep oba nareagun selokhogo Allah elokhoma lamo eilenggen hagain werego.

AYUB 17:14

An nebe salnobagagun oba andi enu re, Neisena salhik, nen imbalo an nebe senggelnabugun mene andi enu re, Nagaisa inom nerei inom salinafik igin.

AYUB 3:13

Andem sambul an nebe wa'la'lesik lelema nen he, nabolok lek logolik set walikhi logouwem agwi,

AYUB 21:25

Oba nen he ap ekhe re agaiyek endephogo iluk ekhe higi'lek, at oba endawimo mondok eisel-peisel aple nek hikhi lagaikhesigen wa'laga.

AYUB 21:27

Eberogo nen hiren wenggelhi lagep mene andi re an ogo nelurek, nen hiren an noba weak mene fouwogeluk wenggelhi lagep mene andoma ogore, an ogo nelurego.

PENGKHOTBAH 9:3

Arigini'mo re inebe mondogat he obabut higithogo nek inoba fagain, nen o kweangma yoma yi'nogo ti'nogo hilinglagarek mene omanogoba nen inendawinggen mondogat heiselek mene re andi nek werek. At ebe eluk logolik oba re weak mene omanogo endawinggenma peterogo welagik, wenggelherek mene agore kemburogo nek ebethaluk igik, ikherek. A'nogo hilingitila'luk ferekhogo aremnogoat at ebe wa'lagarek.