AYUB 21:19 - Allah Wene Fano Wene Hupla Inane

¹⁹ Hiren ikhi logolik he, ”At eisena aweak oba re amlogo unggum wogete.” ikhi lagep, oba nen he an nen ikhi logolik he, we ap weak hilingitu mene andi nek At Allah nen unggum oba fili'lago, andi re it inonggwarek a'nogo fut fouwageluk hilingiri'lago andi.

AYUB 21:19 Referans Kwoze

KELUARAN 20:5

An hineisena Tuhan Allah nebe Anatma re, hiren he, yi mene ti mene ekhe at emberek higit, iluk anggogoin mondok nabit andi nen he, tugwi kembu a'nogo ekhe alik waganogo wurogo fembik fogerasugun mondok lego. Afuni an nebe inapsiri mene andi, An nen it inebe inom, iren tagongge mene attak ta'lagik, ombo'ne ta'lagik, hobuk ekhe ta'lagik, huli 4 oba ta'lasugun mene inomat unggum inoba fugu mondok logogin o.

YEHEZKIEL 18:2

”Nenahalok it Israel mene were'ma yoma nen wene yaleget waganogo agarek mene yi nek ugu mondok logogun nogo? Ap inaluendegen he anggur enggen arik weak mene ninggi logogun, oba nen he inagainafuri nen inaiklirati logogun.

YEREMIA 31:29

Andem sambul he afuni nen ikhi logolik, ”Ap ineisugwi nen enggen arikweak mene nunggunem inagainafuri inaikliraterek andi hak hilingiti logogun lego.

YESAYA 14:21

Yi kwe ti kwe kota omanogo fanot fouwageluk hat hagainafuri mene ekhe menlasimbik ferinarek logogun legat. Hele warinabimbik inaosugun mene a'nogo yogondak horok aga. Hat hagainafuri andoma re inombawi weak hilingita mene inenggi ambisangma re it inebe wa'lasugun o, ikhe.

WAHYU 18:6

Nen, hit he andiba wene fogoin mene nen, aren it hilinginafi laga hagat, wene ebe oba fikhi logolik, ekhe inom oba loukhogo feino o. Nen, aren i melagisikherek andi hagat, anini inoba fikhi laga mene andi, onggo wene oba fikhi logolik, ekhe inom oba loukhogo feino o.

2 TIMOTIUS 4:14

Nen, at Aleksander tembaga mene posie hak hilingiterek mene a'nogo nen, an hokhorogoat weagetnafemo welagi. Mene re, at ninoe Enupogoren at hilingite andi higithogoat wene oba fagain werego.

2 KORINTUS 5:21

Nit Kristus ninom huneto halok, at Allah nen onggwarek ninom ninambotkwe hunogo ninobagauwageluk nit fagerat nit ninobabut weak hilingitorek mene andi, at Kristus weak hilingiti'lek mene oba fesikhe andi.

ROMA 2:5

Inane hologo hinobabut hebelhi'lek yi ri! O wurep oba Allah a'mage lagambik he, afuni inebe lombok inobabut hilingitarek higithogoat, weinamat wene inoba figik, kotik, igin andi sambul, hit wene hinoba fouwageluk hinonggwaregen wene hinoba fakhugu mondok welagep yi ri!

YEHEZKIEL 18:14

Walhogo re ap ekhe weak hokhorogo hilingiterek mene andi re amlogo werek, amlogo andi re eisena nen hilingiterek mene omanogo eilenggen mondogat hikherek, oba nen eisena obabut waganogo hilingiterek lek.

MAZMUR 54:5

It ap pok mene andoma nen an noasuogeluk hilingiri'lagwi, nen afuni foget fakhagarek mene andoma nen an neiloak leget nobagauwogeluk hilingiri'lagwiat, nen iren he Allah hoba ebetarek werek mondok lek,

ULANGAN 32:34

Nineisena Enupogot, againafuri inaselei mene nen, hilinginafa mene andi, endawimo eberek mondok werek, A'nogo eberek logombik, o higit asigin oba, wene inoba fagain werek.

MATIUS 16:27

An abat ta'lasi wagagi a'nogo re, hobuk neisena fogeratu mondok welagaikharek andi hagat hilingla'luk, it malaikat Allah pogoroba nen yonggo pelakfisa wagarek mene omanogo ninom wesimbik, andi sambul he, afuni mondogat inobabut lombok hilingitarek mene higithogoat onggo wogisa wesigin o.

MALEAKHI 3:18

It An nagainafuri mene nen he it afuni inobabut fano hilingitarek mene inom, weak hilingitarek mene inom, nen An nobaget kabogetarek mene inom, kabogetarek lek mene inom, inoba agamsek logogin mene andi re hobuk neilenggen hogoin aro,” iluk yagaisasikhe.

AYUB 22:24

Hat hangge emas eil mondok wurik fano mene andi re hugisano, i ebe yenggelek lek meneba mali'ma pelak fisano o.

2 SAMUEL 3:39

An yi raja Allah nen wenagaisogo mennobagaikhe mene welagi oba nen he, yogondak he, an nomame mondok lek agama welagi. He Zeruyah eagwi andoma re inobabut mondok kwanirek hilingi'mo re, an nen it halinabure elo'lek ari'logo. We At Tuhan nen enek it ap inanini weak mene andi iren hilingita mene ambisangma unggum inoba fouwago!” iluk isikhe.

ULANGAN 32:41

Nenggarok amulit hokho mene, andi enggat makfembigenat, wene inoba filik lagain, Naselei mene inoasigin, An nebe inabit mene, inebe mondogat he, wene inoba fagain.

KEJADIAN 4:7

Hat fano hilingiten halok, hendawimo mondok hagaiyek hagain aro, mene re weak hilingiten halok, weak hilingisigin mene andi hendawimo mondok peterogo kwimbik omame asigeluk werek andi re, haren elok sebelogo leget fisagain aro,” iluk yagatikhe.

BILANGAN 14:18

’An hineisena Tuhan nobabut he, weak-weak na'makwe het-periluk wenagisigirek lego. Nen, hokhorogo nendawirinafik, herakfisigi'lek ferinarek mondok welagik, afuni weak hilingitarek mene inom, inaselei mene hangge hilingnafarek mene inom, sagalogo legetfisigik, igirego. It a'nogo hilingitu kwelek meneat he, it weak hilingiti logogun andiba, onggo re, iren tagongge mene attak ta'lagik, ombo'ne ta'lagik, hobuk ekhe ta'lagik, huli 4 oba ta'lasugun mene inomat inoba fagain o,’ iluk isigin anggigi.