AYUB 20:16 - Allah Wene Fano Wene Hupla Inane

¹⁶ It ap kwanirogo nek hilingiri'lagwi mene nen arik mene nunggu halok he, at ebeba engginap kwelakfakhugunem he, at ebe kisu aik anini mene nen senggelinafunem hangge aren hilingisigin engge a'nogoba nen wa'lasigin.

AYUB 20:16 Referans Kwoze

ROMA 3:13

Afuni inebe warek fisagarek oba nen, amben wuliferek hak, it inane amben weak mene wulafik, inameli handogalse'ma re, afuni lalinafik, kisu aigen libilinafunem wa'lagaikharek hak, it inambeba weagerinafik, ili'lagwi andi.

MATIUS 3:7

A'nogo hilingitu were'ma, it ap Farisi mene fenakwe inom, ap Saduki mene fenakwe inom, inebe hokhorogoat ima pelaginabuageluk he, at oba wagunem yi'nogo yagaisikhi lagaikhe: ”Hit kisu nen tagongge mene yoma sani! Hit he, Allah a'mage hokhorogo lagagin a'nogo hinoba fugunem heise elok logoin iluk sa nen yagahisikhemo. Elo'lego.

YESAYA 30:6

Tuhan nen wam higit mene abel selatan fikhit weregengge andoma faget he yi'nogo uageluk ikhe, ”Ap yonggo lakfisagarek mene andoma nen keledai inom, unta inom amboloba re inangge yi mene ti mene inagaiyekhogo iluk wogisagarek mene omanogo liak fuluk waluk he o inailorekwe inom, nen kisu aik palinaferekwe inom singa werekwe inom, nen kisu racun mene werekwe inom naga agerabul werek mene werekwe inom, andoma logoin o. Laga logolik he hinagaiyekhogo iluk mene andoma re iren inunggulenu it leberisa elo'lek mene andoma inoba wogisa logoin.

ULANGAN 32:24

An nen inailo mene, it inoba fagain andi nen, it inoba aganhan nen, inebe wa'lasugun, wam maro aik anini, weak mene nen palinafi logouwagaluk, kisu afuni inoaterek mene nen, aik palinafi logouwagaluk, it inebe herakfisagain.

ULANGAN 32:33

It inagai anggur amusu re, kisu afuni inoaterek mene, andi emberek mondok higit.

AYUB 6:4

At Mondok Omame Hokho mene a'nogo andogen he an nebe agaukhe tiagan noatemo welagi yi. At awei nen he nebene nelonggokwe mondogat heiselik lagamaat andi. At Allah nen hilingiterek mene andoma re inailo mondok hokho mene nek hilingiti logolik he, Aren he ap selei mene logale'ma inoatarek hak noasigiluk hilingiri'lago andi.

AMSAL 23:32

A'nogo nen ohealek hubet he hat hoba kisu aik palinaferek mene nen libilinafunem ou agarek andi hak hilinghabigin o.

AMSAL 11:17

Afuni inendawinggen sebelfakhaluk hilingitarek mene andi re inonggwarek fanoabet fakhagarek, afuni ina'mage weak mene andi re weak mene hokhorogo andogorogo fakhagarek.