AYUB 2:7 - Allah Wene Fano Wene Hupla Inane

⁷ A'nogo yagatikhemo, at Iblis afuni inendawimo kagalik nikherek mene a'nogo Tuhan elokhoma omanogo nen wulibi lagaikhesik wagaikhe. Wagaikhesik, ap Ayub oba eiso'ma nen pikhit ungguloak huli oumo weak mene mondok lambukhogo fesikhe.

AYUB 2:7 Referans Kwoze

ULANGAN 28:35

At hineisena Tuhan Allah nen hineisok oba purak ou mondok weak mene, weak-weak agambut asu lek mene hilinghinobagaumo, hineisok oba nen pikhit hinunggul oba andi re mondogat pot enek selelemsek logogin.

YESAYA 1:6

Hinunggul oba nen pikhit hineisok agut huli andoma re fano selek oba ekhe werek lek. Hit hinebene mondogat he hinoumo inom, tuk-tugengge inom hokhorogo logoligat he, legasuageluk sobalogo amusu figik obat figik igi'lek welagep andi.

AYUB 30:30

Nagap he mondogat wul-palurogo hilingla'luk he nebe enggen wokhigik laga-lagi, nebene aganhan nen he, nebe mondogat endu na hak hilingnabi'lago.

ULANGAN 28:27

At Tuhan nen afuni Mesir mene inoba hilingfesikhe higithogo hit hinoba ogore pot enggin mene hilinghinobagagin aro. A'nogo hilinghinobagaumo hinagap oba purak inom, kilip-kilibengge mene inom, agal-agalengge mene inom obat mondok lek mene hinoba asigin.

WAHYU 16:11

inobabut inetogat logolik weak hilingiti lagaikha mene herakfisaluk, inobabut hebelagi'lek logolik, iren he, ”Allah ebe ninggin la'lebe,” iluk Allah pogoroba mene enu weageratoat welagaikha isigi.

YESAYA 3:17

Andiba re An nen it unggum wogisagain, it inunggul ebene re inalulen inoumo nek sagarogo hilinglasimbik inunggul hogologo inagap enek hilinglasugun,” ikhe.

AYUB 7:5

Nebene re soborenggen mondok hokhorogo tago logolik noumo alimbo nek hilingik welagi, Nagap oba re noumo hokhorogo were'ma kurele sokhigik wilibi'lago.

1RAJA-RAJA 22:22

A'nogo ugunem, Tuhan nen heinok wokhikhi logolik he, ninggi'nogo hilingiti logoligen, endawimo kagaligin, iluk heinok wokhikhemo, munggwarengge a'nogo nen he, ap nabi-nabi Hat hane yagaisagarek mene andoma nen, ap Ahab wene ineranen wene yagasuagaluk an nebe nenat inendawimo kagali lagain o, iluk yagatemo, Aren he, fano mondok. Haren a'nogoat hilinginabimbik, ap Ahab endawimo kagalhunem ebe asiginmo re, lan o, iluk yagati laga o,” iluk yagatikhe.

2 SAMUEL 14:25

At Absalom ebere ap mondok fano elokhe pugunsek amlogo iluk it Israel inap were'ma andoma inebe mondogaren foget fikhi lagaukwa. At eisok agut oba nen pikhit esiba mondogat he fano mondok welagaikhe. Nen at ebe pugunsek aple andi sebelek hak kwelek ap ekhe aren ambolkwe pugunsek mene ekhe welagaukwa mondok lek.

AYUB 2:6

A'nogo yagatikhemo, Tuhan nen afuni inendawimo kagalik nikherek mene a'nogo mel yagatikhe: ”Fano. Harenat. Hat hendawimo anggegen higithogo hilingi'nogen iluk, hat henggiba figi. A'nogo meneat he, at ebe mondok pinggi watun o,” iluk yagatikhe.

AYUB 13:28

Andiba re an a'nogo e mondok fili agarek mene hakhogo mondogat fubut agi, su kain mumlel en palhunem hakhogo an a'nogo hilinglagarik welagi.

AYUB 1:11

Oba nen he, at angge yi mene ti mene andoma mondogat Hat helamo nen he, aren, Hat helokhoma nenat Allah hebe nabit iluk ane hombuk palogo herakhobagau hak werego,” iluk yagatikhe.