AYUB 2:1 - Allah Wene Fano Wene Hupla Inane

¹ A'nogo hilinglagaikhemo, Tuhan nen elalogo fisasikhemo, pogoroba welagaikharek mene omanogo hobuk Allah oba inambotkwe andogotukwama, at Iblis afuni inendawimo kagalik nikherek mene a'nogo inom it andi inanggele'ma kwisikhesik welagaikheat.

AYUB 2:1 Referans Kwoze

AYUB 1:6

A'nogo hilingitu kwelek, it Allah nen elalinafikhemo pogoroba welagaikharek mene nineisena Tuhan oba andogotukwama, at Iblis afuni inendawimo kagalik nikherek mene a'nogo it andi inoba kwisikhesik andoma welagaikheat.

IBRANI 1:14

Allah agoromi malaikat andi inebe re, ninggi'nogo hilingitarek mene nogo. It inebe inareagun hangge mene, nit Allah nen telninabigin mene halok lebe'nisikhi logouwageluk, aren inayonggo fuluk lakfisa wagarek mene aro.

LUKAS 1:19

at malaikat a'nogo nen he, ”An Allah eilhanem mendek welagirek mene nenu Gabriel andi re nebe an aro. Fano wene yi yagahesuageluk, at Allah nen yonggo laknobagai wagama wagi o.

LUKAS 22:31

Yesus nen a'nogo yagaisasikhesik he, ekhe Petrus oba mel yagatikhe: ”Simon! Simon! hesanggo holin! Gandum afulfulengge fologo hebisagarek andi hak he, hit mondogat a'nogo, at Iblis nen hinebe folhinabigeluk Allah kino yagatemo aren elok iluk yagate meneat he,

1RAJA-RAJA 22:19

A'nogo yagatikhemo, at Mikha nen wene ekhe mel yagatikheat: ”At nineisena Tuhan ebe hurek welagarek oba takhta ba hurek were'ma, agoromi malaikat yonggo lakfisikherek mene omanogo re At era'lukwe omanogo mendek logolik were'ma isigi. Nen yogondak he At Tuhan ane ikhe mene re yi'nogo yi hinesanggo holini!

AYUB 2:2

A'nogo were'ma, at Tuhan nen, Iblis afuni inendawimo kagalik nikherek mene a'nogo mel yagatikhe: ”Hat hebe o koma nen wagen?” iluk heinok wokhasikhemo, aren he, ”An he, o kweangma yi awi ti awi neil kogolik ya lagik, ta lagik, nikhi lagarik wagi o,” iluk yagatikhe.

AYUB 1:8

A'nogo yagatikhemo, At Tuhan nen heinok wokhikhi logolik he; An namingmingengge Ayub he futfegen a, lega? ”Afuni o kweangma yi awi ti awi welagaikharek mene inobabut he, an namingmingengge Ayub ebe An Nebe endawirogo logolik noba lombokhogo werek andi hak he ekhe werek lek. At andi re An nobaget fogetnafu logolik weak endephogo iluk ogo ekhe hilingiterek mondok lek.

AYUB 38:7

A'nogo warogo fugu kwelek, hesagal wap o hil liabi wagu kwelek lagai wagarek mene, mondogaren wuni watik, Allah nen elalinafikhemo ineluk pogoroba welagaikharek mene inendawimo inagaiyek hokhorogo agaukwasik inane amit-mit sup-sap, isukwa andi.