AYUB 19:21 - Allah Wene Fano Wene Hupla Inane

²¹ Nagaila'lak. Allah nen noatemo welagi andi nen he, hinendawit nabini o.

AYUB 19:21 Referans Kwoze

AYUB 1:11

Oba nen he, at angge yi mene ti mene andoma mondogat Hat helamo nen he, aren, Hat helokhoma nenat Allah hebe nabit iluk ane hombuk palogo herakhobagau hak werego,” iluk yagatikhe.

MAZMUR 38:2

Tuhan neisena, an he Hat homameba unggum wo'nesu fugo, nen ha'mageba an nebe noasu fugaro.

IBRANI 13:3

It ekhe inenggi hele warek were'ma, hinendawimo nen he, ”Nit ogo re, ninomat ninenggi hele warek hangge welago,” iluk, it inoba ebetik, it ekhe yi weak ti weak hilinginafunem hit hinendawimo nen he, ”Nit ogo re, kweangma yoma oan were'ma a'nogoat hilingninabugun aro,” iluk, it inoba ebetik, ikhi logoino o.

1 KORINTUS 12:26

Ninenggi nineisok yi mene ti mene ninebeba hundik welagarek mene, ekhe ou nen heinet watu halok he, ninebe abirenggeat heinet watorego. Nen, ninenggi nineisok yi mene ti mene ninebeba hundik welagarek mene, ekhe afuni nen fogeratu halok he, ninebe mondogat ninagaiyek anggogoregaro.

ROMA 12:15

It afuni ekhe inendawimo inagaiyegetu halok he, hit hinomat hinendawimo hinagaiyegetik, it ekhe le agu halok he, hit hinomat le agik, ikhi logoino o.

AYUB 6:14

At Allah Omame Mondok Hokho mene a'nogo oba re an nen nane taganet fuluk ekhe hilingiti hea, oba tiphogo nek hilingiti logolik welagimo nen hea? Ou-pou yi'nogo hikhi logolik andi re an nagailak mondok fano mene ekhe logoilep agwi iluk nendawimo nen ebethikhi lagi.

AYUB 6:4

At Mondok Omame Hokho mene a'nogo andogen he an nebe agaukhe tiagan noatemo welagi yi. At awei nen he nebene nelonggokwe mondogat heiselik lagamaat andi. At Allah nen hilingiterek mene andoma re inailo mondok hokho mene nek hilingiti logolik he, Aren he ap selei mene logale'ma inoatarek hak noasigiluk hilingiri'lago andi.

AYUB 2:10

A'nogo yagatikhemo, at Ayub en he, ”Allah nen he, fano mene wo'nisugunem helikhi logolik, weak mene wo'nisugu halok herakfisogoin nogo? Hat he, hemi inendawinggen lek mene nen agarek hangge egen o,” iluk yagatikhe. A'nogo yagatikhesik, at Ayub oba a'nogo agaikhe andi nen, ”An Allah nabit,” iluk ambe ba nen weak mene ekhe wulabi waga lagaikhe mondok lek.

AYUB 2:5

Halok he, haren at ebe oba yi enggin ti enggin foumo nek he, aren, Allah weak. Ebe an nabit, iluk eberogoat kofologo hobagagin werego,” iluk yagatikhe.

KISAH PARA RASUL 13:11

Yethan! A'nogo hilingiti lagen andi nen, Tuhan Allah nen wene hoba fikhemo welagen o. Andi re, hat hebe yogondak elama faget ya heilenggen mum asimbik he, mo andi heilenggen yethigi'lek logogin o,” iluk yagatu kwelek aremnogoat, eilenggen ohena hangge salogo mum agaikhe. Mum agaikhesik he, ”Sa nen nenggi fagaisogo wo'narek lagain he,” iluk afuni enggi fak heraginabik lagaikhe.

RUT 1:13

hiren it inebe inalue agu kwelek elok nenangorinafi logogun anggegeba? Mondok elo'lego o. Hit ap hunogo mene ekhe woginafi'lek logogun elo'lego, neagwi. Neisena Tuhan nen ambot wo'netemo weak welagi andi nen he, hit nendawilago,” iluk yagaisasikhe.

AYUB 4:5

Oba nen he, yogondak he weak mene a'nogo hat honggwarek hoba agama hendawimo weakhogo, logolik he, hobakheindok palagendik welagen andi.

RATAPAN 3:3

Linggene inukhogo an nebe endawit nafi lek, yei hundik-handik noatu werek.