AYUB 19:13 - Allah Wene Fano Wene Hupla Inane

¹³ An nogogwi nagoromi nen nagaseratik, afuni an ninom hundik welago mene nen kofologo heraknobagaik agama o.

AYUB 19:13 Referans Kwoze

MAZMUR 88:8

Hat ha'mage a'nogo enggin nen he an sebet niugunem welagi, Hat anini nen he an a'nogo alperelogo nobagagunem welagi.

MAZMUR 88:18

Linggene inukhogo andoma Hat anini a'nogo re i fu wagarek hakhogo an haningisogo kwelaknobagaluk werek. Nelokhe kwe nen nambotkwe nen mondogat haningisogo kwelaknarek werek.

MAZMUR 69:8

We Hat fagerat an nenu weagerogo fugu werego, nen an nebe Hat faget inendawimo seramet nobagagu werek.

MAZMUR 31:11

Noba ou hugu mondok were'ma nen enek he nebe neluk welagi mene a'nogo mondogat lek aga, yi tahun ti tahun nambelema set hoporogo werek kwelek enek he arat asi lili'lago. An nebeba wiik-weak hugu werek-werek he nomame mondogat legagik, noak mondogat abolok igik ikhe o.

2 TIMOTIUS 4:16

Afuni nen wene noba fesukwasik, nanema omanggum wanhunem, an nen he, ”An noba le'ma aro,” iluk wene noba korugunem, it mondogat an nera'lu ekhe welagi'legat heraknobagaluk wulifa andi faget, Allah nen wene inoba figi'lek logouwageluk samban ikhi lagi.

MATIUS 26:56

it ap Allah ane yagaisikhi lagaukwa mene nen lisu palhukwa a'nogo emberek higit asuageluk hilingnafebo,” iluk, yagaisasikhemo re, it ap at ane wanhi lagaukwa mene omanogo, at ebe hebisaluk heise mondok pugulhukwa.

MAZMUR 69:20

Afuni inendawimo seramet nobagaluk inane na'malolo wo'niikhi logolik, nenggali warogo hilingnabi'lagwi andi Hat he helu welagen o. An naselei mene inebe mondogat heilenggen isikhi lagen.

MAZMUR 38:11

Nendawimo pong-pongenggeti logolik, nomame mondogat lek aga, neilenggen he mondogat mum agunem welagi.

AYUB 16:7

We At Allah nen enek an neisok erokwe mene mondogat legaphogo fisikhe andiba re, an noba weak-peakhogo hilingnobagaikhemo nebe lebelekhogo welagi andi.

AYUB 16:20

An nagaila'lagen noba weagerogo puliap nobagakhi logolik endo ya'nafunem he, le yakhikhi logolik At Allah nen lebetneoageluk oba yagati lagi.

AYUB 42:11

A'nogo hilingisogo fesikhemo, at Ayub ogogwi inom, erugwi inom, agaila'lak inebe mondogat inom, afuni attak at inom hundik welagaukwa mene mondogat inom, yi enggin, ti enggin Tuhan nen Ayub oba lakfei wagaikhe andi faget, iren ouwak le agik, endawinggen sebelhik, uogeluk, oba andogotukwasik, at Ayub aiba andoma seni isatukwa. A'nogo isati logolik, it inebe lombogen uang inom, senggan emas mene misiktek inom, Ayub wogetukwa.

MAZMUR 41:9

Iren ikhi loglik he, ”At oba ou a'nogo re mondok enggin se'ma re, inganghogo menlasu lek hak,” ili'lagwi.

RATAPAN 1:2

Hup inukhogore oba sinurogo le agu mondok werek, eil amusu elokhenggen kwe piali waga. It ap at inom inendawi hundik welagaikharek mene nen iluk ekhe at endawinggen sebelogo koni'lagwi lek. At agaila'lak mene nen weagarogo fuluk he hebekhogo at aselei mene ari'lagwi.

RATAPAN 1:19

An nen nagaila'lak ninom hundik welago mene omanogo wolinafi lagi oba nen iren an hembelnafi lagaikha. Ap imam inom inunggulenu ari mene ferinarek inap omanogo inom mondogat he, o kota ebekhe kwe omanogo nen wa'lagaikha. Nineluk logogun nen iluk nunggu mene herakhugunemen wa'lagaikha.

AYUB 6:15

Oba nen he, yago nagaila'lak, meiso wagi'lek hibi mondok were'ma i lagu agai lagarek mene firitok ikherek andi hak hilinglagepsik welagepma re, hit hinoba eberogo anggaluk it weregi, iluk angga lek hak.

AYUB 6:20

Oba nen he iren wenggelhu mene a'nogo i esanggoma i ebe lek oba andoma mondok suguli wagaikharek.

MAZMUR 31:12

It afuni naselei mene ineilhanem he an nebe ap hele warek mene hangge aga lagi o, nen it nagaila'lak ninawi misikwe erarogo welago mene ninom ogore a'nogo nek hilingik welagi aro. Afuni an ninom enggawe fano mene omanogo nen ogore ineilenggen nealuk he youk lagik, nen ebekhalem salkwal uluk ogore linggi longgo igik, ili'lagwi aro.

MAZMUR 38:12

It an narugwi mene inom, nori nagaila'lak namep mene inomen he, an noba ou welagi mene kwelaknealuk he agaiset nabi'lagwi. It nogogwi nagoromi meneba nen ogore an nagaiserogo lili'lagwiat.

MAZMUR 69:9

An nogogwi nagoromi nen mene ogore it ekhe mene hangge hilingnabi'lagwi. An ninom tagongge mene nen ogore, it ekhe mene hangge hilingnabi'lagwi aro.