AYUB 18:13 - Allah Wene Fano Wene Hupla Inane

¹³ Agap ebene re oumo nen mondogat ningge, nen enggi eisok he mondok fili agasik kurele wulubi'lago.

AYUB 18:13 Referans Kwoze

YESAYA 14:30

Hit he sumburu ouwak mondok elo'lek mene hinoba asi wesigin, nen ap hit mene we alin lan logogun mene re mondogat inoasugun. Oba nen hebekhogo re An Tuhan nagainafuri mene inangge yi mene ti mene mondok inelagaik mene andoma re inamburu elok ninggi logogun, nen it afuni yi'nogo ti'nogo hilingisu mondogat elo'lek mene andoma re inailo legengge inendawinggen hambukhogo logogun.

WAHYU 6:8

Holhirik, yethigi hak he, wam kuda esi afuni wa'lasuogeluk inelokhonggen mola agarek andi hak mene nugunem yethigi o. Nen, inebe wa'lagaikharek andi ero, afuni hangge agasik he, wam andi amboroba oba hurek nikhi laga. A'nogo nugunem, at ombo'ne re, kweang a'ma pagarek andi, afuni hanggeat agasik he, emberek nugunem yerisigi. A'nogo nikhi logolik, afuni kweangma mene mondogat inebe enggaminogo oba nen minggilogo fisaluk, henagan oba inoati'lek herakfisaluk, ekhe nek afuni ekhe nen karok oba inoatunem wa'lagik, sumburu nele nen wa'lagik, ou ero hokho meneba wa'lagik, mene olomene inom, wam maro inom inaigen libilinafunem wa'lagik, ikhi logouwageluk eisewerek fisagama nugunem yerisigi o.

ZAKHARIA 14:12

It ap inunggulenu lombok it Yerusalem mene inom weim yabi wesugun mene andoma mondogat inoba re, Tuhan nen ou mondok inailo mene lakfei wesigin. Andi nen he, inebe ineluk werek kwelek ineilenggen inom, inamelinggen inom, inebe abirengge inom mondok fili aga logogun.

YUNUS 2:6

Tom i elema ma'lima werek mene eroma ma'lima pigirik, kwe kelok ninghogo yagare'ma re, wulibi wesu elo'lek hilingi'mo pigi, mondok-mondok logogin iluk anggigirik were'ma nen, hat neisena Tuhan Allah nen neluk logouwageluk fem a'ma ma'lima nen liaknobagai wagen o.

AYUB 17:16

An nendawimo nen he nit ninebe wa'lasimbik ap wa'la'luk pi lagaikharek oba andoma ninomat pi lambik mene ogore wenggelogo lagu mene andi ekhe logogin lek anggikhi lagi, iluk,” isikhe.

KEJADIAN 49:3

Ruben hat he, namlogo manggusa mene. Werama abip funggulharek hak, nomameba takhafigi mene. An nagainafuri fenakwe mondogat he, elo'lek hangge mene re, Harenek he, homame hokho hebe ap kabelegat welagen o.

KEJADIAN 31:15

Nit ninebe mondogat onggo palasikhesik he, aren onggo helasikhe mene omanogore ebe nena mene helasikhe ninonggorat. Nen, nit ninebere ap pok higit hilingisogo ninobagaikhe.