AYUB 16:7 - Allah Wene Fano Wene Hupla Inane

⁷ We At Allah nen enek an neisok erokwe mene mondogat legaphogo fisikhe andiba re, an noba weak-peakhogo hilingnobagaikhemo nebe lebelekhogo welagi andi.

AYUB 16:7 Referans Kwoze

AYUB 7:3

Tugi ekhe wagarek ekhe wagarek andi re ebe yi'nogo faget neluk welagi iluk anggigi'lek nobakhe palegat welagi. Hup ekhe sambul-ekhe sambul andomaba re nendawimo mondok heiselhu kwelek welagi.

MIKHA 6:13

A'nogo hilingiti lagep andi nen he, yogondak hit hinaweak hilingiti lagep andi onggo An nen ogo yei hinoasimbik wolelenggen tagalogo hinoasigiluk welagi o.

YESAYA 50:4

Tuhan Lego Mondok welagarek mene a'nogo nen an nane ugunem, ap inoba lebelekhogo welagaikharek mene inomamet fisikhi logouwageluk yanggulnafe. O hubet hundik-handik he, Aren an yaganetu mene omanogo nagaiyekhogo holfuluk, an nendawimo hilingiti logou mene nek hilingnobagauwageluk nomame kwelaknobagali'logo.

AYUB 10:1

An neluk welagiba re mondok nabit ari'lago. A'nogo logolik nendawimo anggikhi lagi mene andoma mondogat wulak fisikhi logogin. Nendawimo a'nogo weakhogo logolik alepalerogo hikhi lagi mene andem nambeba nen mondogat wulakfisikhi logogin.

AYUB 7:16

An he neluk logolik enggin-fenggin hugu werek aple andi re mondok nabit hikhi lagi hilingi'mo re, nebe mondok wa'la'le iluk anggikhi lagi andi nen he nebe neluk welagirek mene ari re we elalin hak hilingi'mo re, oboget nean o.

AYUB 3:17

Ap inobabut mondok weak meneba nen ogore wa'lagunem salinafarek oba andoma nen inobabut weak mene andi ekhe inom hilingisu lek hak, nen it ap yabu hilingitu mene inomame mondok lek agu kwelek hilingiri'lagwi mene ogore andomaat set warikhi logolik werek.

AYUB 16:20

An nagaila'lagen noba weagerogo puliap nobagakhi logolik endo ya'nafunem he, le yakhikhi logolik At Allah nen lebetneoageluk oba yagati lagi.

AYUB 19:13

An nogogwi nagoromi nen nagaseratik, afuni an ninom hundik welago mene nen kofologo heraknobagaik agama o.

AYUB 6:13

Lebetneelep ago iluk hilingitunemen he nomame mondogat lek aga, nen an lebetnea mene ekhe werek lek.