AYUB 16:15 - Allah Wene Fano Wene Hupla Inane

¹⁵ An nalong legaphogo nobagaikhemo re, nendawimo heiselhu nen pelagi figirik fong warugu logolik he, su pukhogo wul oba hurek welagi.

AYUB 16:15 Referans Kwoze

KEJADIAN 37:34

A'nogo isikhesik, endawi nen asu libi'labak hogo lakfisasikhesik, asu weak mene laberogo pelagwi fesikhesik welagaikhe. A'nogo labetikhesik, hundik-handik amlogo faget le agu mondok welagaikhe.

YESAYA 22:12

O andi sambul he Tuhan Mondok Lego logolik Omame Mondok Hokho mene a'nogo nen he hit le yagaisogo logolik fong watik, hinesi hogologo palhik, pelagi su labetik hilingi'ni o, iluk yagahisagain.

MAZMUR 75:5

Afuni inane nen lalogo agaugerik lagaikharek mene inoba re, ekhe inom agaugerik lanogoluk he An nane ikhi lagi andi o.

1RAJA-RAJA 21:27

At Elia nen wene a'nogo arat yagatikhemo, at Ahab esanggo holhikhesik he, ”An weak hilingiti o,” iluk asu ebe laberek welagaikhe mene tiliphogo lakfisasikhesik he, sumburu ninggi'lek logolik asu karung meneba laberogo welagaikhe. Nen nogogiluk ogore, su karung mene andi laberogo nogokhi lagaikheat, nen kwe lageluk he obabut isorogo laga lagaikhe.

MAZMUR 75:10

Oba nen an enek he At Yakub eisena Allah a'nogo faget enek fageti logogin. Nen At obaget wuni fogoratarek awuni iginafu mondok logogin.

AYUB 30:19

An nebe fesimo hu'niikhemo re, ologoilong engge hugisagarek hak, hu'niikhemo welagi!

1 SAMUEL 2:10

Neisena Tuhan, hane pogoroba nen unggunggu aneba pak ugunem haselei mene inailo a'luk oak yaleik-taleik ugunem inebe mondok wolelenggen tagalogo inosigin o. Hat neisena Tuhan nen afuni kweangma mene mondogat wene inoba figik, kotik, igin mene, at ebe kain enupogot asuageluk wendeberogo menfesigin mene andi, omame wogetunem ungguloak uan asigin o,” iluk Allah fogeratikhe.

1 SAMUEL 2:1

At Hana nen Allah fogerati logolik, samban oba mel isikhe: ”Neisena Tuhan nen fanotnafenma nendawimo nagaiyek hikhi lagi o. Haren hilingitendek mene andi re, nendawimo nagaiyek anggigirek mene nek hilingiti lagen o. Hat neisena Allah nen lebetnafenma, nendawimo nagaiyek oba it naselei mene nen inane asegen wo'nabi'lagwi mene omanogo re, an nen ogo pilibinafi logogin aro.

AYUB 19:9

Allah nen, an nangge yi mene ti mene mondogat telogo heligik, nenu fano lagarek mene weak hilingisogo nobagagik, ikhemo.

MAZMUR 69:11

An samban ikhi logolik sumburu ninggi'lek, le agu were'ma, inane asegen wo'niili'lagwi o.

RATAPAN 3:29

Andi faget he hobuk asigin mene werek hilingi'mo ninamu nen hilingisu lek hak iluk sebelfakhaluk logoumo re fano.