AYUB 15:8 - Allah Wene Fano Wene Hupla Inane

⁸ At Allah hilingisigin iluk wenggelhu kwelek andem he hat hesanggo holhi lagen a? Afuni inoba inendawinggen kagalek mene werek mene andi re we hat hoba nek werek nogo a?

AYUB 15:8 Referans Kwoze

ROMA 11:34

Wene andi faget he, lisu yi'nogo palogo fesukwama werek: ”Nineisena Tuhan endawimo ebeterek andi, sa elu? At he, sa hagen komorasigin nogo?

YEREMIA 23:18

An nen ikhi logolik, ”Ap nabi andoma we misigen ogore Tuhan endawimo anggili'lago mene andoma inelu werek fuk. Iren ekhe Tuhan nen hilingiri'lago mene iluk wenggelhu mene holhik, nen At ane ili'lago mene futfuluk wanhik, ili'lagwi legaro.

1 KORINTUS 2:16

Wene andi faget, Allah aneba lisu mel iluk palogo fesukwa: ”Nineisena Enupogot endawimo ebeterek andi re, sa nen elu? At he, sa nen komorasigin nogo?” iluk, it ap Allah ane yagaisikhi lagaukwa mene nen, lisu palogo fesukwa. A'nogo meneat he, niren Kristus endawimo ebeterek mene andi fisogo welago o.

YOHANES 15:15

It afuni inamingmingengge mene andi, inogogwi hilingitarek mene inonggot andi nen he, an nen huli yogondak yiba nen, hit an namingmingengge, iluk yagahisagain lego. Yi wene ti wene neisena nen yaganetikhe mene mondogat yagahisikhi lagi andi nen he, nagaila'lak, iluk yagahisikhi lagi andi o.

MATIUS 13:35

A'nogo hilingiti lagaikhe andi re, ap ekhe Allah ane yagaisikhi lagaikhe mene nen ikhi logolik: ”An wene yagaisikhi logolik he, oba lirogo nek yagaisikhi logogin o. Allah nen kweang yi elalhikhe huli nen wene hinago mondok welagaikhe mene fakhogo yagaisagain o,” iluk isikhe andi higit asuageluk, Yesus nen a'nogo yagaisikhi lagaikhe.

MATIUS 13:11

at Yesus nen he, ”Allah nen awe a'ma fisikherek wene andi, at endawimo hinago welagaikhe mene, hit enek he, hinelu asubagaigeluk, fakhogo yagahisagain anggasikhe meneat he, it afuni ekhe andi nek he, fakhogo yagaisagain lek, anggasikhe.

MATIUS 11:25

A'nogo yagaisasikhesik he, o andi sambul he, at Yesus nen samban oba eisena Allah yagati logolik he, ”Allah Neisena o! Pogot kweang eisewerek menere hararo! Wene mondogat andi re, it afuni inendawimo kagalek mene inom, yi wene ti wene inelu mene inom, inelu asinogo iluk hinakfuluk he, it inobabut yenggerugwi ketago mene hangge nek he, fakhogo yagaisegen andi hendawimo hamolo anggegendigenat yagaisegen andi nen hai wathafi lagi o, Neisena,” iluk yagatikhe.

AMOS 3:7

At nineisena Tuhan Lego Mondok welagarek mene a'nogo nen he, An yi'nogo hilingisigin, iluk ap At amingmingengge ane yagaisagarek mene andoma inoba fakhogo yagaisigi'lek ekhe hilingitirek mondok lego.

AMSAL 3:32

Andi re, At Tuhan he ap weak hilingitarek mene inoba abit welagarek, meneat he ap fano higithogo hilingitarek mene inom he horokhogo welagarek andi nen.

MAZMUR 25:14

At Tuhan he it afuni at oba inailorogo logolik higithogo hilingitarek mene re inom fano hundik welagarek. Aren endawimo wenggelherek mene re it inoba weinamet fikherek.

AYUB 29:4

At Allah ninom hundik logolik Aren an nawi wurik a'nogo sebelnarek were'ma re, nenggi andem oba nalong-balonghogo welagagi aplere a'nogo.

AYUB 11:6

Nen, hebelogo wenggelhu mene andi re ero hokhorogo hilingi'mo re afuni nen mondok fut fili'lagwi lek iluk andi re we At Allah nen enek yagahesuak. Andiba re hat hafe hebelasimbik he, an unggum wo'nesu mene re mondok hokho-pokhorek oba nen he, we endebat yi noba fikhemo iluk anggikhi logoino.

ULANGAN 29:29

Wene fena At nineisena Tuhan Allah nen hinagaisogo fikhe mene werek oba nen he, awene melalek nit ninoba weinamhogo nit inom, niren tagomangge mene inom faget yaganisikhemo niren hologo hundik-handik hilingiti logogun o,” Iiuk yagaisasikhe.

ROMA 11:33

At Allah oba mene hokhorogo welagik, endawimo mondok kagalek welagik, wene mondok elu welagik, ikherek andi nailo e. Aren wene elugun waterek mene, nit afuni ninelu asugun nogo? Aren yi mene ti mene hilingiterek mene niren futfogoin nogo?