AYUB 15:5 - Allah Wene Fano Wene Hupla Inane

⁵ Hat honggwarek hane ikhi lagen mene andomaba re, haweak hilingiten mene a'nogo enek ari'lago andi, oba nen he, hat hane pugun ikhi lagen andiba re honggwarek haweak omanogo sebelogo fakhikhi lagen.

AYUB 15:5 Referans Kwoze

YEREMIA 9:8

It inane ili'lagwi mene re tok wei lambelegengge nen ap inoaterek hak ugunem he, inali'lip mondok ambik. It inambelema nen wiliferek mene re ineranhogo wene nek hoporek. It inane ugunem he mit-mirengge hilingi'mo ap endawinggen literek, oba nen inonggwaregen hele yebet fakhagarek oba nen hilingik.

YAKOBUS 1:26

Nen, sa nen, ”An Allah awe a'ma logolik higithogo hilingiti lagi,” iluk anggikhi logoligat he, ane elugun ware'lek hesangge-pesangge ikherek halok, onggwaregen lalikhi logolik, Allah endawimo fanorogo hilingiti lagi iluk, we tulemat hilingiri'logo o.

LUKAS 6:45

Afuni nen yi wene ti wene inambeba nen agarek andi re, inendawimo peterek logolik, kagalogo lagai wagunem agarego. Inobabut fano mene inendawimo fano mene peterek logolik, wene fano meneat wulabi wagaikharego. Meneat he, afuni inobabut weak mene inendawimo weagat logolik wene weak meneat wulabi wagaikharego,” iluk yagaisasikhe.

MAZMUR 64:3

Afuni weak hilingiri'lagwi mene nen inane misik makfuluk hilingisi weri'lagwi mene andomaba nen inom, ap inoba hinggi mene andoma nen inawene ina'malolo kwelabek mene nek makfuluk hilingitare'ma andoma nen inom, nagap telogo nobagakhi logoin o.

AYUB 12:6

Oba nen he, ap hinatarek mene andi re, afuni nen ogo inanggomo pali'lagwi lek, it afuni Allah oba inailo legengge ane oak sagalharek mene omanogo nen it mene inanggembuba inendawinggen tibet fuluk logolik inonggwarek inomameba werek oba nen ogore, inebe mandok fanogo werek.

AYUB 5:12

Aren, afuni inendawimo kagalogo lalinafarek mene andi inebe fakfisigik, iren, Yi'nogo hilingisugun iluk, agarek mene sugit fisigik, ugunem he, it anggagarek mene sugi agik, it inendawimo ebetharek andiba inonggwarek inebe laligik, agarek andi.

AYUB 11:6

Nen, hebelogo wenggelhu mene andi re ero hokhorogo hilingi'mo re afuni nen mondok fut fili'lagwi lek iluk andi re we At Allah nen enek yagahesuak. Andiba re hat hafe hebelasimbik he, an unggum wo'nesu mene re mondok hokho-pokhorek oba nen he, we endebat yi noba fikhemo iluk anggikhi logoino.

AYUB 15:4

Nen haren egen mene andoma hologo hilingisumo nen he, ap misigen iluk ogo ekhe Allah ba ailo welagi'lek, samban igi'lek logou hago.

AYUB 22:5

Athe hat haweak hilingiten mene re mondok hokho-pokhorogo were'ma re, hat hobabut inom, hilingiti lagen mene inom, mondok kwanirogo hilingiti lagenma, wene hoba fili'lago.

AYUB 32:1

At Ayub en an weak hilingiti lek iluk endawinggenma nen eberogo anggikhi lagaikhemo re, it agaila'lak inebe henagan aremnogo nen ogore at ane wurep wanhu aple herafisasukwa.

AYUB 32:2

Oba nen he andoma ap misik ekhe enure Elihu hun Barakheel amlogo, it inunggulenu Ram meneba nen he hun Bus ambisangma mene andi welagaikhe. At were'ma andoma Ayub en Allah oba hikhip hikhi logolik he at Ayub endawimo nen he an fano hilingiti lagi iluk ikhi lagaikhe mene a'nogo faget, at Elihu a'mage lagasikhe mene a'nogore sebelha elo'lek aga lagaikhe.