AYUB 14:21 - Allah Wene Fano Wene Hupla Inane

²¹ Lakfisugunem werek kwelek, it inagainafuri omanogo re wene ero mel inonggot kwelek, it inebe kaindek logouwagaluk menfisigik egendek, Nen it inoba inabok palogo weaget fisugunem he, it ekhe nen iluk ogo yagaisagarek mondok lek.

AYUB 14:21 Referans Kwoze

PENGKHOTBAH 9:5

Afuni ineluk werek mene andi re wa'lasugun iluk he inelu logoumo fano, nen it afuni arat wa'lagaikha mene nen he yi'nogo ti'nogo mondogat inonggot werek. It inobaget wogisugu mene inom inoba eberek werek aple inom ekhe werek lek, nen inenu ogore inonggot agaikharegat.

YESAYA 63:16

Hat he nit nineisena lek nogo? Nit nineisenaat welagen o. Abraham inom Yakub inomen he nit he inonggot meneat he, nineisena Tuhan Hat enek he, nit nineisena welagen, o eroma nen engge ninagap telninafendek mene welagen.

MAZMUR 39:6

An nebe umur neluk welagi mene ari re Haren we mondok horokhogo enogo fegen! An neluk welagi mene ari faget he, Haren he amungge weak-weak legagarek andi hakhogo hilingik welagen. Eberogo nenat he, afuni ineluk andi re inele age futhugunem hangge hilingik,

1 SAMUEL 4:20

Omalik a'nogo tak-tak ebe arat wa'lasigiluk ugu kwelek, it hemi ekhe at lebethikhi lagaukwa mene nen mel yagatukwa: ”Heak ap takhegen andi nen he, hendawinggen hambukhogo logoin o,” iluk yagatukwa meneat he, aren onggo igi'lek obakhenene kamo isikhe.

AYUB 14:22

A'nogo logolik he, inonggwarek inoba yi enggin ti enggin higik, inoba weakhogo logolik inendawimo warugu welagik, agarek andi,” iluk yagatikhe.

AYUB 24:24

We horok elama faget enek endawimo agaiyekhogo werek oba nen he, hobuk he mondok-mondok lageluk werek. At ebere engga puk mene hakhogo a'luk werek, nen padi enggen oak oba nen palogo fugunem hakhogo hilingla'luk werek.

AMSAL 31:18

Aren yi yabu ti yabu hokhorogo hilingirik lagarek mene andi ambisangma hokhorogo saburagain mene a'nogo elu logolik he yabu hilingirik lagarek-lagarek he o hubanggo ogore hilingiteregat.

AYUB 21:21

Ap ekhe kweangma ineluk wela'luk wa'lasugun halok, Aren at onggwarek eisok erokwe mene faget ninggi'nogoluk inoba eberek logou hak nogo?