AYUB 12:7 - Allah Wene Fano Wene Hupla Inane

⁷ Hiren sue, paik, yi mene ti mene oba heinok wanumo mene ogore, iren wene ebe ti'nogo iluk yagahisogoin werego.

AYUB 12:7 Referans Kwoze

YESAYA 1:3

Wam sapi re eisena halharek agun a'nogo elu welagarek. Nen, keledai re eisena nen amburu wogeterek oba obalik aremnogo elu welagaregat, oba nen he An nagainafuri Israel mene re a'nogo hilingitu aple inonggot. Nen iren futfili'lagwi legat,” iluk ikhe.

AMSAL 6:6

Hit afuni hinaberali mene yi sani, nini nen hilingiri'lagwi mene andoma futfuluk, it inobabut hilingiri'lagwi mene andi higithogo hilingiti logoni o.

YEREMIA 8:7

Sue walu mene ogore mo taba re nogoikherek oba lagain iluk elu welagarek, nen sue muluk inom, sue helalimbo inom, sue murai inomen ogore eagwi inebe werek oba faget higilogo ale'ma logoin mene faget he inelu welagaregat. Oba nen he hit An nagainafuri re An nawene melalek higithogo hilingiti logouwageluk melalogo wokhisasigi mene a'nogo futfikhi lagep lek andi.

ROMA 1:20

Allah ebe nineilenggen hogorek lek meneat he, aren kweang pogot elalhikhemo ineilenggen hikhi logolik, at ebe Walhasikhe mene atma re, omame etok mondok welagarek, iluk, obabut furogo futfouwemat welagaikharek andi. A'nogo welagaikharek andi faget, iren inoba nonggologo wene ki u he aro.

AYUB 12:6

Oba nen he, ap hinatarek mene andi re, afuni nen ogo inanggomo pali'lagwi lek, it afuni Allah oba inailo legengge ane oak sagalharek mene omanogo nen it mene inanggembuba inendawinggen tibet fuluk logolik inonggwarek inomameba werek oba nen ogore, inebe mandok fanogo werek.

AYUB 12:8

Eluk-elugengge kweangma yoma werek mene inom ima werek mene inom oba heinok wanumo mene ogore, iren wene ebe yi'nogo iluk yagahisogoin weregat.

KEJADIAN 1:21

A'nogo isikhesik, i laut yenggelek a'ma ebe hokhondek mene ekhe hokhorogo elalinafik, yi mene ti mene i a'ma eluk logogin mene ekhe hokhorogo elalinafik, yirue-tirue tarogo nikhi logogin mene hokhorogo elalinafik, isikhe. A'nogo elalinafikhesik, eilenggen hasikhesik he, ”Mondok fano elalogo fisigi higi,” iluk isikhe.

KEJADIAN 1:25

Allah nen yi mene ti mene eil ena mene inom, eil polok mene inom kweang kwe pololangerik nikherek mene inom, elalhikhesik at Allah nen, eilenggen hasikhesik he, mondok fano elalogo fisigi higi,” iluk isikhe.

AYUB 8:10

It ap hebelek inap o attak andoma welagaukwa inaben, inane ikhi logolik yagaheri'lagwi mene yi hesanggo holin.

AMSAL 30:24

O kweangma yoma eluk elugengge enggaminogo mene ebe mondok magendek oba nen, inafe hebelogo nek welagaikharek mene re yi: