AYUB 12:22 - Allah Wene Fano Wene Hupla Inane

²² Aren he, obalik mondok hikhaksekwe omanogo selegetfigik, mumeak mene nen sebelekwe omanogo ombak-pageratik ikherek.

AYUB 12:22 Referans Kwoze

DANIEL 2:22

Arenat yi wene ti wene elonggoma hinago mene ebe yi'nogo asigin iluk mel fakhogo yagaisigik, ikherek. At ebe o selek ombak-bak oba huli'liphogo logolik yi'nogo ti'nogo o mum oba agarek mene andi re At mondok elu nek.

1 KORINTUS 4:5

Andi nen he, aren wene afuni inoba figik, kotik, igin andi sambul oan asi wagi'lek werek kwelek, hiren it ekhe wene inoba figik, kotik, ugun mondok lego. We, at ninoe Enupogot ebe wesimbigen he, afuni nen hubanggo hinagaisogo hilingiri'lagwi mene sele'mat figik, yi'nogo hilingisugun, iluk anggaluk inendawimo sebelek werek mene andi fakhogo figik, i wesigin andi nenangorogo logogun o. A'nogo fakhogo fugunem, Allah nen he, fano hilingita mene inebe lombok fogerinabu meneat fogerinabigin o.

1 KORINTUS 2:10

Ninobagaikhe mene andi, at Allah Areagun en yi mene ti mene obabut palherek andi nen, Allah endawimo hinago welagarek mene andi inomat kwelakhikhi logolik, fakhogo yaganisasikhe o.

AYUB 3:5

O andi sambul haren he, mondok te'met figik, mumet figik, henanggulok sebelogo weaget figik ino o. Mo yasinogoluk ohena nen sebelek mondok logouwak.

LUKAS 1:79

O mummo logolik wa'lasu hak andi ninailo, iluk anggili'lagwi a'nogo o selek hilingisogo fisigik, ninonggothogo were'ma, Kwe yiba lamo hinendawinggen hambuk igin, iluk, yaganisigik, igin o,” iluk, Zakharia nen isikhe.

AMOS 5:8

Nineisena Tuhan nenat, hesagalenggen pogoroba elalogo fesikhe, hesagalenggen andi enu Belantik inom, Kartika inom, elalhikhe. Arenat o mum mene lia hilingisogo figik, o linggene mene hubanggo hilingisogo figik, i laut hokho yenggelek mene kweisalogo kweang ambuema hukhigik isikhe andi. Nen andoma mondogat hilingitikhe mene andi ebe re At Nineisena Tuhan amu nenat hilingitikhe.

MATIUS 10:26

A'nogo yagaisasikhesik, ekhe mel yagaisasikhe: ”Hobuk Allah nen, yi mene ti mene sebelek mene andi weinamet figik, hinago mene andi sele'mat figik, igin enek andi nen he, hiren, it afuni faget hinailorogo logogubo.

AYUB 34:22

O mum se'maba nen ogore, it afuni weak hilingitarek mene re hina'lasu lek hak?

MAZMUR 139:12

Hat helokhoma o mum andi mene sali wesumo re elo'lek. O mum asigin mene a'nogo o linggene higit selegasigin. Nen o mum andi inom selek andi inom Hat helokhoma re higit enek werek.

MAZMUR 44:21

Niren ambi Allah nit nineisena a'nogo fogerati'legengge nen, niren allah amu mene hilingfuluk fogeratarek mene omanogoba fogerati logoumo nen he,

AYUB 24:17

Ap ariginik mene andi re o wei ugu halok he ailo mondok, oba nen he o mum oba re inailo mondok legat andi,” iluk isikhe.

AYUB 11:6

Nen, hebelogo wenggelhu mene andi re ero hokhorogo hilingi'mo re afuni nen mondok fut fili'lagwi lek iluk andi re we At Allah nen enek yagahesuak. Andiba re hat hafe hebelasimbik he, an unggum wo'nesu mene re mondok hokho-pokhorek oba nen he, we endebat yi noba fikhemo iluk anggikhi logoino.

2 RAJA-RAJA 6:12

Heinok a'nogo wogisasikhemo, at agoromi perwira omanogo mene ekhe nen he, mel yagatikhe: ”Noe, ap ekhe nen yonggo lagi'lego. We, ap Elisa Allah ane yagaisikherek mene a'nogo nenat wene andi hat hebe koma logolik, ale'ma nen he a? Nogo egendek oba nen he a, ugunem at elu a'luk afuni Israel mene inoe raja a'nogoba yonggo lakfisili'lago o, noe,” iluk yagatikhe.

MAZMUR 139:11

Nen an nen o mum mene nen salnabi wesuageluk yagasigin halok inom, nen an nera'lukwe selek logogin mene a'nogo o mum mene nen sali wesigin halok inom,