AYUB 12:12 - Allah Wene Fano Wene Hupla Inane

¹² Aben ikhi logolik he, inendawinggen kagalek mene inom, fanorogo ebetarek mene inom andi re ap inebe umur uanhogo hilingik mene inoba werek iluk agarek lek nogo?

AYUB 12:12 Referans Kwoze

AYUB 32:7

Wene elonggoma hinago mene re inaluendegen enek yagaisagarek hilingi'mo re, An nendawimo nen he hiren hinane ilep anggikhi lagi.

AYUB 15:10

Nit ninendawi kagauksek mene andi re ap mondok yaman agaikhasik inesi helel wulifa mene nen ninoba faga o, it ap andoma re hat heisena oan ta'lagi'lek werek kwelek it tak welagaukwa inap.

AYUB 8:8

It ap hebelek inap o attak andoma welagaukwa mene omanogo fut fisano. Nen, it inambu-inomba lagen hilingiti lagaukwa mene inom, hikhi lagaukwa mene inom omanogo ebethikhi logoino.

1RAJA-RAJA 12:6

A'nogo lagaukwama re, at Rehabeam eisena Salomo ogogwi wene ”Yi'nogo hilingisugun, ti'nogo hilingisugun,” iluk yagati lagaukwa mene omanogo inoba lagaikhesik mel yagaisasikhe: ”An nen ap andi wene ninggi'nogo mene yagaisagain anggegep? Yagaisoagaluk hiren wene ninggi'nogo mene yaganesugun?” iluk heinok wogisasikhe.

AYUB 32:6

A'mage inoba fesikhesik aren ikhi logolik he yi'nogo isikhe, ”An he nebe sougerek welagi, nen hit he ap hinalue mene welagep, andiba re an nendawimo anggigi mene yagahisa re, nailo nabi'lago.