Biblia Todo Logo
Bib sou entènèt

- Piblisite -




AYUB 11:8 - Allah Wene Fano Wene Hupla Inane

8 At Allah omame andi re o pogot koloma werek mene andi horok a'ma hak werek kwelek he mondok lego were'ma re, haren huli-hulimo andoma halamo re elo'lek. At Allah omame andi re afuni wa'la'luk lagaikharek oba andoma re horok ambolkwe hak oba nen he mondok elonggoma ma'lima hilingi'mo re, haren yi'nogo hilingik iluk futfou lek hak.

Gade chapit la Kopi




AYUB 11:8
17 Referans Kwoze  

At Allah andi re Lego Mondok welagarek mene At ebe re pogot inom hesagal inom he a'ma hak werek kwelek At enek he mondok legoma po'lima welagarek.


It andi ekhe heise poloksek kweangma afuni wa'la'luk lagaikharek oba andoma eberogoat logoin oba nen ogore, An nen inambotkwe liakfisa wesigin o. Nen, heise poloksek pogoroba elok logoin oba nen ogore, An nen it andoma nen pelakfisa wesigin aro.


Kweangma nen pogoroba eil uan welagarek andi hak, An nen wenggelhirek mene andi re ambolkwe hak werek kwelek haren wenggelhi lagen mene re a'makwe hak werek, An lagirekwe re poma hak werek kwelek hat laga lagen kwe re a'makwe hak werego.


It ap inenupogot ekhe inenu lek hangge werek kwelek, At Allah nek he enu werek logolik, pogot inom, kweang inom At enggiba welagarek, andi nen he hit hinebe mondogaren At enu nek, seralhi logoino.


Hineilenggen pogoroba liakhambik he, o pogot anggulok walek po'lima werek andi fogera'ni o.


At Allah eilhanem he it afuni wa'laluk lagaikharek oba andoma re kwe hurik werek. Inebe leget fisikherek oba andoma ogo re kwe yagarek legat.


Oba nen he kweangma nen, pogot halianggen oba liakhugunem mondok uan andi higit, it afuni Allah oba inailorogo welagaikharek mene andi re, mondok hokhorogo endawirinaferek.


Oba nen he, neisena Allah, Hat he afuni inanggele'ma kweangma yoma higit logou hak nogo a? Pogot abirengge mene ogore Hat logou oba obalik higitsek lek, nen o kabogetuba iluk an nen wuti mene yi re mondogat ebenagaik!


Ohena nen elokhe mumetha wagaresigen palogo lek agarek andi higit, afuni andi ogore mondogat wa'lagunem he nekhengge sugulogo inaiba wesu lek hak. It afuni at enggawerogo logogun mene omanogo nen ogore at oba ekhe ebethogoin mondok lek.


At Allah omame re kweang talek mene ari onggoksek kwelek he mondok wuri'logo yatma andomaba hilingik. I yenggelogo tiagansek mene ari re onggoksek oba nen he mondok lang-fanghogo hilingik.


Nit nineisena Allah andi re eberogo omame hokho mene were'ma re, niren At horokhogo asi la re elo'lek. Aren he higithogo nek hilingitik, katokhogo nek hilingitik, hilingiterek. Aren afuni enggin-fenggin inoba fuluk sebelinarek welagarek mondok lek.


Afuni ekhe nen, afuni wa'la'luk lagaikhare'ma o mum mondok hik-hakse'ma kwe ambe pale'ma andoma yagahetukwa mene ekhe werega?


Tuhan neisena, Haren hendawi hundik hilingninafi lagen mene andi re pogot walek po'li welagarek andi hak hilingik, nen Haren tiphogo nek hilingninafi lagen mene andi re mondok uanhogo anggulok huli andomaba hilingik.


Ap koma mene pogoroba lagagik pigik ikhe mene ekhe werek nogo? Ap andi nen sogoi enggimo yinggilogo wanhe mene werega? Athe asuba i yinggilogo wanhe mene ekhe werega, athe huli-huli o kweangma yoma mondogat filik lagaikhe mene ekhe werega? Ap andi re sa, nen at amlogore sa nogo? Eberogo nen hat he helu welagen!


Swiv nou:

Piblisite


Piblisite