AYUB 11:19 - Allah Wene Fano Wene Hupla Inane

¹⁹ It afuni haselei meneba re hailorinafi logogin lek, it afuni hokhorogo nen haren leberinabuageluk kino yagaheti logogun.

AYUB 11:19 Referans Kwoze

YESAYA 60:14

Afuni hat sebelogo hobagaikhi lagaukwa mene inagainafuri re ineindep awi yagaisogo sagam esi wesugun, it inane weak hat hoba fikhi lagaikha mene omanogore sebe i wesimbik iren ikhi logolik, ”Hat he kota Tuhan mene o, igik, athe Sion, Israel mene ineisena Allah, Mondok Horek mene a'nogo aiba o, igik,” ikhi logogun.

MAZMUR 45:12

Hat heil alili fano mondok andi nen, at raja a'nogo endawi wanhi lagen, at andi re hat hoe hiling'mo re at a'ma sebe in o.

WAHYU 3:9

Yethani! It afuni Iblis againafuri andogotarek mene inebe Yahudi mene lek meneat he, ineranenat, nit ninebe Yahudi mene, iluk agarek mene andi, hit hinawe a'ma kwi we'luk, an hit nendawinggen hundik welagirek andi inelu asuageluk, it inebe hit hinoba fisa wesigin o, iluk eberogoat yagahisigi.

YESAYA 45:14

Tuhan nen Israel mene inoba yagaisikhi logolik, ”Mesir mene nen enggen ugu inom Sudan mene nen ambisangma hokhorogo helagarek mene inom andoma hit hinangge asubagaigen he helani o. Afuni Syeba mene inoakhuse uandek mene andoma re hit inamingmingengge asugun. it he hit hinombo'ne posiemanggen heleba ke'nokhogo lirinarek waga logogun. Iren eberogo sebel fakhaluk inaneba fageti logolik, ’Ibi eberogo nen Allah re hit hinanggele'ma werego, At amu at werek, nen ilah amu mene ekhe werek lek!’ ikhi logogun.

AMSAL 19:6

Afuni inebe lombogen ap kaindek mene inendawi wanuogeluk inomamerogo hilingitarek, afuni inebe mondogen he ap yi mene ti mene inendawi fano wogisagarek mene ninom kam warogo logoilo e, anggagarek.

IMAMAT 26:6

An nen mene olomene anini weak mene hit hinanggweang oba nen legetfisamo re, hit hinoba weim yafu mene ekhe logogin lek. An nen hit hinoba hinamel-mel lekhogo hilinghinobagaumo re, hiren hinaiba andoma amu meneba ekhe hinailo lekhogo nogokhi logogun.

AYUB 11:18

Hat hebe hambukhogo logolik hendawimo eberek enek logogin. Nen, At Allah nen he hat fetharek were'ma re hailo legengge hoba fanorogo nek logogin.

MAZMUR 4:8

Afuni nen inangge enggen palikhi logolik inendawimo inagaiyegetarek mene andi re maben hak oba nen he, an he nendawimo Haren mondok nagaiyek hokho mene kwelaknobagakhi lagen.

MAZMUR 127:2

Allah againafuri endawi hundik welagaikharek mene it inebe nogo ugu kwelek, Aren nogoin mene waganogo fouget fikherek andi nen he, it afuni ekhe nunggu mene faget herarik, hup siakhogo wulibluk he, yabu hokhorogo hilingirik nikharek. Hilingirik laga la'luk he o hubanggo kwi wagaikharek, a'nogo hilingitarek andire we alomarogo hilingitarek.

AMSAL 3:24

Haren hailo legengge laluk nogokhi logogin, nen hup inukhogo nogo hobabe lekhogo nogokhi logoginat.

YESAYA 17:2

O Siria oba kota-kota andoma re mondok-mondok faget herakfisaluk wilibumo re obalik andoma re yi anggo ti anggo kuluk were'ma re, ap ekhe nen iluk ogo inelokhe palu lek hak hilingik logogin.

MIKHA 4:4

Afuni inebe lombok he, it inangge anggur yabumo inom, inagayo ara erokwe inom fano liole'ma logogun. A'nogo logolik he afuni ekhe nen inailot fisogoin iluk hilingiti logogun lek, iluk At Tuhan Omame Mondok Hokho mene a'nogo nen wene wate andi.

ZEFANYA 3:13

Nen, it afuni Israel mene o andoma inebe endebengge logogun mene re, iren afuni ekhe inoba iluk ogo weak inoba figik, ineranhogo wene yagaisigik, inane nen lalinafik ikhi logogun mondok lek. It he inangge yi mene ti mene sik-pikhogo were'ma inoba fanorogo nek logogun, nen iren afuni inoba ekhe inailoti logogun lek,” iluk, ikhe isikhe.

2 TAWARIKH 20:30

Andiba re, at Tuhan en Yosafat oba aren melalinafukwe omanogo mondogat ap youk mondok legengge fanorogo logouwageluk hilingfisasikhemo re, at Yosafat a'nogo weim abok legengge melalinafu welagaikhe.

YEHEZKIEL 34:28

It he ap inunggulenu An inonggot mene nen hele warogo woginarek lagik, athe mene olomene nen senggelinafik, igin lek. It he inendawinggen serogo were'ma re ap misigen iluk ogo ekhe inailot fisikhi logogun mondok lek.