AYUB 11:12 - Allah Wene Fano Wene Hupla Inane

¹² Wam keledai maro mene agaisa nen eak eil kuluk mene tasumo nek he, ap kembu mene ogo hebelek mene asu hak.

AYUB 11:12 Referans Kwoze

YAKOBUS 2:20

Hat he kembu nen ikhi lagen andi ri! Allah eberogoat iluk andi mene nek anggikhi logolik, henggiba leberisigi'lek halok, we tulemat anggikhi lagen iluk enegat futfeinogen wene yi yagahesik.

PENGKHOTBAH 3:18

Nane elugun warogo re yi'nogo, At Allah nen he, Hit hinebe hilinglasugun andi re, wam, sue, paik, andi hinom higit aro, iluk yaganisagaluk ninobabut palherek anggikhi lagi o.

MAZMUR 73:22

an nebe mondok kembu nen o, Hat helokhoma wam higit logolik, hilingiti lagagi.

EFESUS 2:3

Attagat nit mondogat it hilingiri'lagwi hagat hilingiti lagagu. Ninobabut afuni inobabut inetogat logolik hilingitarek hak hilingiti logolik, ninoba aigage lagagunem weak hilingitik, ninendawimo anggaluk weak hilingitik, ikhi lagagu. Andem sambul he, afuni inobabut inetogat logolik hilingitarek ninom higirat were'ma, Allah a'mage lagaluk he, weagetninabigeluk welagaikhe.

ROMA 12:16

Afuni ekhe hinelokhoma fisigik, ekhe hinambotma fisigik, igi'lek he, hinendawirogo higithogo nek hilinginafi logoino o. Kaindek inobabut hilingitarek mene andi, hilingiti'lek he, inawe a'ma logolik hilingitarek mene andiat hilingiti logoino o. Hinendawimo nen he: ”An wene mondok nelu o,” iluk hinonggwaregen fogerakhagubo.

ROMA 1:22

It inendawinggen a'nogo mondok mum hilinglagaikhesik logoligat he, ”Nit ninendawinggen mondok kagalego,” iluk agarek andi.

YEREMIA 2:24

lagaresik, o leimo afuni inareng le'ma andoma lagarek. Lagaresik, alele fi'luk ai waluk herarik lagunem ai nageluk a'mage het-het hilingitunem he fak fou elo'lek agarek. Alele fiterek sambul a'nogo re ekhema-ekhema at elokhe hangge nek welagarek, ariginik nugunem ai mene nen he segetlekhogo ai ninggerek. A'nogo hilingiterek andi hak, hat he a'nogoat hilingiti lagen o.

MAZMUR 92:6

Tuhan neisena, Haren ekhe mene ekhe mene hilingiti lagen mene andoma re mondok hokhorogo hilingik, Haren wenggelhi lagen mene andoma re mondok uanhogo wenggelhi lagen!

AYUB 28:28

At Allah nen afuni inoba ikhi logolik he, ”Inendawinggen kagalek mene andi wo'nisoageluk he, Allah andiat legeisogo fikhi logoni. Nen, futfikhi logouwogeluk he, weak mene andi agaiserogo yatma lakfuluk logoni,” iluk isikhe.

AYUB 15:14

Afuni andi re weak hilingiti'legengge ekhe werek anggegen? Weak hilingitarek enek. Ap ariginik mene andi Allah elokhoma fanot fisa hak nogo a?

AYUB 6:5

No keledai re engga ket lagagu mene wogosumo re oba homo u hak, andi hakhogo re no lembu andi ogore nunggungge wogosumo nek he oba homo u hagat andi.

MAZMUR 39:5

”Tuhan neisena, an nebe neluk welagi mene yi huli kiba werek iluk nelu asuageluk he, an nebe kiba legasigin andi yaganom o,” iluk ikhi lagi.

MAZMUR 39:11

Haren yei warek oba an mondok wa'lasu hak hilingiti lagarik he unggum an noba fesigin mene andi Haren korogo leget fein o.

MAZMUR 144:4

Afuni andi re sogoi misigam furogo lagarek andi hangge, nen inafumagengge palogo lagarek andi hakhogo inebe a'nogo werek.

PENGKHOTBAH 1:2

Hun wene wenggelfuluk ikherek mene andi nen yi'nogo isikhe: Mondogat omare we elalinat, alomarogo werek! Ineluk welagaikharek andi re ero le'ma we alomarogo werek isikhe.

PENGKHOTBAH 11:10

Hat hebe souge logolik welagen oba andem he we eil misigat logombik legasigin, enggere hendawi fiti lagen mene andi inom, hoba enggin hikhi lagen mene andoma inom mugusogo wulak fisikhi logoino o, namlogo.