AYUB 11:11 - Allah Wene Fano Wene Hupla Inane

¹¹ At Allah re it afuni inambeba ineranen wene agarek mene andi re mondogat elurek, At eil oba nen he, ap weak hilingitarek mene andoma re longgo u lek hak.

AYUB 11:11 Referans Kwoze

IBRANI 4:13

Allah eilhanem he, yi mene ti mene aren elalhikhe mene ekhe hinago werek nogo? Mondok lego. We, at eilhanem yi mene ti mene mondogat he weinamhogo selek mondok welagarek andi nen, nit hilingiti lago mene at elumo re ninoba lombogat wene ninom ugun o.

MAZMUR 10:14

Ariginik oba nen he, Haren heilenggen mondogat isikhi lagen, Haren he afuni enggin-fenggin hugu werek mene inom, anggolorogo hikhi logolik werek mene inom, futfisikhi logolik, leberisagain iluk fik-foukhogo nek welagen. Afuni it inamu nen hilingisu elo'lek mene re inebe Hat hoba wokhetarek, nen Haren he afuni inenggi lek mene hundik handik leberisikhi lagen.

WAHYU 2:23

A'nogo hilingitunem, it Allah againafuri o yi awi ti awi andogotarek mene mondogaren ineilenggen hambik, iren he, At Allah re, afuni inendawimo ebetarek mene andi inom, inendawinggen kagalharek mene andi inom, elumo re, afuni ninebe lombok ninobabut hilingitorek mene higithogoat wene ninoba figik, onggo wo'nisigik, igin o, iluk, an futnobagauwageluk, it afuni he andi ane wanharek mene inebe inoasigin aro.

HABAKUK 1:13

A'nogo meneat he, it ap inobabut mondok weak logolik, ning-nanghogo lalinafarek mene andi inoba heilenggen isikhi logolik meneat he nenahalok hafe morogo welagen nogo? Hat hebe horek mondok logolik, it ekhe weak hilingitunem heilenggen logou hak nogo? Nen it ekhe higithogo hilingitu le'ma, Haren hebak hafe asu lek hak nogo? Andi nen he, it ap inobabut weak mene andi nen it inobabut fano mene omanogo weagerinafu kwelek meneat he, nenahalok hafe morogo welagen nogo?

HOSEA 7:2

Iren ina'mageba hilingiri'lagwi mene andoma faget An nen eberisagain mene a'nogo inendawimo eberi'lagwi lek. Oba nen he it inaweagen sebelinafunem An nen weinamat isikhi lagi.”

PENGKHOTBAH 5:8

Nen o kerajaan ekheba wene obabut ariginik mene were'ma at raja nen afe halogo fugunem he, afuni mondogaren agaukhogo leget fagarek.

MAZMUR 94:11

Nit afuni nen wenggelhi lago mene andi re At Tuhan nen nisikherek enek hilingi'mo re, andoma mondogat he we alomarogo hagenek hilingik.

MAZMUR 10:11

Iren anggikhi logolik he, ”Allah re mondogat onggot were'ma re fut ninobagali'lago lek, hobuk andoma ogore Aren ekhe nisagain legat!” iluk anggikhi logolik hilingitarek.

MAZMUR 35:22

Oba nen he Tuhan neisena, andoma mondogat he Hat heilenggen niikhi lagen, Tuhan hane igi'legengge logou fugo, nen an welagiba nen yatma lagun aro, neisena.

AYUB 24:23

We Tuhan nen he at ebe fano logouwageluk herak fisugunem werek, oba nen he, Aren oboget higi'lek kagalek mondok werek.

AYUB 28:24

Nen At Allah re o kweangma unggut-unggut andoma eil werek, yi mene ti mene pogot a'ma werek mene omare eil peneti logolik werek.

AYUB 31:4

An nen, yi'nogo hilingisigin, iluk nendawimo ebetfuluk hilingiti lagi mene mondogat At Allah eilenggen niikheresik he, elu mondok werego.

MAZMUR 33:13

Nineisena Tuhan ebe pogoroba nen, eilenggen pela'lasi wagarek, nen At eilenggen he yi afuni ti afuni mondogat inoba werek.