AYUB 10:15 - Allah Wene Fano Wene Hupla Inane

¹⁵ Nen an weak hilingiti halok he, an nebe welagi mene yi re, ibi-eberogo nen alomat lasigin werek. Oba nen he, an weak hilingiti lek mene ogore, at weak hilingite iluk anggili'lagwi. An mondogat ap weak mene logolik nendawinggen mondok heiselhunem welagimo re, nelokhe nailo lekhogo legeisogo yerisa re elo'lek.

AYUB 10:15 Referans Kwoze

YESAYA 3:11

Oba nen ap inaniniba nek hilingiri'lagwi mene andoma re, iren afuni amu mene inoba hilingfisili'lagwi andi hakhogore it inoba ogo a'nogo hilingfisagain enggere inaplurogo logouwak.

AYUB 9:15

An weak hilingiti'lek oba nen ogore, an nen At oba nane ninghogo u lek hak, we At Allah an nawene katokhogo tegeterek mene andiba hendawi nean iluk enek he yagasu hak.

MALEAKHI 3:18

It An nagainafuri mene nen he it afuni inobabut fano hilingitarek mene inom, weak hilingitarek mene inom, nen An nobaget kabogetarek mene inom, kabogetarek lek mene inom, inoba agamsek logogin mene andi re hobuk neilenggen hogoin aro,” iluk yagaisasikhe.

MAZMUR 25:18

Nendawi fit lagu nen hilingiti lagi mene andi inom, enggin-fenggin hikhi lagi mene andoma inom, Harenat fut nobagaluk, naweak mondogat legaphogo nobagain o.

AYUB 10:7

An eberogo nen weak hilingiti'lek mene andi re, Hat he afe hebelek logoligenat a'nogo hilingnafi lagen. Nen an nebe Hat enggiba welagi mene yi ap ekhe nen telogo wo'nabu lek hak a'nogo re Harogo helurek.

LUKAS 17:10

Hit he andi higiraro: Yi'nogo hilingi'no, ti'nogo hilingi'no, iluk yagahisamo andi arat hilingfuluk he, mel ikhi logoino: Lego. Nit oba loukhogo hilingisumo hai wa'ninabigin mene hilingiti'lek. We, hamingmingengge mene logolik hilingisu mene nek hilingisigin, iluk ikhi logoino,” iluk yagaisasikhe.

RATAPAN 1:20

Tuhan neisena! An futnobagain o, an nendawinggen sebe igirik noba mondogat fogikhemo welagi. An nen attak kwanirogo hilingiti lagagi omanogo faget nendawinggen warikhi lagi. Ebekhe kwe re ap enek inoatunem, olokwe re ap warek enek pi pou ili'lagwi.

YESAYA 6:5

A'nogo hilingigen he an nen ikhi logolik, ”Egi, an nambeba re weak mene nek ikhi lagi, nen nebe ogore afuni ineranen wene nek agarek mene omanogo inanggele'ma welagi hilingi'mo re, weaget nabiginat higi! iluk ebetirigen, ariginik welagiba nen At Tuhan Omame Mondok Hokho logolik, ebe Raja werek a'nogo an neilenggen nen tukhumhogo arat higi omare agwi,” iluk igi.

MAZMUR 119:153

Hat hawene melalek a'nogo an nen ekhe herakfigi'lek hilingiti lagi andi nen he, an weak welagi mene andi heilenggen kumutnealuk nagap telnafi logoin o.

MAZMUR 9:17

At Tuhan ebe weinam aga logolik he, Aren wene mondok katokhogo palherek andiba, it afuni weak hilingitarek mene re it inonggwaregen hilingituba ambisangma saburagarek.

AYUB 27:7

It ap an naselei mene andoma re ap wene sagalogo fuluk hilingiri'lagwi mene iluk unggum inoba fouwak, nen it an naweim mene andoma re ap ina'mageba hilingitarek mene iluk yei inoasuak.

AYUB 23:15

An nen At oba nailo anggikhi logolik he, noagelekwe leigeri'lago, an nen mondogat andoma wenggelik lagu-lagu re ekhe inom nailo ari'lago.

AYUB 21:6

An nebe hilingik welagi yi faget iluk wenggelhikhi lagimo re, mondok namel-mel hogo nek hilingigen he, noak leigeti lagi.

AYUB 9:29

Nen, an wene noba a'nogo nek fugu werek kwelek andi re ninggi'nogoluk elalinat wenggelhi logolik enek logogin nogo?

AYUB 9:12

Aren telhunem he, ap sa nen ambong serogo At oba nangge iluk ili wanu hak nogo? Athe at heinok wokhikhi logolik, ”Ao, Hat he, ningginhi lagen,” iluk heinok wanu hak nogo?

KELUARAN 3:7

A'nogo salhikhemo, At nineisena Tuhan nen he, mel yagatikhe: ”An nagainafuri afuni Mesir mene nen inamingmingengge higit ferinarek logolik, yi enggin ti enggin hilinginafunem telinabuageluk nayonggo fugu mondok welagaikharek andi, An arat neilenggen isigik, nesanggo holhik, igi o. It yi enggin ti enggin hili'lagwi andi An mondogat nelu o.

AYUB 6:29

Hinendawinggen wenggelha'ni! Hiren wene leatokhogo hilingiti'legengge hilingitu lek. Nen, an he ibi-eberogo nen weak hilingiti legenggere, hiren enggin-fenggin an noba fugu lek.

MAZMUR 83:16

Haren he hasieluba mugusogo lak fisigik, Hat hasogoi oba re it ina'manggen lakfisigik, ino.

MAZMUR 44:16

Linggene hundik-hundik an nobaget yiginik tiginik iluk yaganeti logolik, it naselei mene nen inom, nen it wene inendawimo sebelek logolik werek mene andoma nen inom, puliap nobagaluk hilingitunem he an nenggali hikhi logolik nelokhe wamborogo welagi o.