AYUB 1:4 - Allah Wene Fano Wene Hupla Inane

⁴ A'nogo logolik, Ayub againafuri ap inebe 7 nen andi re inetokhogo inaiba lombok pesta at ekhe were'ma hilingitik, at ekhe were'ma hilingitik, hilingitare'ma re, pesta a'nogo hilingiti logolik, inerugwi inebe henaganet aremnogo inayonggo fuluk, inamburu inom, inagai inom, ninggi lagaukwa.

AYUB 1:4 Referans Kwoze

IBRANI 13:1

Nerugwi nagaila'lak. Allah againafuri hinebe misigat mene hangge nendawi-hendawirogo hilingiti lagep mene andi, a'nogo hinom hundigat hilingiti logoino o.

MAZMUR 133:1

Samban uogeluk lagakhi logolik Daud en wuni ikhi lagaikhe awuni. It Allah againafuri mene inebe misik seberogo welagaikharek mene andi re, mondok fano hilingi'mo re an he nagaiyego!

AYUB 1:3

Nen, at amingmingengge inebe mondok hokhorogo welagaukwa. Anggo ogore, domba 7.000, nen unta re, 3.000, nen sapi re, 1.000, nen keledai re 500 nen welagaikhe. A'nogo welagaikhe andi nen, afuni o mo ero fikhit andoma welagaukwa mene inangge endebat hangge meneat he, at Ayub andi nek he, mondok kain eilmo wulalhak welagaikhe.

AYUB 1:5

A'nogo hilingitunem, ap Ayub endawimo nen he, ”An nagainafuri a'nogo hilingiti logolik, ineranen hilingiti'lek meneat he, ekhe weak hilingitasik Allah enu weagetfaga he a,” iluk endawimo anggikhi lagaikhe andi nen he, againafuri pesta a'nogo hilingiti lagaukwa mene omanogo ebe lombok faget, mondogat hilingitu halok he, Ayub ebe huberat siakhogo, it weak hilingitu mene andi nineisena Tuhan nen sebelogo leget fisoageluk, inebe lombok faget wam Allah warogo noleti lagaikhe.