AYUB 1:2 - Allah Wene Fano Wene Hupla Inane

² At againafuri ap inebe 7 nen helime inebe 3 nen welagaukwa.

AYUB 1:2 Referans Kwoze

AYUB 42:13

Nen, againafuri ap inebe 7 nen, nen helime inebe 3 nen wogotikhe.

MAZMUR 128:3

Hat hagwe re hailoba andoma e anggur mondok muli fano mene hak hilingik logogin. Nen hat hagainafuri re hangge meja haningisogo andoma e zaitun asimit hakhogo hilingik logogun.

MAZMUR 107:38

At Tuhan nen, it inagainafuri hokhorogo wogisikhi lagaikhe. Inanggo lek agi'lek logouwageluk, eagwi sik-pikhogo wogisikhi lagaikhe.

AYUB 13:13

Andi halok he an nane igin mene andi ambisangma ninggi'nogo asigin andi hilingik kwelek he, an nane igin enggere hinane legengge logoni.

ESTER 5:11

A'nogo hurek were'ma re, at Haman eranen wene kagalogo yagaisikhi logolik he angge yi mene ti mene werek mene faget inom, amlogomi alage mene hokhorogo werek mene faget inom, raja nen yabu legoma logouwageluk wogetikhe mene faget inom, it pegawai amu mene inunggulenu sebelek kwelek at enek he unggulenu lego mene welagi iluk inom, onggwaregen leget fakhikhi logolik yagaisasikhe.

AYUB 42:10

At Ayub en agaila'lak inebe henagan aremnogo faget samban Allah yagatikhemo, hobuk Tuhan nen at Ayub ebe ambotkwe eilmo wulalhak hilingisogo fikhi logolik, angge yi mene ti mene mondogat attak welagaikhe mene lek agaikhe mene omanogo obulu'mo ebe higithogo wogetikhesik he, hobuk ekhe inom enggi pireba hakhogo oba loukhogo wogetikheat.

AYUB 42:12

Attak at Ayub weak oba agi'lek logolik fano welagaikhe meneat he, andi endebat elo'lek hangge, nen weak a'nogo oba agaikhesik oba nen Tuhan nen mondok fanot fesikhemo hobuk fano mondok welagaikhe. A'nogo fanot fesikhemo, hobuk anggo kambing, domba 14.000, nen unta 6.000, nen sapi 2.000, nen keledai 1.000 nen wogotikhemo eise agaikhe.