Weagerinafu kwelek, inafe morogo welagaukwa andi nen, niren inabok fano ikhi logolik, ”It fano agaikhasik inendawimo inagaiyek anggili'lagwi,” iluk ogorek andi. At Ayub endawinggen abolok igi'lek afe morogo welagaikheba, nineisena Enupogot obabut fano logolik hokhorogo endawirinaferek mene a'nogo nen wurep oba fanot fesikhe andi abok hinesanggo holhi lagebaro.
AYUB 1:1 - Allah Wene Fano Wene Hupla Inane1 O Us andoma ap ekhe enu Ayub welagaikhe. Ap andi ebe Allah ailorogo logolik, oba lombokhogo mondok welagaikhe. A'nogo logolik, wene oba mondok legengge, weak endebat iluk ogo ekhe hilingiti'lek, obabut higit mondok welagaikhe. Gade chapit la |
AYUB 1:1
34 Referans Kwoze
Nen it Nuh inom Daniel inom Ayub inom, aremnogo andoma logoilepma oba nen ogore iren ap misik iluk ogo ekhe inagap telilep legat, An Allah neluk mondok welagirek mene, Tuhan Lego Mondok welagirek mene nenuba hilingi'more, it inagainafuriba nen ogo nen ap amu mene iluk ogo inagap telumo re elo'lek. We it inamu nek iren fano hilingisugun oba inagap telasigin o,” ikhe.
A'nogo yagatikhemo, Tuhan nen heinok wokhikhi logolik he, An namingmingengge Ayub he arat futfegen a, lega? ”Afuni o kweangma yi awi ti awi welagaikharek mene inobabut he an namingmingengge Ayub ebe an nebe endawirogo logolik noba lombokhogo werek andi hak he ekhe werek lek, at andi re haren wene ero lek kwelegat weaget fagain iluk an nendawimo kagalhen meneat he aren An kofologo herak nobagagi'lek noba lombokhogo mondok werek a'naga heilenggen hegen a, lega?” iluk yagatikhe.
A'nogo yagatikhemo, At Tuhan nen heinok wokhikhi logolik he; An namingmingengge Ayub he futfegen a, lega? ”Afuni o kweangma yi awi ti awi welagaikharek mene inobabut he, an namingmingengge Ayub ebe An Nebe endawirogo logolik noba lombokhogo werek andi hak he ekhe werek lek. At andi re An nobaget fogetnafu logolik weak endephogo iluk ogo ekhe hilingiterek mondok lek.
Nuh nen hilingitikhe re, yi'nogo. At Nuh againafuri ap inebe henagan mene taginafikhe. Inenu re, Sem inom, Yafet inom, Ham inom. Nen, at Nuh ebe obabut he, at Allah inom horokhogo hundik logolik, weak ekhe hilingiti'lek higithogo nek hilingiti lagaikhe. Andem sambul he, at amunek fano hilingiti lagaikhe.
Tuhan ebe inailorogo welagaikharek andi re, weak hilingitarek mene inabit welagaikharek andi aro. Inonggwaregen fogerakhagarek andi inom, ”It ekhe elo'lek, an enek he, esin,” iluk anggagarek andi inom, inobabut weak hilingitarek andi inom, ineranhogo wene lalinafarek andi inom, an mondok nabit isigirego.
”Hat hamlogo ari henggi fakfuluk at oba yi'nogo ti'nogo ekhe hilingitun o,” iluk malaikat en yagatikhe andi ebe re, nineisena Tuhan nen yagati logolik ekhe mel yagatikhe: ”Hat hamlogo ari ebe misik tago hilingi'mo re, hendawirati'legat, An wo'nesigeluk egen andi nen, haren An agaugwetnafendik nane hologo hilingiten andi nen hat hobabut yogondagen an arat nelu aga o,” iluk yagatikhe.
Oba nen he, andi hilingiti logolik he haren ap inebe hebelek mene enogo fisambik iren ap inebe 1.000 nen mene faget inom, 100 nen mene faget inom, 50 nen mene faget inom, 10 nen mene faget inom, inobaget menla'luk lenggalinafi logouwakhogo yagaisano. It inebe re Allahba inailorogo logolik, ane hologo nek hilingitu mene, nen afuni nen at andi elok hilingisu hak iluk anggagarek mene, nen uang inendawimo fanorogo iluk wogisugun helagarek lek mene halok menfisano.
An weak hilingiti lek oba nen he, an nonggwarek nebe faget he wenggel hikhi lagi lek. An neluk yi faget he esin mene ekhe werek lek andi nen he, an neluk ekhe inom werek mene faget ebeti lagi lek. Afuni weak hilingitarek mene inom, fano hilingitarek mene inom andi re Allah elokhoma re higit enek hilingi'mo re Aren enek inebe pirenet mondogat legaphogo fisagain werego.
Piblisite