AMOS 8:7 - Allah Wene Fano Wene Hupla Inane

⁷ It afuni Israel mene ineisena Tuhan Allah nen hombuk palogo mel ikhe: ”An nen it weak hilingiri'lagwi mene inoba nonggoret fisigi'lek nendawimo eberek mondok logogin o.

AMOS 8:7 Referans Kwoze

AMOS 6:8

At nineisena Tuhan Omame Mondok Hokho mene logolik, Lego Mondok welagarek mene a'nogo nen ane omamerogo ineluet fikhi logolik he mel ikhe, ”It afuni Israel mene inonggwaregen foget fakhagarek andi re An he nabit mondok welagi o. Nen, inogogwi kaindek inaiba mondok fanorogo wurogo welagaikharek mene andoma re An nen nendawimo nagaiyek anggikhi lagi mondok lego. It inawi kota hokho mene andoma inom, yi mene ti mene o kota welagarek mene andoma inom mondogat he it inaselei mene inenggiba fagain o,” iluk ikhe.

HOSEA 9:9

Hiren hinobarogo mondok hokho mene fikhi lagep mene andoma re, afuni o Gibea mene nen hilingiti lagaukwa hakhogo hilingiti lagebo, ma re hit kwanirogo hilingiti lagep mene andoma Allah nen ebethambik he, hinaweak oba unggum wokhisagain.

HOSEA 8:13

Iren An noba wam warogo wo'netu aplere mondok inagaiyek. Nen wam a'nogo eino palek he it nili'lagwi, oba nen An Tuhan nen he iren a'nogo warogo fei weri'lagwi mene andoma re mondogat nabit. Yogondak he An nen it inaweak hilingiri'lagwi mene andoma eberek logolik he it inaweak onggo unggum inoba fagain o, An nen it inebe inambotkwe sugulogo o Mesir lakfisagain.

HOSEA 7:2

Iren ina'mageba hilingiri'lagwi mene andoma faget An nen eberisagain mene a'nogo inendawimo eberi'lagwi lek. Oba nen he it inaweagen sebelinafunem An nen weinamat isikhi lagi.”

MAZMUR 10:11

Iren anggikhi logolik he, ”Allah re mondogat onggot were'ma re fut ninobagali'lago lek, hobuk andoma ogore Aren ekhe nisagain legat!” iluk anggikhi logolik hilingitarek.

YEREMIA 31:34

It inebe mondogaren inalue mene inom, yenggerugwi mene inom An nebe mondogat inelu andi nen he, afuni ekhe nen it ekhe inoba An ineisena Tuhan nebe inelu asuageluk yagaisikhi logogun mondok lego. Iren mondok kwanirogo hilingiti lagaukwa mene andoma An nen sagalogo legetfisambik he, it inaweak andoma oba ekhe ebesigin mondok lego. Iluk An Tuhan nen nane mondogat igi o,” ikhe.

YEREMIA 17:1

Tuhan nen ikhi logolik, ”Hinunggulenu Yehuda mene yi sani, hit hinaweak he hinonggwarek hinendawinggenma lisu palek werek, nen mezbah unggutmo ambisang morokse'ma andoma re lisu enggat wurikweak mene helebenggen pilibuk hangge enu intan mondok werelek meneba palek werek.

YESAYA 43:25

A'nogo hilingiti lagep meneat he, An Allah nobabut he, hiren weak hilingiti lagep mene andoma sagalogo leget hinobagambik, hobuk nendawimo ebethikhi logogin mondok lego.

MAZMUR 47:4

Aren he yi afuni ti afuni inunggulenu lombok omanogo nit ninenggiba logouwageluk wo'nisigik, nit ninomame a'ma logouwageluk hilingninobagagik, ikherek.

MAZMUR 68:34

At ebe o endamat andoma pogot soganogo lagasikhe agun andi obaget hilingiti logoni, Tuhan ane ili'lago mene andi holini! Ane re wesa polanhogo suptolang eri'lago andi.

KELUARAN 17:16

A'nogo salhikhesik, ekhe mel isikhe: ”Nineisena Tuhan nen afuni Amelek mene inom weim yafu mondok logogin iluk, at amboksu bendera andi ponggweat liakfuluk fisogo logoni o,” iluk isikhe.

YEREMIA 44:21

”O kota Yehuda bene inom, Yerusalem kwe bene inom, it inombawi nen ogo, inogogwi raja nen ogo, hit hinombawi yabu legoma hilingitarek mene nen ogo, afuni o yoma mene nen ogo, hiren ogo, yi mene ti mene kembu obaget fuluk, wogeti lagep mene omanogo re, Tuhan he onggot logolik eberek werek lek iluk ikhi lageba?

AMOS 4:2

An hineisena Tuhan Lego Mondok welagirek mene andi re Tuhan horek mene, nen An nonggwarek nenu hombuk palogo wene yi'nogo wathisasigi: Hobuk hit hinebe heleba kelogo wokhinarek lagik, fena ekhe logogun mene mondogat he ikan hamborogo watarek mene mata kail hanggeba salukhogo wokhinarek lagik, ugun o.

AYUB 24:23

We Tuhan nen he at ebe fano logouwageluk herak fisugunem werek, oba nen he, Aren oboget higi'lek kagalek mondok werek.

MAZMUR 47:5

Nit Yakub en tagongge mene re, Aren nit ninebe endawit ninafesik, nit ninanggweang eise a'luk logouwagaluk he, wenagaisogo wo'nisasikhemo ninalonghogo welagorek andi o.

YESAYA 22:14

Tuhan Lego Mondok logolik Omame Mondok Hokho mene a'nogo nen an nelokhoma weinam agasik ane yi'nogo ikhe, ”Eberogo nen iren weak hilingiri'lagwi mene andi re An nen sagalogo leget fisigi'lek werek kwelek enek he it inebe wa'lasugun, iluk An Tuhan nen nane mondogat igi o” iluk yaganete.