AMOS 8:10 - Allah Wene Fano Wene Hupla Inane

¹⁰ An nen hit hinebe misi'mo andoget fuluk, pesta hilingiti lagep mene andi afuni ware'ma fong watarek andi hak wasubagaik iluk hilinghinafik, wuni wati lagep mene andi le asubagaigen iluk hilinghinafik, hinendawimo weak a'luk welagep mene andi enegat asuagaluk hilinghinafik, hinesi hogologo palubagaigeluk hilinghinafik, hinasu karung mene labesubagaigeluk hilinghinafik, igin o. A'nogo hilinghinabumo, hit hinebe ap ekhe agwe emberek omalik manggusa takhogoin mene wa'lagunem le agaikharek andi hak le hokhorogo asugun o. Andi sambul fano mene ekhe higi'lek weak mondok hikhi logogun,” iluk ikhe.

AMOS 8:10 Referans Kwoze

YEREMIA 6:26

A'nogo hilinglaga andi nen, At Tuhan nen againafuri faget mel ikhe: ”Hit hinaselei mene nen hinoasugun mene andi re, hit hinobakhe palek were'ma hinoasi wesugun andi nen he, hinasu karung su laberogo wulkwe limbik lambak laga logolik, inagainafuri manggusa mene wa'lagunem, fong watu logolik le mondok weakhogo agaikharek andi hak, li le aga logoino o,” iluk ikhe.

ZAKHARIA 12:10

Andi nen it Daud ambisangma mene inom, afuni Yerusalem mene inom inoba An nen it inendawinggen hundik welagaikharek mene inom, samban ugu welagaikharek mene inom hilingisogo fisagain. Iren he, at talogo warek logogin mene a'nogo ineilenggen yerogo logolik, afuni inomalik manggusa tago wa'lagunem le agu welagaikharek hak hilingiti logogun, nen, ap inomalik misigenek engge legagunem inendawimo mondok heiselogo le agu welagaikharek hak hilingisugun.

YEHEZKIEL 7:18

Iren inasu karung mene pelagi su pugesimbik, it inebe mondogat leik-leigengge hilingiti logogun. It inesi re inunggulagap enek hogol fuluk logolik inenggali hikhi logogun.

YEREMIA 48:37

It inebe mondogat he inesi hogolhik, inomboro felelengetik, inenggi palhik, inendawinggen warikhi logolik su karung mene labetik ili'lagwi.

AYUB 20:23

At alabutmo kwalikherek mene faget aseng-seng paseng-senghogo hilingitu sambul aremnogo re, At Allah nen anini at oba fikhesik he unggum wogete.

HOSEA 2:11

Aren, afuni Yahudi mene nen hilingitarek higithogo hilingiti logolik, tahun misigat wela'luk pesta seni isago ninggik, tugi ket mene folelhunem pesta hilingitik, enggi sabit oba An faget weat welagik, ikherek mene andi re, mondogat An nen legetfagain o.

NAHUM 1:10

Hat Niniwe yi re, hat he engga iringik mene inom, alok-alogengge solu-salarogo hilingik mene inom endumo nolharek andi hak nolhabugun.

AMOS 8:3

O andi sambul he, wuni o hun raja awi silimo andoma nen ugu mene re agamhogo le wuni nek ikhi logogun. Ekhema-ekhema andoma ap warek enek kabok ugunem, inane le'legat hambokhogo hugisa wilifi logogun,” ikhe isikhe.

AMOS 5:23

Hiren wuni anggilukweak wati lagep mene andi An nelokhoma nen herakfeni o. Nen, gitar wati lagep mene andi, hobuk watunem ane nesanggo holigin nabiro.

AYUB 3:5

O andi sambul haren he, mondok te'met figik, mumet figik, henanggulok sebelogo weaget figik ino o. Mo yasinogoluk ohena nen sebelek mondok logouwak.

ULANGAN 16:14

A'nogo kabogeti logolik, hit hinagainafuri inom, hinamingmingengge inom, afuni Lewi mene inom, ap pok mene inom, yenggerugwi suarek mene inom, hemi sogwe mene hit hinawi kota ba werek mene inom, seberogo hinagaiyegeti logogun.

KEJADIAN 21:16

eak fesikheba aremnogo nen endep taganhogo huli 100 meter hangge lagaikhesik hurek logolik, endawimo nen he, mel anggasikhe: ”An neak neilhanem en wa'lagunem he, nendawinggen sebeligin mondok elo'lek asinogo o, neisena,” iluk ane elagaik aneba le agaikhe.

IMAMAT 13:40

Ap mene misik ekhe unggulasili ambot fikhit ogo, elokhe fikhit ogo waganek halok he, unggulasili waganek andi faget emerek u fuk.

YESAYA 3:24

Yogondak he, iren amben-amben engge yuguli'lagwi, nen hobuk he it inamben weak mene sang igin. It yogondak inalinggin eil sakhorek meneba puksek oba nen hobuk helep tambang hak mene hinggi weak meneba pugeti logogun. It inunggulmo inesi fanorogo wulibik mene andoma re herogo lamo inunggul oak enek asigin. It inasu fano mene andoma hobuk su mondok pulal mene labeti logogun. Yogondak he it ineil alili fanorek oba nen hobuk he it inebeba enegenggerogo cap taget fisugunem he inebeba mondogat nonghongsek mene hilinglasugun.

YEREMIA 2:19

Hat hobabut mondok weak hilingiti lagen andi nenat, wene hoba fakhegen o. An heisena Tuhan Allah hambotma nobagegen andi nen, yi enggin ti enggin hoba fakhegen o. An nebe hambotma fanhendik An hailorogo hilingnafi lagen lek andiba re mondok wiik-weakhogo fakhegen andi hegen. An heisena Tuhan Allah nen nane arat igi o. An he Tuhan Allah Lego Mondok logolik Nomame Mondok Hokho mene a'nogo aro,” iluk ikhe.

RATAPAN 5:15

Wuni o silimo watarek awuni omanogo agamhogo le wuni hilingfugunem he, nit ninagaiyek werek mene a'nogo mondogat longgo ikhe.

YEHEZKIEL 7:2

”Afuni wa'lagaikharek mene yi re, An Tuhan Lego Mondok welagirek mene a'nogo nen, o kweang Israel mene yiba hilingfagain mene re yi'nogo yi o. O yiba mondogat elugun warogo yi'nogo hilinglasigin,” ikhe.

YOEL 1:8

Andi nen he, hele tugum mene nen agun helagain iluk endawinggen hundik logolik wenago mene wa'lagunem endawimo weak a'luk, le yagaisogo werek hak, le aga logoni o.

AMOS 5:21

Nineisena Tuhan nen mel ikhe: ”Hiren, Allah faget hilingiti lago iluk, andoget fuluk pesta hilingiti lagep mene andi nabit hisaluk he, hebak nafe ari'lago o.

AYUB 30:31

Attak he pinggong inagaiyek oba watunem holhi lagagi, mene re yogondak he we le agik, fong watik hilingitu mene nek hilingi'mo holhi lagi.

HOSEA 2:13

Aren An noba onggorasimbik, ninhup-nanhup amben fano mene tugwi kembu Baal andi faget enek noletik, alilingge fano mene waganogo ap inom nikharek mene andi heraginabi lagik, ikherek andi nen he, An nen wene at oba fagain o, iluk An Tuhan nen nane arat igi,” iluk ikhe.