AMOS 7:1 - Allah Wene Fano Wene Hupla Inane

¹ An nabikanggoba Tuhan Lego Mondok welagarek mene a'nogo nen yaganetunem hasigi mene re yi. An neilenggen hugunemen he afuni nen engga it afuni Israel mene inoe raja faget paletasik oba nen, engga hobuk ambotkwe lagagu kwelek andem oba, At Allah nen pulue yonggo palek esa logalek mondok hokho-pokhorogo elalogo fugunem yethigi.

AMOS 7:1 Referans Kwoze

YOEL 1:4

Pulue esa inenggi wenasu mondok elo'lek mene yonggo palek logalfuluk yabukwe yi mene ti mene yago meneba labogilik laluk, nilik laga-laga andi. It pulue esa attak mene andi nen ando fugu mene re, pulue esa logalek ekhe hobuk waga logolik ninggik, it andi nen ando fugu mene re hobuk ekhe waga logolik ninggik, hilingirik-hilingirik mondok felelenghogo nengga andi.

AMOS 8:1

Tuhan Lego Mondok welagarek mene a'nogo nen nabikanggoba ekhe inuk niikhi logolik, mul ugu misik meneba re enggen taganegengge omanogo mondok yugulik mene nek kwalegengge were'ma higi.

AMOS 4:9

An nen he, sogoi aganhan mene hinoba funhogo lakfei wagik, ou ero weak mene afuni inoba lakfei wesu hak, yabukwe yi mene ti mene yago mene inom, anggur yabumo inom, weaget fouwageluk lakfei wagik, igi aro. Nen, hit hinagayo ara inom, zaitun inom yago mene re, pulue nen felelenghogo ninggeat, meneat he, hit hinebe An noba hinambotkwe wesu hinabirat welageb andi, iluk An hineisena Tuhan nenat igi o.

YOEL 2:25

An nen it pulue esa hokhorogo andi inayonggo figirik lakfisa wagimo re, iren yi tahun ti tahun hinangge yi mene ti mene yago mene enggen weaget faga mene andi, obali'mo wokhisamo fano ninggi logogun o.

ZAKHARIA 1:20

A'nogo yaganetesik Tuhan nen ap inebe enggaminogo mene posiemanggen elalharek mene wagunem inuk niikhe.

AMOS 7:7

Tuhan nen a'nogo yaganetesik, amu mene ekhe hilingitunem nabikanggoba yethigiat. Neilenggen a'nogo yethigi re, at ebe leget pa'leget hele helebenggen oba kelogo higithogo wurik mene era'lu mendek welaga. Mendek logolik, at enggimo yo lalek ilirenggetu mene a'nogo senek logolik he, leget pa'leget higithogo waganega? Lega? Iluk ilirenggetunem yethigi.

AMOS 7:4

Hobuk an nabikanggoba re At Tuhan Lego Mondok welagarek mene a'nogo nen yi'nogo inuk niikhe. Aren he againafuri endu oba unggum inoba feigiluk mondogat fik-foukhogo hilingfikhesik were'ma higi. Endu andi nen he kweang a'ma i yenggele'ma ma'lima amulok yelang melang ninggi logolik he, kweang elema inom, yabukwe inom mondogat endu nen nunggunem yethigi.

YEHEZKIEL 11:25

A'nogo longgo ikhemo re an nen it ap hele warogo huginabi lagaukwa mene omanogo inoba tindelhi logolik, Tuhan nen inuk niikhe mene aremnogo mondogat tindelogo yagaisigi.

YEREMIA 24:1

Linggene ekhe sambul at Yoyakhin hun Yoyakim amlogo afuni Yehuda mene inobaget inoe raja welagaikhe mene a'nogo inom, ap pemerintah Yehuda mene inobaget yabu legoma hilingitarek inap omanogo inom, yi mene ti mene elalharek inelu inap omanogo inom, yabu hilingitu inelu inap omanogo inom he, raja Babel mene Nebukadnezar a'nogo nen o Yerusalem en hele warogo o Babel woginarek lagaukwasik were'ma nen, Tuhan nen inabikanggo wokhagarek hak ekhe weinamet fikhe. Weinamet fikhemo hugunemen he si ugu pire meneba re e ara enggen kwalogo o Tuhan awi wuri'mo elokhoma omanogo were'ma higi.

YESAYA 33:4

It he pulue esa logalek mene nen hilingiterek higit it were'ma monhaluk kuluk inangge telikhi logogun o.

MALEAKHI 3:11

An nen, hit hinangge kweangma nen enggen iti logogin mene re eluk-elugengge nen paluageluk herakfisikhi logogin lego. Hit hinagayo anggur enggen he mondok hokho-pokhorogo ugu logogin.