Hit afuni Israel mene nen he An noba hinendawinggen tiphogo logolik hilingiti lagep lek! Oba nen it Yehuda mene andi re hiren hilingiti lagep andem hakhogo hilingiti logoinogo. Hiren o Gilgal iluk ogo nen o Betel iluk ogo wene kabogesugun iluk ekhe hilingisu fuk. O andoma nen Tuhan Eluk Mondok welagarek agun a'nogo enuba hombuk palu fugat.
AMOS 5:5 - Allah Wene Fano Wene Hupla Inane5 Hit an faget hilingisuogoluk, o Bersyeba lagubo. Nen, afuni o Betel mene inebe lek asugun andi nen he, An hera'nabik, andoma la fugo. Nen, afuni o Gilgal mene inebe hele warogo woginarek logoin andi nen he, o Gilgal lagubaro,” iluk ikhe. Gade chapit la |
AMOS 5:5
34 Referans Kwoze
Tuhan Lego Mondok welagarek mene a'nogo nen ikhi logolik: ”Hit afuni Israel mene yi sani! Hiren o Betel tugwi kembu faget hilingiti lagep oba andoma An nane sagalogo weak hilingira lani o. O Gilgal andoma lambik weak hokhorogo hilingira lani. Laluk he, wam tugwi kembu faget warogo hundik-handik ohealek huberat siakhogo noletik, yi mene ti mene awi yatu mene ebe tatik, palhik, ugu mene hinenggi wenagaisogo 10 nen asi lagunem, 9 hit aga logolik misik 10 mene andi re tugwi kembu faget fisaluk, hinenggi pire wela'luk ekheba re wogosi lagik, ikhi logoino o.
Tuhan nen ikhi logolik, hat hagwe re yanani hilingirik nugu mene hilinglasimbik, o kota kwe andoma yugunat hilingirik nikhi logogin. Nen, hat hagainafuri re inebe weim oba nen enek inoasugun. Hat hanggweang he ap amu mene inoba sumburisogoin, nen hat hebe re o kweang afuni Tuhan inonggot mene were'ma andoma nen wa'lasigin o. It Israel mene re inawi eroma nen yatma andoma woginapluk lakfisa logoin o,” iluk wenagetikhe.
O Betel punuba kembu awi wuri'mo afuni Israel mene nen fogerari'lagwi kwe andoma mondogat wolelenggen isogoin. Iren mezbah wurik mene ebene andoma re engga inom alok-alogengge inom wulibigin. A'nogo wulifunem iren inane tom andomaba kweti logolik, ”Nit salninabime o,” igik, nen punu-punukwe andomaba woleti logolik he, ”Nit sebelninabime o,” igik, ikhi logogun.
Tuhan nen ikhi logolik, ”Iren weak mondok hokhorogo hilingiri'lagwi mene andoma re, o Gilgal en eroratukwa. A'nogo hilingitukwa andem huli nen An nen it inoba nabit anggugu mene a'nogo eroratigi. Nen, iren ina'mageba hilingitarek mene andi nen An nen o An nanggweang oba yoma nen mugisogo wulaginabigin, An nen it inoba nendawi hundik hilinginabigin lek; it inogogwi ferinarek mene andoma mondogaren he, An nane oak sagalogo mondok hilingiri'lagwi.
Endawimo a'nogo anggasikhesik he, tugwi kembu sapi alik hilingisogo pire ebe emas mene tugwi wutarek andi hak wutikhesik he, afuni mel yagaisasikhe: ”Hit afuni hinunggulenu Israel mene yi sani. Hit Allah faget hilingisuogoluk, o attagenat o Yerusalem lagu mondok welagebo. Andi nen he, hit mene hineisena o Mesir en wokhinarek wulibi wagaikhe mene a'nogo ebe yi o,” iluk yagaisasikhe.
An nen afuni Israel mene inobabut weak mondok hilingiri'lagwi andi nen wene inoba fikhi logolik, o Betel en wam, yi mene ti mene tugwi kembu faget warogo noletarek mene andi ebe mondok legetfisikhi logolik, unggut fena-fena andimuk hilingik mene andoma ambisang somborisilik lamo re sinukhogo kweangma lobak ilik lagain o.
A'nogo isikhemo, ap Amazia o Betel oba andoma imam welagaikhe agun a'nogo nen ap ekhe inayonggo fesikhesik wene afuni Israel mene inoe raja Yerobeam yagasi loageluk mel isikhe: ”Noe. Ap Amos nen he afuni Israel mene inom inane lambulhasik, neisena hat weaget habi wesuogeluk inane arat agama o. Nen, at aneba afuni inendawimo kagali'lago mene andomaba nen he o kweang nit welago mene yiba weaget lasigin o.
A'nogo hilingitikhesik, ap o andoma inandugwi eisewerek mene o Yehuda kota ekhema-ekhema welagaukwa mene o Yerusalem wesuageluk wolisasikhemo wagaukwama re, at Yosia nen, o Yehuda andoma yi awi ti awi mondogat it ap andi nen wam, yi mene ti mene warogo tugwi kembu faget noleti lagaukwa kwe mondogat weagerogo serametfilik lagaikhe. A'nogo hilingitikhesik, aren it ap andi yagaisikhi logolik, ”Hiren o nineisena Tuhan awi wuri'mo yoma, at faget hobuk hilingiti logogun mondok lego. A'nogo meneat he, sumburu roti enggen fisuageluk pelafarek mene andi pelafi'legengge, we, werago mene hit hinagaila'lak faget weragaisogo fisogoin mene andi nek he, hit hinom elok ninggi logogun o,” iluk yagaisasikhe. Nen, ap Yosua o kota andi inoe kain logolik anggwe kwikhi lagaikhe kwe re o kota leget pa'leget hokho mene ambe palekwe nen o kota kwi laga lagaukwaba abel harekwe fikhit andoma endep mene ekhe folelek welagaikhe. Andoma horokhogo, wam, yi mene ti mene tugwi kembu faget fisaluk noleti logogun kwe obuluk welagaikhe mene at Yosia nen meisalogo lakfisasikheat.
O Damsyik kwe ambe palek hokho mene andoma An nen mondogat weaget fisigik, afuni o Awen tonggoma welagaikharek mene andoma, inebe werek oba andoma nen felelenghogo mugusogo wulakfisigik, igin o. At Bet-Eden along welagarek agun andi re at ebe hurek welagarek oba nen An nen pelabi wagik, nen afuni o Siria welagaikharek mene hele warogo woginarek o Kir kweang oba andoma loageluk hilinginafik, igin o,” ikhe isikhe.
Ap Ishak en tagomangge mene nen tugwi kembu obaget hilingitarek kwe andoma re hobuk wolelenggenhogo potfisigik, afuni Israel mene nen, mondok wesama iluk agarek kwe andoma re meisalogo potfisigik, igin o. Nen, at raja Yerobeam en tagomangge mene inebe mondok leget fisigik igiluk karok nenggim wanhik, igin aro,” iluk yaganete.
Piblisite