Tuhan nen he an nendawimo heiselhi lagi mene a'nogo At againafuri inoba yagaisikhi logolik an nen yi'nogo yagaisoageluk ikhe, ”An nunggulenu mene omanogo inebene inoumo agambut asu lek hak mene silibuthugu mondok were'ma, it inoba ou-pou ugunem he, An he palfigi'lek li le agu mondok logogin, lingge hundik hup hundik neil amusu pugu mondok logouwak.
AMOS 5:2 - Allah Wene Fano Wene Hupla Inane2 Israel he at ebe tugum oba nenat pile pikhemo re, hobuk ekhe inom menlasigin lek! At onggwarek anggweangma andoma herak fisamo re, it ekhe nen iluk ogo senegeisogo menfogoin lego. Gade chapit la |
AMOS 5:2
27 Referans Kwoze
Nineisena Tuhan nen a'nogo isikhesik ekhe mel ikhe: ”Nenggi ekhe horok asi wesigin meneba re, An nen Daud lego welagaikheba obali'mo kerajaan a'nogo legeisogo fagain. Yogondak kerajaan andi re o meisalogo pikherek hakhogo hilinglagama werek. Oba nen he, o hobat andoma An nen obalikwe pugunesimbik nekhengge wusumo re, o andi obabut he attak welagaikhe hagat hilingik logogin.
O Yerusalem, kota Sion nendawi hundik mene yi, hat hebe wolelenggenhogo hilinglagen mene andi re i laut yenggelek esanggo mondok wurilik welagarek andi hak agen o. Hat hendawimo konogo iluk An nen ninggi'nogo yagahesu hak anggegen? Hat enggin hikhi lagen ari hak mene enggin a'nogo haga mene ekhe werek le'ma, hat hilingik welagen mene andi eberogo nen he ap ekhe nen halogo hobagaumo re elo'lego.
Hiren he e palek misik faget nineisena igik, nen helep misik faget ninagaisa igik, ikhi logolik fogerati lagep enggere hinenggali asugun. Hit he An noba waga lagep he lek, athe An ninom eil napluk laga lagep, oba nen he enggin-fenggin hinoba asi wagunem enek he, An nen telhinabuagaluk nayonggo fikhi lagep andi.
A'nogo yatikhesik he, ap tentara inogogwi inom, inagoromi inom, weim yabuagaluk yagaisasikhemo, kuda nen lisogo waluk lagarek mene enu kereta oba lagasukwasik wagaukwa meneat he, inebe arat inoatikhemo hobuk ineluk asugun mondok lek. It inebe esage amulok lagaikherek mene nagulagarek andi hak wa'lagaukwa.
Kweang pogola hangge abuk-abuk waganek engge ari re ap i naluk lugu-lugwi palhi logolik talo-talongge hilingitarek hak hilingisigin, nen o sabu sale'ma sogoi sielu waga logolik langfang hikherek hak hilingisigin. Kweang ari re afuni inaweak enggin nen sunukhogo pigin. At mondogat wolelenggen tagalogo hilinglasumo re hobuk ambotkwe fano asigin lek.
At Pekah ebe raja logolik melalinafi lagaikheba re raja Asyur mene hun Tiglat-Pileser a'nogo nen he o kota Iyon inom, Abel-Bet-Maakha inom, Yanoah inom, Kedes inom, Hazor inom, o Gilead kwe andoma inom, it afuni Naftali mene inaiba andoma inom, telhikhe. Telhikhesik he afuni hele warogo woginarek he o Asyur lagaikhe.
Piblisite