AMOS 4:12 - Allah Wene Fano Wene Hupla Inane

¹² A'nogo hilingiti lagep andi nen, hit afuni Israel mene yi. An nen wene hinoba fagain o. Ma re, An nen wene hinoba fei wesigin mene andi helobagaigen he, hit hinebe fik-foukhogo logoni o,” iluk ikhe isikhe.

AMOS 4:12 Referans Kwoze

YEHEZKIEL 13:5

Iren inawi inebe welagaikharekwe leget pa'leget waganek mene langgukhigik laga mene omanogo kagalek welagi'lek, nen leget pak mene omanogo obali'mo pugunhogo wokhigi'legat hilingiri'lagwi. Andiba re linggene An Tuhan nen it inoba unggum fei wesimbik weim liabigin sambul andi re it Israel mene hambuget haluk logou re elo'lek asigin.

YESAYA 47:3

A'nogo wilibilambik, hasu fanorogo halhigi'lek hagap henggalimongge weinam-weinam nugunem afuni nen ineilenggen healuk he, inali'norogo henggali warogo hilinghobagakhi logogun o. An nen hat hoba na'mage fikhi lagi mene a'nogore a'nogo hilingisigin andi, ap misik iluk ogo ekhe An nen agap teligin lego,” ikhe isikhe.

MATIUS 24:44

Andi hak he, hit hinendawimo nen he, ”At ti sambul wesigin, iluk anggigi'lek hinonggorat werek kwelek, an abat ta'lasi wagagi a'nogo re, arat wesigin andi nen he, hinebe hebelogo logoino,” iluk yagaisasikhe.

MATIUS 5:25

Nen, ap ekhe hemberek weak mene nen hat wokharek ap wene ero pilingitare'ma lagunem he, it ap andoma nen hobuk wokharek polisi inoba lagunem he, it polisi lagen hobuk wokharek he, inenggi hele warogo fisagarek oba lanogo iluk, hemberek weak mene andi re, ebekwe oan laga logolik andemat wene sebelogo legetfeino o.

HOSEA 13:8

An nen he, no beruang eak longgot fuluk hilingiterek hak herogo hinoba sagali imbik, hinebe libik-labakhogo hinoatik, singa nen hilingiterek hak hit hinebe welagep oba andoma nen senggelhinafik, nen olomene aik anini mene nen hilingiterek hak hinebe senggel fogathogo hilinghinabigin o.

YEHEZKIEL 22:30

It ap Israel mene inanggele'ma nen ap leget pa'leget wanu higit mene inom, nen An nanini hanghogo leget pak waganek mene wolelenggen isagain iluk hilingitunem, o kweang andi ili waganogo leget pak mene meisalekwe omanogo mendek werek mene inom, ekhe werek hea iluk An nen herati lagiba nen nelokhoma ekhe ari'lago lek.

WAHYU 3:3

Hit a'nogo siakhogo menla'luk hinomame agi'lek halok he, afuni yogot wanuogeluk hinagaisogo wagaikharek andi hak, an a'nogoat, hiren, At yi sambul wesigin iluk, hinonggotma wesinogo iluk he, wene omanggum yagahisasukwama hinesanggo holhigip mene hinendawimo ebetfuluk he, weak hilingiti lagep mene fakhogo herakfisaluk hinobabut hebelasimbik, wene andiat hinenggi ninghogo fisogo logoino o.

AMOS 2:14

A'nogo hilinghinafunem, hit ekhe hineisok werek mene re weak-weak siakhogo wulibugun mondok lego. Nen, hit afuni ekhe hinomame hokho mene ogore hinomame legagik, nen ap inobabut hibilik-hebelek mene ogore inonggwaregen inebe teligik, ugun mondok legaro.

YESAYA 32:11

Huli yiba re hit hineluk fanorogo welagik, enggin mene mondogat le'ma hit we selekhogo welagik ikhi lagep. Oba nen yogondak yare hinailo nen hinoak legeti logoni! Hinasu nonggologo herakfuluk, kain karung mene pelagi su laberogo inobakheba pukhogo logoni.

YESAYA 64:2

Endu e nolfugunem amulok lagagik i isa'la'luk abolok igik ikherek andi hak hilingfein o. A'nogo hilingitunem Hat homame hokho mene andi haselei mene ineilenggen heambik hebe inelu asuagaluk hilinginabin o. Ariginhunem he afuni inunggulenu lombok Hat helokhoma nen inoak elekwe abolok igin.

YEREMIA 5:22

An nebere Tuhan, nenahalok hiren An noba hinailo welagep lek nogo? Eberogo nenat he hiren An nobaget hinoak leigeti logou meneba nen o! An nenat i laut huli warek logouwageluk kar waganogo mondok-mondok faget hilingisogo fesigi. I laut agum founalhik, esinggen lenggalhik, hilingiterek oba nen he huli warek mene andi taganhogo lagaikherek mondok lek.