AMOS 3:2 - Allah Wene Fano Wene Hupla Inane

² ”O kweangma yoma yi afuni ti afuni hokhorogo werek kwelek meneat he, hirenek he An nagainafuri Nonggwaregen wenagaisogo fakhasigi mene hilingi'mo re, hinobabut weak mondok hokhorogo hilingiti lagep andi onggo re hit hinoba eberogo nenat An nen wene hinoba engginhogo fagain o,” iluk ikhe isikhe.

AMOS 3:2 Referans Kwoze

ULANGAN 7:6

Hit hinebe Tuhan Allah againafuri esin mene hilinglasubagaigeluk, yi afuni ti afuni kweangma welagaikharek mene mondogat inunggulenu lombok inanggele'ma nen kigilogo wenagaisogo hinobagasikhesik hinayonggo fesikhemo hinebe eise At Tuhan Allah onggwaregat andi nen he, mondogat a'nogo hilingirik lano o.

1 PETRUS 4:17

Allah nen ninanema waganogo wene ninoba figik, kotik, igin andi arat horogat asi waga. A'nogo hilingiti logolik he, nit Allah againafuri mene tak ninanema waganogo wene ninoba figik, kotik, igin halok, hobuk it afuni ekhe Allah ane fano wene wanhi'lek mene ninggi'nogo hilinginabigin anggegep.

ULANGAN 10:15

A'nogo meneat he, nineisena Tuhan nen nit ninombalak endawirinafikhe andi nek he, mondok hokho aro. A'nogo endawirinafikhe andi nen, afuni ninunggulenu nit mene it inunggulenu lombok hokhoat ekhe inanggele'ma nen kigilogo wena'ninafikhemo yogondak ninebe At againafuri wena'ninafikhe mene mondok welago andi.

ROMA 2:9

At Allah re, afuni inagap oba nek eilenggen isaluk, ekhe elokhoma fisigik, ekhe ambotma fisigik, ikherek lek andi nen he, it afuni ekhe inobabut weak hilingitu mondok welagaikharek mene inebe lombok he, heinet warogo yi enggin ti enggin hoageluk hilinginabigin. Meneat he, it afuni ekhe inobabut fano hilingitu welagaikharek mene, inebe lombok he, inebe fogerinafarek mene inom, agaugwerinafarek mene inom, inendawinggen hambukhogo welagaikharek mene inom, wogisagain. A'nogo hilinginabigin andi re, attak it afuni Yahudi mene, hobuk it afuni Yunani mene inunggulenu lombok ekhe inomat, higithogo nek hilinginabigin o.

DANIEL 9:12

Haren he, nit ninogogwi fetninarek welagaikharek mene omanogo ninom yaganisikhi logolik, Afuni o kweangma yi awi ti awi welagaikharek mene andoma mondogat wene weak mene inoba figi'lek enggere, hit afuni o kota Yerusalem mene nek he wene enggin mene hinoba fagain o, iluk isigin higithogoat hilingninafen o, neisena.

YEHEZKIEL 9:6

Hiren he, ap inom, hemi inom, inaluendek inom, yenggerugwi inom, souge mene inom, yaman mene inom mondogat inoa'no. Oba nen he, it afuni inelhaba enek engge hilingik mene andoma misik iluk ogo ekhe inagap senisa fuk. Ero An Nawi wuri'mo yoma nen tak erora'ni,” iluk yagaisikhemo, it ineabu a'nogo eroratasik he ap Israel mene inogogwi melalinafarek mene o Tuhan Awi wuri'mo welagaikha mene aremnogo tak inoatunem isigi.

YEREMIA 14:10

It inunggulenu andi faget Tuhan nen ikhi logolik, ”An he ap An noba nen heise longgo agarek mene inom, inonggwaregen inebe halfakhagarek lek mene andoma inom inoba re nabit welagi o. An nen it inaweak nonggorasigin lek, nen iren weak hilingiri'lagwi andiba re An nen unggum wogisagain o,” ikhe.

YEREMIA 13:21

Hiren ap hinagaila'lak mene inoba hak hilinginafi lagep mene omanogo nen he hit inomame leget hinobagaluk hit hinebe it inawe a'ma hinobagagunem he ninggi'nogo egep ha? Eberogo nen hit he hemi omalik taginafi logolik ou hagarek andem hakhogo hogoin o.

YEREMIA 11:22

Andiba re nineisena Tuhan yi'nogo ti'nogo hilingisu higit enek mene a'nogo nen ikhi logolik, ”An nen it inoba unggum wogisagain o! Ap souge it mene re weim elema nen wa'lasugun, nen it inagainafuri yenggerugwi mene re sumburu nele nen wa'lasugun.

YEREMIA 10:25

It andi nen he Hat hagainafuri mene omanogo mondogat leget fisagasik nit ninawi omanogo wolelenggenhogo lakfisaga hilingi'mo re, Hat ha'mage lagali'lago mene andi re it afuni Hat hobaget fageri'lagwi lek mene andi inoba inom, nen iren Hat hobaget hilingiri'lagwi lek mene andi inoba inom, kweisal fein o.

YEREMIA 9:25

Yethani! Afuni weagerinabigin oba arat horogasi waga o. Tuhan nen ikhi logolik, ”Yi afuni ti afuni mondogat inagap inenggalimo mene palek lek mene inom, nen afuni Israel mene inagap inenggalimo mene palu hak inendawinggen oba nen eberogo anggili'lagwi lek mene inom inebe mondogat wene inoba fagain oba arat asi waga andi nen he:

YEREMIA 1:15

An nen he it inunggulenu utara fikhit werek mene inebe mondogaren o Yerusalem sebeli kwi wesuageluk yagaisagain. A'nogo yagaisamo re o kota yiba leget pa'leget maserogo waganek mene inom, kwe sou ambe hokho mene palek mene inom, nen o Yehudaba kota andoma mondogat inom he, iren telogoin.

YESAYA 63:19

Nit ninebe hat henggiba fetninarek welagi'lek meneh hangge hilingninafik, afuni nen, Hat henu uluk, ”It inebere At againafuri o,” iluk agarek lek mene hangge hilingninafik ikhi lagen o,” iluk yagatukwa.

MAZMUR 147:19

Aren awene melalek menfikhe mene omanogore at Yakub yagatikhe, nen wene yi'nogo hilingiti logoino ti'nogo hilingiti logoino iluk werek mene omanogo re, againafuri Israel mene onggwaregen wenago mene omanogo inoba yagaisasikhe.

ULANGAN 26:18

O yogondak yibaat, nineisena Tuhan nen, Hit hinebe yi'nogo hilinghinabigin, iluk wene wathisasikhe hak, hinebe at onggwarek againafuri mene asuagaluk wokhinafe o. A'nogo wokhinafesik, yi'nogo yagahisili'lago: An nen, Yi'nogo hilingiti logoino, ti'nogo hilingiti logoino, iluk komo weneba yagahisigi mene andi, mondogat hilingiti logoino, iluk yagahisikhe.

KEJADIAN 10:32

It mondogat andi re at Nuh nen taginafikhemo ambisangmangge mene nen it inunggulenu lombok, inombawi lombok, ta'larik wagaukwa mene nen i fu wagaikhe huli a'nogo afuni yi inunggulenu ti inunggulenu ta'larik wagaukwa mene kweangma wialagaukwasik welagaikharek andi.

KISAH PARA RASUL 17:26

At Allah nenat, yi afuni ti afuni o inawi lombok logouwageluk, o hulithigik, Tahun yiba logombik, tiba lek asuak, iluk hulithigik, endawimo tak anggasikhesigen, yi afuni ti afuni inunggulenu lombok mondogat wialarik loageluk, eroba re, ap misigat ekhe elalhikhe.

NAHUM 3:4

Niniwe pailak enek hilingiri'lago mene a'nogo re wene oba fugu werek. At elokhe re mondok fano eil alili pugunsek logolik afuni inendawinggen wanherek. A'nogo hilingiterek andi nen he, aren ap inunggulenu hokhorogo omanogo weagerinafik, ane amusu tepsek oba inendawinggen wanhik, ikherek andi.

HOSEA 9:9

Hiren hinobarogo mondok hokho mene fikhi lagep mene andoma re, afuni o Gibea mene nen hilingiti lagaukwa hakhogo hilingiti lagebo, ma re hit kwanirogo hilingiti lagep mene andoma Allah nen ebethambik he, hinaweak oba unggum wokhisagain.

HOSEA 8:13

Iren An noba wam warogo wo'netu aplere mondok inagaiyek. Nen wam a'nogo eino palek he it nili'lagwi, oba nen An Tuhan nen he iren a'nogo warogo fei weri'lagwi mene andoma re mondogat nabit. Yogondak he An nen it inaweak hilingiri'lagwi mene andoma eberek logolik he it inaweak onggo unggum inoba fagain o, An nen it inebe inambotkwe sugulogo o Mesir lakfisagain.

HOSEA 2:13

Aren An noba onggorasimbik, ninhup-nanhup amben fano mene tugwi kembu Baal andi faget enek noletik, alilingge fano mene waganogo ap inom nikharek mene andi heraginabi lagik, ikherek andi nen he, An nen wene at oba fagain o, iluk An Tuhan nen nane arat igi,” iluk ikhe.

ULANGAN 32:9

A'nogo meneat he, afuni Yakub en tagongge mene re, nineisena Tuhan, onggwarek againafuri, logouwagaluk wenaginafikhe.

1 KORINTUS 8:3

A'nogo meneat he, at ekhe nen, Allah ebe endawinggen hundik halok he, Allah nen at andi ebe elu o.

KEJADIAN 18:19

Aren he, nagainafuri inom, aren tagongge mene inom, an nen wene it warisigi mene a'nogo fisogo logolik higithogo hilingiti logouwageluk komorinafi logouwageluk wenagaisogo menfigi anggigi. Iren a'nogo mondogat hilingisugun halok, An nen Abraham wene wareti mene andi ebe mondok wogisagain o,” iluk anggasikhe.

ULANGAN 4:32

Allah nen, hit hinebe ta'lagi'lek werek kwelek, o endamat afuni kweangma elalninafikhe andi huli nen hilingirik wagaikhe mene hinendawimo ebe'ni. Wene elalin mene hit hilinghinafe andi hangge kweangma yi awi ti awi yoma mondogat ekhe attak hilinginafikhe mene werek nogo? A'nogo ekhe hilinginafunem inesanggo holharek nogo?

YEHEZKIEL 5:9

Haren hilingiti lagen mene andoma mondogat he, An nen nabit anggikhi lagi mene hilingiti lagenma re, afuni hat mene andoma inoba re unggum mondok hunogo mene An nen ekhe hilingitirek lek mene, nen hobuk ogo a'nogo ekhe hilingisigin lek mene wogisagain.

HOSEA 5:3

Hit afuni Israel mene yi sani, hiren hinobabut yi'nogo ti'nogo hilingiti lagep mene mondogat he An nelu o. Hiren hilingiti lagep mene an neilhanem hinago mene ekhe werek fuk. Hiren tugwi kembu fogerati logolik, An noba lombokhogo logou re hinabit welagep. Andi nen he afuni hit mene ekhe an fogetnafu aple a'nogo re elo'lek ari'lago andi,” iluk yagaisasikhe.

AMOS 2:4

Tuhan nen ikhi logolik he, ”It afuni Yehuda mene re hundik-handik weagenek hilingitu weregen he, An nen eberogoat unggum inoba fagain o. It he An nen nane yi'nogo hilingi'no ti'nogo hilingi'no iluk yagaisikhi lagi mene taganetfigik, An nen yagaisikhi lagi mene a'nogo futfigi'lek hilingitik, hilingiri'lagwi. It he it inombawi nen kembu ilah amu mene apne wanhi lagaukwa mene nineisena ebe yi aro iluk, fogerari'lagwi andiba inebe lalinaferek andi.

AMOS 3:3

A'nogo isikhesik, ekhe mel isikhe: ”Afuni inebe pire mene nen, Nit o andoma louwok, iluk emberek wene wati'legengge lamo re higit nogo a?

AMOS 6:1

A'nogo ikhesik hobuk ekhe mel ikhe: ”Hit o Sion hinagaiyekhogo welagep mene andoma inom, nen hit o Samaria fanorogo welago iluk anggikhi lagep mene andoma inom, hit afuni hinunggulenu Israel mene hinogogwi kaindek hinebe lego welagep mene yi nen he, wene fanorogo pilingisogo yaganisoageluk it hinagoromi re hit hinoba wagaikharek andi nen he, eige hit he alomat hinabigin o.

MIKHA 2:3

A'nogo hilingiri'lagwi andiba re Tuhan nen ikhi logolik, ”An nen weak mene hinoba fei wesigin iluk nendawimo wenggelhimo re, hinoba asi wagu halok he, hiren polokhogo wulibu re elo'lek asigin o. Nen, a'nogo asi wesigin sambul andi re, hit hinunggul uan a'luk laga logogun lek.

KELUARAN 32:34

It andi o An nen yagahetiba omanogo woginarek lanogen he, pin o. An nagot malaikat mene nen wokhinarek lagain o. A'nogo meneat he, it afuni weak hilingita mene andi unggum inoba fagain weregaro,” iluk yagatikhe.