AMOS 3:12 - Allah Wene Fano Wene Hupla Inane12 Ap gembala misik ekhe anggo domba mene singa nen senggelhunem, oak pire sanoksek hea, esanggo tilipsek hea, nek heratarek hak, afuni Samaria mene inagaiyekhogo inebe nogoli'lagwikwe mondok fano meneba yinggilogo werek mene andoma re, we inebe endebat enek telinabumo re ineluk logogun o,” iluk ikhe. Gade chapit la |
AMOS 3:12
16 Referans Kwoze
A'nogo lakfisasikhemo re raja Tiglat Pileser a'nogo nen he at Ahas nen kino yagatikhe mene a'nogo fano anggasikhesik, aren o Damsyik pin kwi wagaikhe. A'nogo kwi waga logolik he afuni Damsyik mene inoe raja Rezin a'nogo ebe wati logolik, nen afuni o andoma welagaukwa mene re hele warogo feleleng inarek o Kir lagaukwa.
A'nogo lagasukwasik, at Benhadad en ikhi logolik he, ”An nen he, o kota hat heisena nen meneba an neisena nen telasikhe mene omanogo re, nekhengge oak waganogo noe hat wokhesigin o. Nen, noe haren he, an neisena nen o kota Samaria oba yi mene ti mene onggo palhik, hunitik, hilingituba wute andi hak, noe haren ogo re o Damsyk oba wusigin fano aro,” iluk yagatikhe. A'nogo yagatikhemo at Ahab en ikhi logolik he, ”Noe, haren wene watneten mene andiba re, an nen noe hat hebe fikhalogo wulak hobagagin,” iluk isikhe. A'nogo isikhesik at Ahab en Benhadad inom wene wat-wat isukwasik he, Ahab en at a'nogo fikhalogo wulakfesikhe.
Nen, it ekhe tindel agaukwa mene omanogo re, heise o kota Afek andoma lagaukwaba nen he, o leget pa'leget waganek mene a'nogo sinukhogo saga ikhi logolik it ap omanogo inanggele'ma nen he inebe 27.000 nen inoatikhe. Nen, at Benhadad a'nogo re, ailo nen heise lagaikhesik he o misik ekhe elonggoma senggele'ma andoma hinago welagaikhe.
A'nogo isati logolik he, hun raja awi silimo omanogo re su kain lenan mene eil heiselek mene inom, kut mene inom, meneba hulirogo hele yo lenan eil sakhorek meneba homak fesukwasik he su kain andi wurep kwe re yo kwelakfugunggwe no perak meneba anggwe folelhigik hilingi'mo kwelakhigik fesukwasik he helep mendek mene re enu pualam meneba mendekma porogo fesukwa. A'nogo hilingfuluk su andi a'ma re hu'lagungge emas mene inom, perak mene inom, ohulumo re helep enu pualam eil kut mene inom, nogogungge eil mep mene inom, Wurili mutiara amulit weak mene inom, helep pirus eil heiselek mene inom talfesukwa.
A'nogo hilingiti logolik he, at Haman ebe endawimo mondok warikhi logolik he onggwaregen he Ester elokhoma aremnogo nen kweangma weing laga logolik he, he Ester en unggum andi legaphogo nobagauwakhogo iluk kino yagati lagaikhe. Oba nen at a'nogo hilingitu kwelek aremnogo re raja awi olulu nen nekhengge oloba kwi lagaikhe. Kwi lagunemen he at Haman a'nogo hilingitunem hasikhesik he raja nen ane ikhi logolik he, ”Nenamene? Aren he ambong si serogo andoma an nelokhe kwe, nonggwarek nawi polmining nagwe inom sebesugun iluk hilingiri'lago a?” iluk isikhe. At raja ane a'nogo isikhesik werek kwelek aremnogo re it ap inouwali waganek mene yabu raja a'ma hilingiti lagaukwa inap omanogo wagaukwasik he Haman eil sali wagaukwa.
An Tuhan Lego Mondok welagirek mene a'nogo nen hit afuni kerajaan Israel oba weak hilingiti lagep mene andi neilenggen wokhinafi lagi. Andi nen he, An nen o kweangma yoma nen lek hilingisogo hinobagagin o. A'nogo meneat he, afuni Israel mene Yakub en tagomangge mene hinebe mondogat lek hilingisogo hinobagagin lego, iluk An Tuhan nen nane arat igi.
Piblisite