AMOS 2:5 - Allah Wene Fano Wene Hupla Inane

⁵ A'nogo hilingiri'lagwi andiba re, An nen o Yehuda ba andoma endu lakfei wagik, nen Yerusalem oba leget pa'leget ninghogo waganek mene mondogat endu fatik, igin o,” iluk ikhe.

AMOS 2:5 Referans Kwoze

HOSEA 8:14

Afuni Israel mene nen inawi o istana sili pumbuk wurili'lagwiba nen iren ap ebe elalinafikhe agun a'nogo inonggot ari'lagwi. Afuni Yehuda mene nen inawi kota omamerogo wurilik lagali'lagwi, oba nen he An nen it inawi istana sili andoma inom, inawi kota andoma inom endu noageluk pelabi wesigin o,” iluk ikhe.

YEREMIA 17:27

Oba nen he hiren An nane hologo hilingiti'lek, linggene Sabat mene andi An nobaget enogo figi'lek, nen linggene sabat mene andiba kwe ambe palekwe andi nen hinasungge salmakhaluk wulibi lagik hilingiti logogun halok he, o Yerusalem kwe ambe palekwe andoma inom ap raja ebe were'ma andoma inom An nen endu oba mondogat foumo re endu andi re nagulu elo'lek logogin o, iluk ikhe yagaisano,” isikhe.

YEREMIA 21:10

An nen kota yi mondogat wolelenggen isagain iluk nane arat tekhogo igimo re nendawirasigin mondok lego. Kota yi re raja Babel mene inenggimo foumo, aren mondok obalik tamukhogo endu noligin. Iluk An Tuhan nen nane mondogat igi o,” ikhe.

YEREMIA 52:13

At Nebuzaradan nen he Tuhan awi a'nogo inom, raja awi sili inom, o Yerusalem oba nen ap yi kaindek ti kaindek inaiba inom he mondogat endu nolhikhe.

YEREMIA 39:8

A'nogo hilingitu kwelek aremnogo re ap Babel inaben he at raja awi sili a'nogo endu fatik, afuni inawilokwe mondogat endu nolhik, o Yerusalem leget pa'leget waganek welagaikhe mene omanogo meisak langgukhogo lakfisigik, hilingitukwa.

2 RAJA-RAJA 25:9

A'nogo wagaikhesik, aren Tuhan awi wurik a'nogo inom, kain raja aiba inom, afuni o Yerusalem welagaukwa mene inogogwi mondogat inawi endu fakfesikhemo libunghogo mondogat nasikhe.

AMOS 3:11

It a'nogo hilingiri'lagwi andi nen he, it inaiba andoma inaselei mene nen o kwe yagarinafi logolik, it inalong pale'ma iluk leget pa'leget waganek omanogo weagetfisigik, iren weim himbirengge fili'lagwi kwe wolelenggenhogo figik, inawi silikwe omanogo teligik, ugun o.

AMOS 3:15

A'nogo hilingiti logolik, it inaiba o salim agunem welagaikharek oba andoma inom, o hibi agunem welagaikharek oba andoma inom, mondok weaget fisigik, nen o timuk oba liagaisogo wurik mene andoma tukhumhogo lakfisigik, igin o, Nen o hokho mene wurik mene andoma re mondogat wolelenggenhogo weaget figik, igin,” iluk ikhe isikhe.

AMOS 7:4

Hobuk an nabikanggoba re At Tuhan Lego Mondok welagarek mene a'nogo nen yi'nogo inuk niikhe. Aren he againafuri endu oba unggum inoba feigiluk mondogat fik-foukhogo hilingfikhesik were'ma higi. Endu andi nen he kweang a'ma i yenggele'ma ma'lima amulok yelang melang ninggi logolik he, kweang elema inom, yabukwe inom mondogat endu nen nunggunem yethigi.

AMOS 1:4

andi nen he ap raja Hasael aiba andoma endu lakfei wagik, nen raja Benhadad en aleget pa'leget waganek mene andoma endu fatik, igin o.