AMOS 1:11 - Allah Wene Fano Wene Hupla Inane

¹¹ A'nogo isikhesik Tuhan nen ikhi logolik he, ”It afuni o Edom inap he hundik-handik weagenek hilingitu weragen he, eberogoat An nen unggum wogisagain o. Iren he inendawirinafi'lek engge it inagaila'lak Israel mene a'nogo inoasi kwisukwa. A'nogo hilinginafukwasik he iren ina'mage inoba fikhi logolik inendawirinafi'lek sebelinarek welagaikha andi.

AMOS 1:11 Referans Kwoze

MALEAKHI 1:4

Nen it Esau ambisangma mene o Edom mene nen ikhi logolik he, ”Nit ninawi kota mondogat meisalogo potfisaga oba nen, niren hobuk ambotkwe wusugun o,” iluk ili'lagwi oba nen ogo re, At Tuhan nen onggo ikhi logolik he, ”It inawi kota andi hobuk ambotkwe wusugun fano meneat he, an nen meisalogo potfisagain o. A'nogo meisalogo potfisamo, afuni nen he mel ikhi logogun: Afuni weak hilingitu welagaikharek mene inaiba, igik, inebe Tuhan nen a'mage inoba fikhemo werek mene o, igik, ikhi logogun,” iluk ikhe.

YOEL 3:19

Meneat he, it Mesir mene nen inom, Edom mene nen inom, afuni Yehuda mene weak hilingiti'le'maat, inaiba andoma were'ma inamep wulagaisogo inoatukwa andi nen he, o Mesir he lei kweang amusu mondok iringi'mo hilinglagik, O Edom he esilek lei mondok pirim-pirim uguba hilinglasumo re, afuni inebe andoma ekhe logogun mondok lego.

MAZMUR 137:7

Neisena Tuhan, o Yerusalem a'nogo afuni Babel mene nen sebelhunem he, it Edom mene nen mel isukwa andi, ”Meisalogo lakfisano, meisalogo lakfisano, o tik warek huli meisalogo lakfisano,” iluk isukwa mene andi re hendawimo eberek logoino o.

MIKHA 7:18

Nineisena Allah, Hat hemberek higit mene ekhe werek lek, it hagainafuri fena werek mene inaweak hilingiri'lagwi mene omanogo haren sagalogo leget fisikhi lagen. Nen Hat he wene ninoba fuluk aninurogo welagen lek, oba nen hebekhogo re hendawi hundik hilingninafi lagen mene huli warek lek mene andiba hagaiyek ninoba fugu welagen.

PENGKHOTBAH 7:9

Ap morue mene nen ina'mage lagaikherek mene andi inendawimo hinagaisogo fetaluk welagaikharek hilingi'mo re, ina'mage weak-weagat lagaikherek andi weak.

ULANGAN 23:7

It afuni Edom mene re hit hinagaila'lak hilingi'mo re, hiren it andi faget sebelek hak angga fuk. Nen it afuni Mesir mene faget ogore attak hit o andoma welagagip andi nen he, it faget sebelek hak iluk angga fugat.

EFESUS 5:1

Hinebe Allah againafuri at endawi mene welagep andi nen he, at obabut wanino.

MALEAKHI 1:2

Tuhan nen afuni At againafuri mene inoba yagaisikhi logolik: ”An nen hit hinoba nendawi hundik hilinghinafu welagi o,” iluk yagaisasikhe. Oba nen he iren onggo ikhi logolik he, ”Nineisena Tuhan Haren he hendawi hundik hilingninafi lagen andi re ebe ninggi'nogo hilingninafi lagen nogo?” iluk aga. A'nogo agama re, At Tuhan nen mel yagaisikhe: ”At Esau re, Yakub oe lek nogo? At Yakub oe aro. A'nogo meneat he, Yakub nendawirati logolik,

YESAYA 57:16

An he nagainafuri inoba mondok- mondok faget weagerinafirek mondok lego, hobuk faget inom An nen na'mage inoba fikhi lagi legaro, An nenat it ineluk logouwageluk hilingfisikhi lagimo re, iren inoba lebelek a'luk hilingiti logoinogo.

MAZMUR 85:5

Neisena Allah, Hat he nit ninagap telninafi lagen mene welagenma re, Hat ha'mage nit ninoba ekhe inom fugun o, nit ninebeba hilingik welago mene andi re Haren ambotkwe fanotninobagain o.

ZAKHARIA 1:15

Oba nen andi ero re it nagainafuri inoba na'mage fugu mene hambuget haluk welagiba nen it inunggulenu inap andi nen he, An nagainafuri inoba enggin-fenggin hugu mene a'nogo ekhe inom engginet fisugu weregen he, it inunggulenu inailo legengge fanorogo welago, iluk anggili'lagwi mene andi re, An na'mage inoba fugu welagi o.

2 TAWARIKH 20:10

It ninambu-ninobalak o Mesir en wagaukwa huli re, it afuni inunggulenu amu mene were'ma inaiba andoma logogun lek, isiginmo re, it inambu-inombalagen it afuni inunggulenu Amon mene inom, Moab mene inom, Edom mene inom, inoati'legengge kwe amukwe nen ogal-ogal haningisogo wagaukwa.

2 TAWARIKH 20:11

Nit ninoasuogeluk waga logolik, iren hilingitukwa mene re, yi'nogo hilingninabi'lagwi. Iren he, Haren kweang nit wo'nisegen mene ariba nen mugisogo wulakninobagauwogeluk hilingiri'lagwi.

HOSEA 8:3

oba nen iren fano mene helugu aple andoma inabit eri'lagwi. Andiba re it inebe ap selei mene nen mugisogoin.