AMOS 1:1 - Allah Wene Fano Wene Hupla Inane

¹ Ap Amos andi ebere domba konhi lagaikhe mene awi o kota Tekoa agun welagaikhe. At ebere it Yehuda meneba andoma hun Uzia raja logolik melalinafu kwelek, nen it Israel mene re raja Yerobeam hun Yoas amlogo a'nogo logolik melalinafu kwelek andem oba Amos ebe nabi menlagaikhe. Menlagaikhesik tahun pire wela'luk o lugul oan langhigi'lek werek kwelek, At Allah nen he Amos oba afuni Israel mene inobaget wene yagatikhe.

AMOS 1:1 Referans Kwoze

ZAKHARIA 14:5

Hit he, punu andi pire pelanget lasumo re fanggong kwe andi nen heise logoin. Hit he attak hun Uzia afuni Yehuda mene faget raja mendek were'ma it inombalak o lugul inailo nen heise lagaukwa a'nogo hak, hilingisugun. A'nogo hilingisumo re, an Neisena Tuhan Allah ebe re malaikat inebe mondogat inom seberogo wesugun.

AMOS 7:14

A'nogo wenagetikhemo, Amos nen onggo mel isikhe, ”An nebe re, ap Allah ane yagaisikhi logouwageluk mennobagaikhe mene re lego. An he we wam domba konhik, e ara enggen palhik igirek mene o.

YEREMIA 6:1

Yago, hit afuni Benyamin mene yi sani, o abel utara fikhiren enggin mene inom, obabut mondok weak mene inom ninoba feigiluk weri'lago andi nen he, hit he o Yerusalem herakfisaluk wulibi lani o! O Tekoa nen he trompet futhani, nen o Bet-Kerem oba andoma enegenggerogo iluk he endu hule liapni.

2 TAWARIKH 20:20

A'nogo hilingitukwasik hubet o weigiluk ugu kwelek, it afuni a'nogo wulibi lagaukwasik he o Tekoa horokhogo leimo omanogo lagaukwa. It lagunem he at Yosafat en wene inoba fikhi logolik he, yi'nogo yagaisasikhe, ”Yago hit afuni Yehuda mene inom, nen Yerusalem mene inom, hit logoin mene andi ambisangma fano agunem hogoin enggere, hit hineisugwi nabi nen yagahisaga mene andi furogo wanino. Nen, it hinaselei mene wagu halok hinendawinggen hambukhogo logobagaigen he, hit hineisena Tuhan Allah ba hinendawinggen tibet feino!” iluk yagaisasikhe.

2 TAWARIKH 11:6

Kota Betlehem inom, Etam inom, Tekoa inom,

1RAJA-RAJA 19:19

A'nogo yagatikhemo, at Elia a'nogo lagaikhesik wagunem he, ap Safat amlogo Elisa andi yabu wanigiluk, wam sapi 24 en mene, ebe pire lombogethigik, oba yabu wanharek mene kelogo figik isukwasik, it wam inebe hokhokwe attak hele lisogo waluk lagu kwelek, inambotma at Elisa ebe wam ekhe emberek wuthogo oba yabu wanharek mene a'nogo kelogo waluk nugunem wagaikhe. A'nogo wagaikhesik, Elia at Elisa oba horokhogo wagaikhesik he, Elia asu sogoi su a'nogo nonggologo re, at Elisa omoloba teisal fesikhe.

2 SAMUEL 14:2

andi nen aren he ekhe afe hebelek mene o Tekoa were'ma hondosi loageluk miminginafikhe. Miminghogo lakfisasikhemo re, he a'nogo hondo'luk wagaukwama, Yoab en he a'nogoba ikhi logolik, ”He hat he heranhogo afuni fong watarek mene hakhogo logolik hasu pelagi su laberogo re amusu amben fano mene inebene yugulharek mene omanogo yugulhi'legengge logoino. A'nogo logolik he, hemi inaguni inendawi mondok hundik mene wa'lagunem inenggi aninurogo le agu wela'luk hakhogo logoino.

YEREMIA 1:1

Buku yi re hun Hilkia ebe imam o kota Anatot wilayah Benyamin meneba andoma welagaikhe agun andi amlogo Yeremia nen ane ikhi lagaikhe mene palek werek.

YESAYA 1:1

Wene yi re afuni Yehuda mene inogogwi raja-raja Uzia inom Yotam inom, Ahas inom, Hizkia inom, hobugalep ferinarek logolik welagaukwa andem oba, Allah nen it Yehuda mene inom Yerusalem mene inomen hilingisugun mene faget, Yesaya hun Amos amlogo a'nogo bene nen yagaisoageluk Allah nen weinamhogo yagatikhe.

2 RAJA-RAJA 14:23

Hun Amazia amlogo Yoas a'nogo raja menlagaikhesik melalinafu werek kwelek 15 tahun hilingitikhesik. at Yerobeam pirenek mene hun Yoas amlogo a'nogo afuni Israel mene inobaget inoe raja menlagaikhe. Aren o Samaria ba andoma melalinafu werek kwelek 41 tahun hilingitikhe.

1 KORINTUS 1:27

At Allah endawimo nenat he, it afuni kweangma mene inendawimo kagalek mene andi, inenggali wasigeluk he, afuni nonghongsek meneat wenagaisogo inayonggo fesikhe. Afuni inomame werek mene andi, inenggali wasigeluk he, it sebelek mene wenagaisogo inayonggo fesikhe andi.

MIKHA 1:1

Afuni o Yehuda ba welagaukwa mene inogogwi raja Yotam inom, Ahas inom, Hizkia inom hobugalep mendek logolik melalinafu were'ma, Tuhan nen afuni Samaria mene inom Yerusalem mene inom wene inoba asigin mene faget yagaisoageluk, hun Mikha awi kota endepma enu Moresyet mene andiba wene fesikhe.

HOSEA 1:1

Wene yi re Tuhan nen hun Beeri amlogo Hosea a'nogoba o kerajaan Yehuda ba andoma re ap inogogwi raja-raja Uzia inom, Yotam inom, Ahas inom, Hizkia inomen ferinarek were'ma. Nen, afuni Israel mene inobaget he Yoas amlogo Yerobeam a'nogo nen ferinarek were'ma, wene yi'nogo yagaisoagaluk yagatikhe mene palek werek.

YEREMIA 7:27

Andi nen Tuhan nen ikhi logolik, ”Ariginik enggere Yeremia ahwi, haren mondogat andoma re An nagainafuri inoba yagaisikhi logogin oba nen he iren hat hane yagaisikhi lagen mene andoma futfikhi logogun lego. Nen, haren it wolinafi logogin oba nen he iren inane onggo ikhi logogun legaro.

KELUARAN 3:1

Andem sambul he, at Musa wam eamal Yitro Allah eisewerek o Median mene a'nogo anggo domba, kambing inom konhi lagaikhe. Konhi logolik, wam woginarek he, o leimo afuni le'ma abel yikwe wagaikhesik, Allah onggwarek andom Sinai oba wagaikhe.

MATIUS 4:18

At Yesus i Galilea yenggele'ma esanggokwe laga logolik he, ap inebe pire, Simon enu ekhe Petrus ikhi lago a'nogo agot Andreas emberek hundik-handik ikan at wanhi lagaukwa andi nen he, andi sambul ikan wanuogeluk, su ikan su ima pelafunem eilenggen yerisasikhe.

YEREMIA 28:8

Ap nabi-nabi nit ninebe oan ta'lagi'le'ma attak welagaukwa mene nen asigin mene faget yi'nogo isukwa: Weim yafik, enggin-fenggin agik, ou amben weak mene saga igik, ikhi logolik ap inunggulenu mene inom, inawi kerajaan omame logogin mene omanogo inoba asi wesigin o, iluk yagaisikhi lagaukwa.