2 SAMUEL 9:3 - Allah Wene Fano Wene Hupla Inane

³ A'nogo yagatikhemo, at Daud en he, ”Saul againafuri mene ekhe werega? Lega! An nen, it yi'nogo hilinginafi logogin, iluk wene Allah waretigi higithogoat, at andi fanot feigilugen heinok wanhi o,” iluk yagatikhemo, at Ziba nen he, ”Ap Yonatan amlogo ebe awe wut warek mene werego,” iluk yagatikhe.

2 SAMUEL 9:3 Referans Kwoze

LUKAS 6:36

Halok he, Nineisena nen endawirinaferek andi hak, hiren afuni a'nogoat hinendawirinafi logoino o,” iluk yagaisasikhe.

ULANGAN 10:15

A'nogo meneat he, nineisena Tuhan nen nit ninombalak endawirinafikhe andi nek he, mondok hokho aro. A'nogo endawirinafikhe andi nen, afuni ninunggulenu nit mene it inunggulenu lombok hokhoat ekhe inanggele'ma nen kigilogo wena'ninafikhemo yogondak ninebe At againafuri wena'ninafikhe mene mondok welago andi.

2 SAMUEL 19:26

A'nogo yagatikhemo, at Mefiboset en he, ”Noe halaboge. An hamingmingengge yi nawe wut warek andi, hat helu o. Andi nen he, an nebe wam keledai ambot oba lagaluk hurek hat hombo'ne nikhi logogiluk an namingmingengge Ziba a'nogo oba wam keledai ekhe an faget tegelogo fanuagaluk yagatigi meneat he, aren lalnafikhe o.

ULANGAN 4:37

Aren, hinombalak inebe endawinggen hundik welagarek andi nen, hit hinebe wenagaisogo hinobagaikhesik At omame hokho mene a'nogoba o Mesir en wokhinarek wulibi wagaikhe andi.

2 SAMUEL 9:7

A'nogo yagatikhemo, at Daud en he, ”Hailo agun o. Heisena Yonatan alisikhogo, an nen hat nendawithabimbik he, kweang homba Saul eise welagaikhe mene mondogat ambotkwe hat wokhesimbik he, hat hebe nek he, hamburu an naiba ninom nunggu mondok logogin o,” iluk yagatikhe.

2 SAMUEL 9:13

At Mefiboset eisok fena-fena wut warek mene a'nogo, o Yerusalem logolik, sumburu Daud aiba nunggu mondok welagaikhe a'nogo re andi.

2 SAMUEL 19:27

Arenat an wene noba le'maat an nenu weak hilingisogo eranen weneat yagahetikhe, noe. A'nogo meneat he, noe hat hebe re, malaikat higit welagen andi nen he, hendawimo nen, fano hilingisu yi'nogo iluk anggegen halok he, andiat hilingnobagain o, noe.