2 SAMUEL 7:2 - Allah Wene Fano Wene Hupla Inane

² A'nogo logolik, ap Natan Allah ane yagaisikhi lagaikhe mene a'nogoba mel yagatikhe: ”Yethan, Allah nen Peti Wene Warogo wo'ninafikhe iluk hilingik mene a'nogo re we o tenda wuri'mo andoma figimo werek kwelek oba nen he, an enek he nawi istana e laik o Libanon alima agayoba nek wuri'mo welagingge yi!” iluk yagatikhe.

2 SAMUEL 7:2 Referans Kwoze

2 SAMUEL 5:11

A'nogo agu kwelek, ap kain raja Hiram en, o Daud aiba istana wusugun mene faget, at Hiram agoromi kaindek mene Daud oba lakfisa waga logolik he, e wombi hangge enu cemara o Libanon mene inom, ap tukang o ebe wusugun mene inom, helep wutu inelu mene inom, lakfisa wagaikhemo wagaukwa.

2 SAMUEL 12:1

A'nogo hilingitukwama nen, hobuk At Tuhan nen Natan Allah ane yagaisikhi lagaikhe mene a'nogo ayonggo fesikhesik, Daud oba lakfei wagaikhemo wagaikhesik mel yagatikhe: ”Ap inebe pire mene re, at ekhe kain angge hokhorogo werek mene, nen ekhe re enggi lek elagaik mene emberek inawi kota misi'mo welagaukwa.

KISAH PARA RASUL 7:46

Allah nen Daud obabut hilingiti lagaikhe mene andi Allah oba liok isikhemo, aren Allah mel yagatikhe: Yakub eisena Allah hararo. Hawi ekhe wurogo hobagagin, iluk yagatikhe.

YOHANES 2:17

A'nogo wenagisasikhemo, it ap at agoromi ane wanhi lagaukwa mene omanogo inendawimo nen he, ”Attagat it ap ekhe nen Allah aneba lisu palogo fikhi logolik he, mel isukwama werek a'nogo: Allah neisena, Hat hawi wurik andi faget an nendawinggen nunggunem he nendawimo warikhi lagi, iluk lisu palhukwama werek anggigi,” iluk inendawimo ebetukwa.

HAGAI 1:4

”Yago, nagainafuri, hit he hinonggwarek hinaiba mondok hambuk lele warogo omamerogo wurogo welagep mene andoma re hinenggi arat asi wagu kwelegat welagebo, oba nen he An naiba andi nek he o meisalek enek kabok lagakhi logoilep anggikhi lageba?

1 TAWARIKH 29:29

At raja Daud ta'lagaikhesik yabu hilingiti lagaikhe mene, eroma nen erembulmo tindelogo re, buku nabi Samuel, Nabi Natan, Nabi Gad oba palek werek.

1 TAWARIKH 16:1

Peti Wene Warek a'nogo re at Daud en o sabu Peti faget iluk obalik halfesikheba a'nogo fei kwisukwa. Fei kwisukwasik he iren wam Allah endawimo agaiyek hoageluk mene inom, nen fanot ninabuageluk mene inom, At obaget hilingiti logolik warogo noletukwa.

2 TAWARIKH 1:4

(Oba nen he Peti Tuhan nen Wene warogo wo'ninafikhe mene a'nogo re at raja Daud nen o Kiryat-Yearim en waganogo o Yerusalem aren Peti andi faget o Sabu salfesikheba omanogo fei wagaukwama welagaikhe.)

1 TAWARIKH 14:1

Hun Hiram raja o Tirus agun a'nogo nen he, hun Daud awi sili halogo wusuageluk agoromi lakfisa waga logolik he, ap inebe o e meneba wutu mene inom, nen helep oba wutu mene inom lakfisa wagaikhe.

2 SAMUEL 7:17

A'nogo yagatikhemo, at Natan nen wene Allah nen yagatikhe mene andi mondogat at Daud yagasi lagaikhe.

2 SAMUEL 6:17

A'nogo hilingirik wagaikhesik he, Peti Wene Warogo Allah nen wo'ninafikhe, iluk hilingik a'nogo obuluk at Daud en o su mene wutikheba andoma fesukwa. A'nogo fesukwasik, at Daud en wam nineisena Tuhan faget warogo noletik, Allah ninom lambulho, iluk warogo noletik, isikhe.

KELUARAN 40:21

A'nogo kelfesikhesik, Tuhan nen, ”Yi'nogo hilingi'no,” iluk yagatikhe higithogo, peti andi o Allah awi su mene wutikheba a'nogo elonggoma fesikhesik, laberogo su kain mene hulirogo kologo pelabi wagaikhe.

2 SAMUEL 11:11

A'nogo yagatikhemo, at Uria nen he, mel yagatikhe: ”Ap tentara Israel mene inom, Yehuda mene inom, Peti Wene Warogo Allah nen wo'ninafikhe, iluk hilingik a'nogo weim mondok inomamerogo yafu kwelek waluk nikho. Nen, at Yoab agoromi kabelek mene inom ogore tenda o leikwe salhigik nugu kwelek mene at he, an hamingmingengge yi nambotkwe oloba lambik, sumburu ninggik, i ninggik, nagwe nemberek nogo igik, uagaluk yaganeten andi nenahalok, noe. Noe, hat hebe hoak, an hat egen andi a'nogo hilingisigin mondok lego,” iluk yagatikhe.

1RAJA-RAJA 1:22

At Batsyeba nen Daud a'nogo yagatu were'ma, at Natan Allah ane yagaisikhi lagaikhe mene a'nogo Daud oba kwigiluk o istana wagaikhe.

1RAJA-RAJA 8:17

A'nogo yagatikhesik, it afuni omanogo ekhe mel yagaisasikhe: ”An neisena Daud en he, nit afuni Israel mene nineisena Tuhan Allah faget hilingiti logogin oba awi wusigiluk isikhe andi.

1 TAWARIKH 22:7

At Daud en amlogo Salomo ba ikhi logolik he, ”Namlogo, an o endamen engge At Tuhan Allah a'nogo along anggaluk legeisogo fikhi logolik he, o misik ekhe At Aiba wusigin iluk nendawimo anggikhi lagagi.

2 TAWARIKH 9:29

At Salomo nen hilingiti lagaikhe mene mondogat eroma nen pikhit wurep oba re buku nabi Natan ta'lagaikhesik hilingirik laga lagaikhe mene a'nogoba inom, hun Ahia awi Silo agun a'nogo nen hobuk hilinglasigin mene isikhe mene buku ba palek welagaikhe mene a'nogo inom, hun nabi Ido nen abikanggoba hasikhe mene buku ba palek welagaikhe mene a'nogoba at Yerobeam it afuni Israel mene faget raja welagaikhe aple faget inom, palek welagaikhe mene andiba palek werek.

2 TAWARIKH 29:25

A'nogo hilingitukwasik he At Tuhan nen nabi Gad fene nen inom, nabi Natan at raja faget yabu hilingiti lagaikhe mene a'nogo bene nen inom, yi'nogo hilingi'no ti'nogo hilingi'no iluk hun Daud yagatikhe mene a'nogo higithogo re, at raja nen he it Lewi mene a'nogo Tuhan Awi wuri'mo omanogo pinggong kecapi inom, gambus inom, at Daud en hilingiti lagaikhe hakhogo wati logouwageluk fisasikhe.

1RAJA-RAJA 1:8

Oba nen he, ap Allah eisewerek Zadok inom, ap Yoyada amlogo Benaya inom, ap Allah ane yagaisikhi lagaikhe mene Natan inom, Simei inom, Rei inom, ap Daud ebe serogo welagaukwa mene inom enek he, Andonia werekwe agaukwa lek.

MAZMUR 132:2

Yakub eisena Tuhan homame mondok hokho mene a'nogo nen, Hat Honggwarek henu hombuk palogo, yagahetikhe mene andi, honggorasimbik herak fugun o.