2 SAMUEL 1:8 - Allah Wene Fano Wene Hupla Inane

⁸ A'nogo yagatimo, aren he, ”Hat sa,” iluk heinok wo'niikhemo, an nen he, ”An hamingmingengge nebe Amalek mene o,” iluk yagati.

2 SAMUEL 1:8 Referans Kwoze

1 SAMUEL 30:17

O wei igiluk hil mogolhu kwelek aremnogo re, Daud a'nogo nen it were'ma pin kwisikhemo weim yafu werek kwelek enek he o mondogat hup agaikhe. A'nogo hilingitunem it ap inebe 400 nen mene wam unta amboloba lagaluk wulifukwa mene aremnogo nen enek oba nen he it inaselei mene misik ekhe iluk polokhogo wulibi lagaukwa lek.

1 SAMUEL 30:13

A'nogo agaikhemo Daud en heinok wokhikhi logolik he mel yagatikhe, ”Hat heisena re sa, nen hat hebe re koma mene?” iluk heinok wokhasikhe. Ma re, abo a'nogo nen onggo ikhi logolik he, ”An he nawi Mesir mene o, nen nebere afuni Amalek mene inamingmingengge welagi mene, iluk isikhe. An nebe ou wanhu werek kwelek he neisena nen herak nobagaluk lagama re nenggi henagan ou wanhu welagarigo, isikhe.

1 SAMUEL 30:1

A'nogo lagaukwasik he linggene pire welagaukwasik at Daud inom, agoromi omanogo inom sugulogo o kota Ziklag lagaukwa. It inebe omanogo lagaukwasik hilingitunemen he ap Amalek mene re o Yehuda abel a'ma selatan fikhit andoma pin kwi wagaukwasik he, o Ziklag a'nogo inom inoasi wagaukwa. Iren he ap misik iluk ogo ekhe inoatukwa lek meneat he, o kota a'nogo abirengge endu fikhi logolik he, kwe pikhit louwogeluk hemi inom, yenggerugwi inom, afuni fena inom hele warogo woginarek lagaukwa. Nen, iren he at Daud eisok erokwe mene mondogat inom, nen at agoromi ineisok erokwe mene mondogat inom, hele warogo woginarek lagaukwaat. Nen, a'nogo laga logolik he at Daud agagwi inebe pire hele Ahinoam inom Abigail inom aremnogo ogore inomat woginarek lagaukwama re, at Daud inom agoromi inom he inendawinggen warugu mondok logolik he leagu werek kwelek enek he inoba mondogat lebelek agaikhe.

1 SAMUEL 15:3

Halok he, afuni Amalek mene were'ma weim lambik, inebe inom, yi mene ti mene inom, ekhe herakfigi'lek mondok legetfisano o. Afuni mondogat ap inom, hemi inom, yenggerugwi inom, omalik inom, inanggo sapi, domba, unta, keledai inom, mondogat wulil tagalogo legetfisano o,” iluk yagatikhe.

1 SAMUEL 27:8

Andem oba at Daud a'nogo logolik at agoromi inomen he, it afuni Gesur mene inom Girsi mene inom, Amalek inap inom, it inunggulenu andem inap he endamen engge o kweang andomaba were'ma inoasi laga lagaukwa. Aren he o kweang andoma mene inoba inoarik-inoarik he o Zur huli andoma nen he o Mesir huli yathogo andomaba fei lagaikhe.

BILANGAN 24:20

At Bileam abikanggoba a'nogo yethikhi logolik, afuni Amalek mene eilenggen yerisasikhe. A'nogo yerisasikhesik, wene it faget hobuk hilinglasigin mene mel isikhe: ”Afuni inunggulenu lombok mondogat kweangma welagaikharek mene endebat elo'lek hangge meneat he, Amalek mene nek he, inomame hokho werego. A'nogo meneat he, afuni inunggulenu andi mene logombigen wurep oba re, inebe mondok-mondok lek asugun o,” iluk isikhe.

KEJADIAN 14:7

A'nogo mugisogo fisa wagaukwasik, inambotkwe o En-Mispat yogondak enu Kades agarek oba andoma lagaukwa. Laga logolik he, afuni Amalek mene inanggweang mene mondogat sebelik-sebelik kwi laga logolik, afuni Amori mene o Hazezon-Tamar welagaukwa mene mondok mabenet fisasukwaat.

2 SAMUEL 1:7

A'nogo waga lagaikhama re, at Saul eilenggen ambotma lagokhogo yetniikhe re, an were'ma niikhesik he wolnetemo an nen onggo: ”Wui! Noe,” iluk yagati.

2 SAMUEL 1:9

A'nogo yagatimo, aren he, ”An tok noata mene mondok enggin agama nebe wa'lasu hak welagi, hilingi'mo re, noasi me o!” iluk yaganete.

2 SAMUEL 1:13

A'nogo welagaukwasik, at Daud en ap alage wene waluk wagaikhe mene a'nogo mel yagatikhe: ”Hat haiba koma mene,” iluk heinok wokhasikhe. A'nogo heinok wokhasikhemo, aren he, ”An hamingmingengge yi nebe ap Amalek mene inamlogo o hat were'ma yoma wagagisik ap pok higit logolik welagirek mene o,” iluk yagatikhe.