1 SAMUEL 9:3 - Allah Wene Fano Wene Hupla Inane

³ Were'ma, inenggi ekhe sambul he, at Kish anggo keledai fenakwe longgosikhe. A'nogo longgosikhe andi nen he, at Kish nen he, Saul mel yagatikhe: ”Hamingmingengge ekhe hemberek he, wam keledai omanogo herasi lani o,” iluk yagatikhe.

1 SAMUEL 9:3 Referans Kwoze

1 SAMUEL 10:2

Yogondak haren an nobagaluk lambik hilingitunemen, ap inebe pire mene afuni Benyamin mene inaiba o Zelzah, he Rahel salhukwaba andem hinom ambi asugun a'naga. A'nogo ambi asimbik, iren he, mel yagahesugun: Wam keledai longgoikhemo hat herarik lagen a'nogo arat heratasik, heisena endawimo siok ikhesik werek meneat he, hat hebe faget endawi firik logolik: An ninggi'nogo hilingisigin oba namlogo nemberek ambi asugun e, iluk ugu werego, iluk yagahesugun a'naga,” iluk yagatikhe.

HAKIM–HAKIM 10:4

At amlogomi ap mene re inebe 30 nen welagaukwa, nen it inanggo keledai amboloba hu'la'luk lagaikharek mene lambukhogo re 30 nenat welagaikhe. O sili andoma re at Yair awi sili ikhi lagaukwa.

HAKIM–HAKIM 5:10

Hit ap wam keledai kut mene amboloba talfuluk laga-lagep mene andi inom, hit hinasu wam oroa'ma talfuluk laga-lagep mene andi inom, Nen hit afuni ekhe hineisok oba laga lagep mene andi inom ninomame ago wene andi yagaisilik laga logoino!

1 SAMUEL 9:2

At Kish andi amlogo re, ap souge fano mondok mene enu Saul welagaikhe. Afuni Israel mene ap mondogat endebat fano hangge meneat he, arenek he, eil alili mondok fano pugunsek welagaikhe. At oakhuse re it Israel mene endep mangge omolo huli werek kwelek arenek he mondok uan mene welagaikhe.

1 SAMUEL 9:4

A'nogo yagatikhemo, at Saul amingmingengge a'nogo emberek wam a'nogo o tom Efrayim oba inom, o Salisa andoma inom, mondogat yiling-waling heratukwa mene re, heratukwa mondok lek. Andi nen he, o Sahalim kwe heratukwa mene re, andoma legaren he, hobuk afuni Benyamin mene inaiba herasi lagaukwa ma nen he, le'ma nong agaukwa.

1 SAMUEL 9:20

Nen, hat hanggo keledai hup henagan longgoikhe mene andi re, arat herata andi nen he hendawi fitun o. Nen, andi nek lek oba nen afuni Israel mene were'ma nen, ebe mondok esin onggo hokho anggagarek mene andi, hat hebe inom, heisena eisok erokwe inom, wokhisamo eise asugun o,” iluk yagatikhe.

1 SAMUEL 10:14

A'nogo lagagunem, at Saul eisena agot a'nogo nen eilenggen isasikhesik, it heinok wogisikhi logolik, hit he koma nen wagep? Iluk heinok wogisasikhemo, iren onggo yagati logolik he, ”Nit he wam keledai longgo ikhe mene herarik lago mene re legen he, Samuel oba lagosigen wago o,” iluk yagatikhe.